Jeremaya 46:28 - Wëël Jwøk

²⁸ Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»

Jeremaya 46:28 Iomraidhean Croise

Aydheea 27:7

?Aŋø, Wuuö Jwøk jiye ajääle na bëëde, kaawat mana jääl nyïïmän moge? Wala jiye ma jø Icriel anääe na bëëde, ka teeŋ mana näk nyïïmän moge?

Aydheea 27:9

Kiper manøgønø, gïnögø otïmö na jöö man wëën bääyö mar Jeekap ki gø; ni gïno duu wëën raay manøgø beeye kanyo ö eni noo raany kïte mo gïn wø cïp olämme bääte ni tïïc ge kaamar tør mar kïn booya; ni beeye kanyo ö jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge noo tïmge ni bäŋgø mo cuŋŋi këët.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Aydheea 44:1

«'Ba ennø, cek ïthï, ï na dhaanhnha ma Jeekap, ni bee ï Icriel na näk yaa nø jier.

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Jeremaya 1:19

Geni, ge këëdö ki ïïni, 'ba ï ba böötge, kiper a ena buutï, naa peemma ïïni.» Luummögø caana Wuuö Jwøki.

Jeremaya 10:24

Wui Wuuö Jwøk, pwöny aani ka ajäla mana näk kare, mo ree bäŋ wëër, naa ba ränynya.

Jeremaya 15:20

'Ba aani, ï tïïa tïïö kaamar kiir mo teek mo tïïc ka nywïënyö ma jwïël ki jï jøøgø. Ni këël ge doo këëdö ki ïïni, ï ba böötge, kiper a ena buutï naa peemma ïïni, ni käla ï wøk ceŋge.

Jeremaya 23:4

Ni mooa geni ki dïkwääye mo käär geni, ni ge ba lwäyi këët, ni ge ba bööi, ni bäŋ aciel mo rwäänyi rege.» Luummögø caana Wuuö Jwøki.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 30:11

Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Jeremaya 4:27

Ni manøgø beeye luumma caan Wuuö Jwøki, na kööe, ni «Ŋöömö bäre oränynyi; 'ba ba raanynya bäre.

Jeremaya 5:10

Ni kö Wuuö Jwøki, ni «Cou yi pwöth omøki, ni beeye po jø Juuda, ni raanynyu gø, 'ba kär raanynyu bäre. Jäu bäätge wøk, kiper ge patha 'moa, a na Wuuö Jwøk;

Jeremaya 5:18

«'Ba kar kaace, a na Wuuö Jwøk, u ba raanynya bëët.

Jeremaya 51:46

Uuni, kär cwïnynyu bwøk, ni ba lwäyu ka akøpi mo wø cari yi ŋöömmi en, ni beeye akøpi mo wø cari ni da gïn mo tägö yi cwiir man, ni cwiino ööi, poot da akøpi mo di carø. Ni ö ŋöömmi bäre ni jïte ko okiera, ni kwäärö man nø këëdö ki kwäärö maya.

Daniel 2:35

Ni ö nywïënyö, ko odhöönh, ki jwïël, ki gwel-bïrö, ki warkey ni putge petø na thäŋi yie aciel, ni tïmge kaamar lethø mo ena yi laara ri jam arïïa, ni køøli ya jame, ni bäŋgø mo odööŋ rege. 'Ba thääŋ kïdi mana päth bäät gïnögø no otïïö na kït dhaanhø enø, aput tïmö na kïdi mo dwøŋ ni pääŋ piny bäre.

Abakuk 3:2

Wui Wuuö Jwøk, lïëŋ mar nyeŋŋï awïnynya, ni thäŋ yia ki gïr tïïe moï. Wui Wuuö Jwøk, tïïe moa tïïyï, cäŋ tïïyö kar kany ennø, niï tïïya geni nee ŋäc yïth cwiiri moi. Nyooth met ec këël na bëëdï ni ïïno wëër.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Moa Tïïc Nyïïatwieli 18:10

Kiper aani, a nutö buutï, ni bäŋ dhaanhø mo ï dee røødhø mo tïïö dëërï ki gïn mo raac. Kiper jïra da jiy mo thööth yi paani en.»

1 Körin 11:32

'Ba kany wø ö Wuue wø jääl øøni, pwönynya øøni, kiper nee ø ba jääl ki jø piny na aciel.

2 Timöthi 4:17

'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

Jøcua 1:5

'Ba bäŋ dhaanhø mo maara lønyø jïre ki man cuŋŋe nyïmï kany wø näk ri leny ki yïth nïr kwøw moï bëët moo beetï. Aano bëëdö ki ïïni kaawat mana bëëda ki Modhe; ï ba leeŋa piny ni ba wiia ïïni.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Mana Nyooth 3:19

«Kiper a wø jooga jø wø mëëra ki geni, ni pwöda geni. Kiper manøgønø, këëyï, ni løgï cwïnyï.