Jeremaya 46:20 - Wëël Jwøk

²⁰ «Ijep caala dhieŋ ma nyakøø mo poot mïërö, 'ba lwaa jø leny ööi ki paana en jï løø wï-piny, ni tïïge dëëre ki teeŋ gïn wø tïïc lwaa rumö dëër dhieŋ.

Jeremaya 46:20 Iomraidhean Croise

Jeremaya 1:14

Køøre Wuuö Jwøk aköö jïra, ni «Gïn mo raac oööi ki wï-piny, ni pïïe bäät jiy bëët mo bëëdö paani en.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 46:10

Kiper dïcäŋöce beeye cäŋ mar Kwäärö Wuuö Jwøk, eni na wïth jammi bëët, ni beeye cäŋ mano cool kwöri yie dëët nyïïmän moe. Opëëllö ocämö rege gøøc mano jääŋe, ni mädhe ki rem moge këël mano røme. Kiper Kwäärö Wuuö Jwøk, eni na wïth jammi bëët, ge wëëge ŋaal kaamar olämme yi paano enge yie jï løø wï-piny bäät Naam Upareeti.

Jeremaya 46:24

Jø Ijep wïthge otïmö ni laay, kanyo cïp geni ceŋ jøw ööi ki jï løø wï-piny.» Luummögø caana Wuuö Jwøki.

Jeremaya 46:6

«Ŋata tiere piew ba jöömmi, ni ŋata näk oteeø ba bøth; kanyo enge yie jï løø wï-piny bäät Naam Upareeti, tietge cwanyge cwanynyø ni päänhge.

Jeremaya 47:2

Luumma caan Wuuö Jwøki beeye en: ni «Ka adïëri møn, jø leny ööi ki jï løø wï-piny, ni piny ege baabø kaamar jwïëö; ni macge paac bäre, ki japa en yie bëët, këël päänye ki jiy mo wø bëëdö yïthge. Jø paanøgø ogöö ko oduuru, ni ö jiyi bëët ni jwöŋge.

Jeremaya 50:11

«Wui, u na jø Babiløn na twier jap jiya, u bëëdö ni yïthu met nou kanynyø; nou pärö kaamar nyirøøa mo bïëdö yi pwöla, nou kwöŋŋö kaamar thwønh okweeny mo teek.

Odheea 10:11

Ipariem caala nyirøøa mo opwönynyö mo yie met ki dïn beel. 'Ba ŋute na mïërö okïtha ki gïr puur ni pura ki gø. Ni ö Juuda ni pure, ni Jeekap tøga pøl.