Jeremaya 46:18 - Wëël Jwøk

¹⁸ 'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Jeremaya 46:18 Iomraidhean Croise

Aydheea 47:4

Eni na wïïl øøni wøk, nyeŋŋe beeye Wuuö Jwøk, eni na wïth jammi bëët, ni beeye Jwø Icriel na en kur keere.

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Jeremaya 10:16

'Ba eni na Jwø Jeekap ba caal gïïögø, kiper bee eni na tïïc jammi bëët, ni cwääc jiye ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Jeremaya 4:13

'Ba ka adïëri møn, dëëc öö bäre kaamar pøøl mo mäännö, ni ö jïëth lenynyi moge mo wø tut okwëënyi ni öge kaamar atuunna; okwëënyi moge rïïŋö døc ni kaala olwiith. 'Ba otïmö ni raac jïïø, kiper beeye ränynyö marø.

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 44:26

«'Ba u na jø Juuda bëët, u ni bëëdö Ijep en, wïnynyu dwør Wuuö Jwøk. Wuuö Jwøk aköö, ni ‹Ennø, aana kööŋ ŋëët nyeŋŋa na dwøŋ nee bäŋe dhaanhø mo nyeŋŋa cura dhee këët røk jø Juuda bëët moi ni en Ijep ii, ni mare kööŋ ri nyeŋŋa, ni «Ŋëët Wuuö Jwøk, Jwøa kwøw.»

Jeremaya 48:15

'Ba mana caan Nyeya na näk nyeŋŋe beeye Wuuö Jwøk, eni na wïth jammi bëët, beeye en, ena köö, ni «Möap oränynyi; kiper jø aranya oci yïth päänye moe ni raanyge geni, ni ö wøpe moa teek ki leny ni nääi.

Jeremaya 51:17

'Ba jiy bëët bëëdö ni wïthge bäŋ acaare, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Jeremaya 51:57

Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Amøc 4:13

Adïëri møn, eni na cwääc kïte, ni wø wëëk jamø kwödö, ni wø nyooth acaaye jï dhaanhø; eni ni wø løk tar mar aruunnø ni tïme ni cøl, ni wø cäädhi dï piny ni bäŋ gïn mo gëëŋ gø; bee eni na Wuuö Jwøk, eni na wïth jammi bëët.

Milkiya 1:14

'Ba acïëni oen bäät ŋata näk jïre da nywø diel mo beer dï pïïth mare, na näk eno kööŋ ki man cïp gø jïra, ni cïp mana raac na kar gø no olämi jïra, ni møta aani, a na Wuuö Jwøk. Kiper aana nyeya mo kare dwøŋ, ni nyeŋŋa di lwäärö dï wïth juurre bëët.» Gïnögø caana Wuuö Jwøki, eni na wïth jammi bëët.

Mathiew 5:35

Käru kööŋ ŋëët piny, kiper piny beeye køøm tiete. Käru kööŋ ŋëët Jerucalem, kiper Jerucalem beeye pääny nyeya mana dwøŋ.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

Jøcua 12:22

ki nyeny Këdëc, ki nyeny Jökniam na en kanya cwøl ni Karmël,

Jøcua 19:22

'Ba waŋ keew marge aput aay ni pïïe Tabör, ki Cacuma, këël Bëëth-Camic, ni ö keewi ni put ŋuudö yi Naam Jördan. 'Ba päänye moøgø beege apaar ka abïciel ka atude moge moa en buutge.

Pïëmme 4:12

'Ba awïny Cicara ni Barak wär Abiniem anø aa bäät kïnna cwøl ni Tabör.

Pïëmme 4:6

Kanyøgønø, Diböra ajääk baŋ Barak wär Abiniem paana bëëde yie na cwøl ni Këdëc na en yi ŋööm Naptali nee ööe, ni kööe jïgø, ni «Ennø, Wuuö Jwøk, Jwø Icriel, ïïna nø köömme, ni kööe, ni ‹Kwänyï ki jø leny mo jïtö ki kar kume apaar, ni lwørï røk jø tuuŋ Naptali ki jø tuuŋ Dhebulan, ni cou nou cäädhi na athwöe, ni cooŋŋu rou bäät kïdi mana cwøl ni Tabör.