Jeremaya 46:12 - Wëël Jwøk

¹² Wïth juurre lään wïc maru owïnyge, ni ö pinynyi bäre ni gääbe ko oduuru maru. Kiper oteen leny, oteen leny maya odhïëre, ni päthge bëët karge riet.»

Jeremaya 46:12 Iomraidhean Croise

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 19:2

Wuuö Jwøk aköö, ni «Jø Ijep tïïa tïïö nee døøge rege keerge; ni tïm ŋati man nø ni këëdö ki coki, ni ö ŋat atut man nø ni tïme ni këëdö ki ŋat atut mare, ni ö päänye moe ni tïmge ni këëdö ki rege, ni kwääri moe thuwø këëdö ki rege keerge.

Aydheea 24:11

Ni bëët jiyi ni ge jwöŋö nyeŋ jïëthe ki cwaak køøŋø; ni ö met eci bäre ni løk ree na pänh cwïny. Met ec mar bäät piny oränynyi.

Jeremaya 14:2

ni «Ŋööm Juuda bëëdö ni jwöŋö, ni ö päänye moe ni öölge, ni bëët jiyi ni jwöŋö kiper ŋöömö, ni ö oduuc Jerucalemmi ni tïme ni päl.

Jeremaya 2:36

?Aŋø ni wïïrï yïthakic jiy en, ni wellï uutjïëthe moï en? Wïïï olää jø Ijepi, kaawat mana ö jø Aciria na lääge wïïï.

Jeremaya 46:6

«Ŋata tiere piew ba jöömmi, ni ŋata näk oteeø ba bøth; kanyo enge yie jï løø wï-piny bäät Naam Upareeti, tietge cwanyge cwanynyø ni päänhge.

Jeremaya 47:2

Luumma caan Wuuö Jwøki beeye en: ni «Ka adïëri møn, jø leny ööi ki jï løø wï-piny, ni piny ege baabø kaamar jwïëö; ni macge paac bäre, ki japa en yie bëët, këël päänye ki jiy mo wø bëëdö yïthge. Jø paanøgø ogöö ko oduuru, ni ö jiyi bëët ni jwöŋge.

Jeremaya 48:34

«Jø wø bëëdö Ëcbön ki jø wø bëëdö Eliyali ge göö ko oduuru ni döötge ena maal døc këël mano wïnye Jäc, ni täge ki Dhöär këël mano pïïe Örönaim ki Ëglat-Celicia, kiper pïï moa en yi waŋ Nimrim otal.

Jeremaya 49:21

Kanyo päth Ëdömmi, piny puta tïmö ni kwanynyi ki dööt jiye. Oduuru mano gøøcge puta wïnyö bäät Naama Kwaar.

Jeremaya 50:46

Kanyo kwöŋ jiyi, ni ‹Babiløn amak ki tøŋ,› piny puta tïmö ni kwanynyi, no oduuru mano gøøcge puta wïnyö yïth mïëc wïth juurre.»

Jeremaya 51:54

Oduuru owïnyi ki Babiløn, yi ŋööm Kaldia, ni beeye oduuc ränynyö mo dwøŋ døc.

Neeyam 2:5

'Ba wïth jø leny moe ocwøle ni bëëtge ni ge päänhnhö kanyo cäänhge baŋ leny. 'Ba jøw tuk geni ge laara läät dëër kiir, ni peerge gëëŋi bäät gïno toor kiir piny ki gø.

Jepaniya 1:10

Wuuö Jwøk aköö, ni «Dïcäŋöca, oduuru owïnyi ki Dhi Kiir-Rec, ni ö guyö ni wïnye ki thääŋ paac mana nyään, ni ö dööti mo thööth ni wïnye ki bäät thuuri.

1 Camiel 5:12

'Ba kar kaaca jøøa bøth ki thøø, gena raanynyi ki børi, ni ö oduuru mana gøøc jiyi moa bëëdö pääny manøgø ni wïnye kany mo bäär.