Jeremaya 46:10 - Wëël Jwøk

¹⁰ Kiper dïcäŋöce beeye cäŋ mar Kwäärö Wuuö Jwøk, eni na wïth jammi bëët, ni beeye cäŋ mano cool kwöri yie dëët nyïïmän moe. Opëëllö ocämö rege gøøc mano jääŋe, ni mädhe ki rem moge këël mano røme. Kiper Kwäärö Wuuö Jwøk, eni na wïth jammi bëët, ge wëëge ŋaal kaamar olämme yi paano enge yie jï løø wï-piny bäät Naam Upareeti.

Jeremaya 46:10 Iomraidhean Croise

2 Nyeye 24:7

'Ba nyeny Ijep kär cäŋ määnynyö wøk këët ki yïth ŋøøpe, kiper nyeny Babiløn ŋøøm moa no omak nyeny Ijep bëët ee nø mak, ki mana täge ki bäät waŋ Naam Ijep këël mana këët bäät Naam Upareeti.

Jööp 24:1

«?A yi wäne nø noo ö Jwøa en teeki jïre noo cïp cääŋŋe piny mo ŋøl luup? ?A yi wäne nø noo ö jø wø ŋäc eni noo raŋge cääŋŋe moøgø?

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 2:12

'Ba Wuuö Jwøk, eni na wïth jammi bëët, da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,

Aydheea 31:8

'Ba jø Aciria di nääö ko opëëllö mo paa mar dhaanhø, ni ö opëëllö manøgø ni paa mar dhaanhø enø ni thöör geni. Geni ge ba bøth ki thøw opëëllö manøgø, ni ö cwøw moge moa näk wøpe ni tïmge na jø tïïc mo wø mak ki teek.

Aydheea 61:2

nee cwiino ö eni noo nyooth met ec mare yie, ki cäŋ ajäla mare, eni na Jwøk marø, nee køba, nee jiy bëët moa näk kïmmö nee cwïnyge cøma,

Aydheea 63:4

Kiper cäŋ mara mar cuut kwör nut cwïnya, ni cwiino wïïla jiya wøk yie anø öö.

Jeremaya 12:12

Jøøgø no raany paac yøø, kanyo öge, ge öö ki dï paap, ni ge cura bäät thuuri bëët moa leer, kiper beeye tøŋ mara, a na Wuuö Jwøk, no dïïrge wïth jiy ki gø, ki mano täge ka aŋuun paac maya këël aŋuunne maya, ni bäŋ dhaanhø aciel mo bëëdö ki bëët-mëër.

Jeremaya 46:14

«Gøøu piny Ijep, ni gøøu gø piny Migdöl, ki Mempic ki Thapinac, ni kööu, ni ‹Maaŋŋu kwöru, ni jegu rou, kiper jø mïëri moa karge cään ki uuni bëët athöör opëëllö.›

Jeremaya 46:2

ni tägi ka Ijep. Ni mana caane kiper jø leny mo Peerø-Nekø nyeny Ijep, ŋata bööti bäät Naam Upareeti päänya cwøl ni Karkëmec, na bööt Nabukedenecörri nyeny Babiløn kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, beeye en:

Jeremaya 46:6

«Ŋata tiere piew ba jöömmi, ni ŋata näk oteeø ba bøth; kanyo enge yie jï løø wï-piny bäät Naam Upareeti, tietge cwanyge cwanynyø ni päänhge.

Jeremaya 50:15

Uuno twäädu bääte kiper leny ni deŋŋe you wïrö bäre. Babiløn cere ocïbe, ni ö kwör koorri moe ni päthge, ni ö kiirri mare ni nyaai piny. Kiper manøgø beeye cuut kwör mar Wuuö Jwøk. Kwör wär coollu dëëre, ni tïïyu kaawat mana tïïe dëët jiy møøk.

Jeremaya 50:18

Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, nyeny Babiløn ki paac mare bäre jääla jäälö, kaawat mana jääla nyeny Aciria.

Jeremaya 51:6

«U na jø Icriel, uuno reŋŋu wøk yi Babiløn, ni ŋati man nø gwøga jwïëye. Kär wïthu wëëgu dïdö ki køør ajäla mare, kiper manøgø beeye kar cuut kwör mar Wuuö Jwøk, gïïa bac jø Babilønni dwøge dëëtge.

Edhikiel 21:28

«'Ba ï na wär dhaanhø, caan gïn ni kööï ni man bee luumma caan Kwäärö Wuuö Jwøki kiper jø Amön ka ajøøŋ mana tïïcge, ena köö, «no ‹Opëëllö anø wöth wøk kiper 'näk, ni bëëdö no othoodhø nee räänye, ni eni malli døc kaamar agaackøth.

Jool 1:15

'Ba otïmö ni raac kiper cäŋ mano ööi, kiper cäŋ mar Wuuö Jwøk kare acäännö. Cäŋögø öö na cäŋ aranya, ni käla baŋ Jwøa en teeki jïre.

Jool 2:1

Uuni, koothu tuuŋ yi Dhayan, ni koothu ka bäät Kïn Wuuö Jwøk na en kur keere! Jø wø bëëdö yi ŋöömö bëët beerra man tïm dëëtge ni kwanynyi, kiper cäŋ mar Wuuö Jwøk öö; ka adïëri møn, kare aløny ni cään.

Dhekaraya 6:6

'Ba jään okweeny mana tut okwëënyi moa cøl aci yïth mïëri moa en jï løø wï-piny, ni ö jään okweeny mana tut okwëënyi moa tar ni läp køør gø, ni ö jään okweeny mana tut okwëënyi moa näk kïtge apøøl ni ci yïth mïëri moa en jï løø tier-piny.»

Luk 21:22

Kiper nïrögøøni beege nïro cool kwöri yïthge, kiper nee luup moa näk ogöörö nee thurge karge bëët.

Tiet Ciik 32:42

Ni tïm dhøk tøøŋi 'moa ni thec ki remø; ni ö opëëllö mara ni thöör geni. Ni ö tøøk leny 'moa ni bïtge ki rem jiy moa näk okëërö ki tøøŋi, ki moa näk omaaø ri leny røk dïbwöthe mo nyïïmän.›