Jeremaya 46:1 - Wëël Jwøk

¹ 'Ba dwør Wuuö Jwøk mana caane kiper wïth juurre acaane jï nyikuŋ Jwøk ma Jeremaya,

Jeremaya 46:1 Iomraidhean Croise

Wïlöölö 10:5

'Ba ki røk jøøgø, jø wø bëëdö bäät näm dëëtge apääŋge yïth ŋøøm moge, ni jøøi nø ŋäya dhøk marge, ni ge bëëdö na wï tuuŋ man nø, na teeŋ wï jur man nø.

Jeremaya 1:10

Ni dïcäŋi, ïïna mooa ki teek ki man køpï luumma dëët akwöm mo wïth juurre, ki dëët akwöm mo nyeye, man näk mo geni cööda wøk, ni keeth geni, ni raany geni, ni nyak geni; ni cäŋ ge tïïyö ni teek, ni këël tietge piny.»

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 43:11

Eni öö ni tuk Ijep, ni ö jøøa näk marge thøø ni thøwge, ni ö jøøa näk marge mäk ki tøŋ ni mak geni ki tøŋ, ni ö jøøa näk marge 'näk ni 'näk geni ko opëëllö.

Edhikiel 29:1

'Ba kanya tïm cwiic mäk marwa ki tøŋ na apaar, ni nïr dwää apaar, apaar kurriiø, dwør Wuuö Jwøk aö bääta ni kööe,

Edhikiel 30:1

'Ba dwør Wuuö Jwøk acäŋ ö bääta ni kööe,

Edhikiel 31:1

'Ba kanya tïm cwiic mäk marwa ki tøŋ na apaar kurciel, ni nïr dwää adäk aciel, dwør Wuuö Jwøk aö bääta ni kööe,

Edhikiel 32:1

'Ba kanya tïm cwiic mäk marwa ki tøŋ na apaar kurriiø, ni nïr dwää apaar kurriiø aciel, dwør Wuuö Jwøk aö bääta ni kööe,

Abakuk 1:17

?Aŋø, ge poot bëëdö no opëëlle moge ege wöth wøk ki man bëëtge ni ge nääŋŋa wïth juurre ni cwïnyge ba pädhi?

Dhekaraya 2:8

Kiper man bee gïna caan Wuuö Jwøki, eni na wïth jammi bëët, «Køør mana nø jiem aani, aana jääŋŋe baŋ wïth juurre moa caar uuni, kiper ena köö, ni ‹Jø wø gut uuni guta guu waŋa.›

Kwään Jiy 23:9

Ennø, gena neena naa ena bäät kïdi, ni neena geni naa ena bäät thuur. Ka adïëri møn, gena lwaak mo rege kärge kwaan dëët juurre møga, ni bëëdö ge keerge.

Wëëlö Mana Göör Pøølli Baŋ Jø Röm 3:29

?Wala Jwøk a Jwø jø Juuth keerge, ni patha Jwø juurre thuwø? Adïëri møn, ena Jwø juurre thuwø.