Jeremaya 44:7 - Wëël Jwøk

⁷ «'Ba ennø, luumma caan Wuuö Jwøki, Jwø Icriel, eni na wïth jammi bëët, beeye en: ?Aŋø, aperŋø nø ni tïïyu gïn ni raac en, nou käla gïn mo leth bäätu keeru, nou thööra cwøw Juuda, ki mään, ko obwöre, ki moa en kööthi, ni tïme ni bäŋ dhaanhø mo weyu mo dööŋ dïïu en?

Jeremaya 44:7 Iomraidhean Croise

Pwöc Leec Wïc 1:18

'Ba jøøgø, ge wø kønynya rem moge piny keerge, ni ge wø møør piny kaper jwïëy moge keerge.

Pwöc Leec Wïc 15:32

Ŋat wø taak pwöc raanynya dëëre keere, 'ba ŋat wø wïny juuk wø jïtö ka acaara.

Pwöc Leec Wïc 5:22

Ŋata raac okïth raayi moe ya abïëp, ni ö eni ni twöyi raayi moe ki thøøli.

Pwöc Leec Wïc 8:36

'Ba ŋato ba joot aani raanynya dëëre keere, ni jø wø män ki aani bëët, mëër ka thøø.»

Jeremaya 25:6

Ni ba cäädhu køør juu møøk nee geni tïnynyu ni wøørru geni. Ni ba tïïu ki juu møøk ki ceŋŋu nee cwïnya ba raanynyu; køøre a ba tïïö dëëtu ki gïn mo leth.›

Jeremaya 25:7

«'Ba luumma käru wïnynyö, a na Wuuö Jwøk, ni putu cwïnya raanynyø ki køør juu moa tïïyu ki ceŋŋu, nou käla gïï mo leth bäätu.»

Jeremaya 26:19

?Aŋø, Edhekaya nyeny Juuda ki jø Juuda bëët Mikiya anäkge na bëëde? ?Aŋø, Edhekaya kär lwäyö ki Wuuö Jwøk, ni bëëde ni kwaaya Wuuö Jwøk, ni ö Wuuö Jwøki ni dwøk cwïnye piny ki man ba tïïc gïna leth na caane ni dee tïïö dëëtge? 'Ba ennø, ø käla gïn mo raac døc bäätø.»

Jeremaya 3:24

'Ba ki mana täk paaci marwa cøøn, Baal, jwøk mo duua lään wïc, gïïa joot kwäcwa ki køør kwäk marge athööre, ni beege dïëk ki dhäk moge, këël wäätge ki nyïïge thuwø.

Jeremaya 38:17

Køøre Jeremaya aköö jï Cëdëkiya, ni «Luumma caan Wuuö Jwøki, Jwø Icriel, eni na wïth jammi bëët, beeye en: Ni näk cerï cïpï cïbö møn jï jøøa kwörge døøŋŋø mo nyeny Babiløn, ï bëëdö niï kwøw, ni pääny man ba waaŋ, ni ö ïïni ki jø paarï ni bëëdu nou kwøw.

Jeremaya 42:20

Kiper uuni dëëtu acøøgu keeru; beeye uuni na jääŋ aani baŋ Wuuö Jwøk, Jwøk maru, ni kööu, ni ‹Lämï kiperwa jï Wuuö Jwøk, Jwøk marø, 'ba gïno caan Wuuö Jwøki, Jwøk marø, wär caanï jïwa; køøre tïïcwa tïïö.›

Jeremaya 44:14

'Ba ki røk jø Juuda moa dööŋ na aay nee bëëtge Ijep, bäŋgø mo bøth, ni bäŋgø mo dööŋ ni kwøw mo døøa yi ŋööm Juuda mana manyge ki cwïnyge ni ge døøa yie nee bëëtge yie. Geni, bäŋgø mo døøk, 'ba beege mo nøk keerge noo døøk.»

Jeremaya 44:8

?Aperŋø na raanynyu cwïnya ki køør gïïa tïïyu ki ceŋŋu en, ni cïpu ko olämme mo wø waaŋ jï juu moa path Ijep, paana ööu yie kiper bëëtö? Manøgø, u thööra rou, nou tïmu ni uuna gïr acïëni, na gïr ajøøŋ dï wïth juurre bëët mo bäät piny.

Jeremaya 51:22

Beeye ïïni na raanynya cwøw ki mään ki riï, ni beeye ïïni na raanynya jäle ko obwöre ki riï, ni beeye ïïni na raanynya wøpe ki nyïïakuue ki riï.

Jeremaya 7:19

?Aŋø, ki jïge ni ge raanynya cwïnya? ?Aŋø, ge ba raany dëëtge keerge ni ge käla lään wïc bäätge?

Jeremaya 9:21

Kiper thøø kare anø cäännö, ni nø pïïe dhøk awëërnyeŋŋi moø, ni døny kwöra näk ogeerø ni teek, ni thöör obwöre dï paac, ni thöör cwøw moa teek kwör acooŋe.

Wëël Kïmmö 2:11

Aani nyeŋŋa awer ki jwøk, ni jwïëya bëëdö ni kïmmö døc. Aani cwïnya apädhö døc ki kïmmö kiper ränynyö mar jø powa, ki man wø bëët obwöre moa therø ki moa mar na en kööthi ni geno räp piny nyeŋ jïëthe mo pääny.

Wëël Kïmmö 2:22

Ïïni jiy acwølï kipera kaawat man wø cwøl jiy cäŋ ajwöma, ni ö lwärri mo dwøŋ ni ciel aani dïër. Yi cäŋ wëër mar Wuuö Jwøk bäŋ ŋat mo obøth wala mo okwøw. Jiy moa gwøa na piidha, wïthge adïïr nyimänni mara.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Edhikiel 9:6

'Nägu geni ni bäŋgø mo dööŋ, ki mano täge ki jäle, ko obwöre moa näk wøpe, ki nyïïakuue, ko obwöre moa therø, ki mään; 'ba jøøa näk täärnyïmge da ŋïï kär gutu. 'Ba wär tägu ki øt lam mara.» Køøre aputge täk ki jø døøŋŋø moa en nyïm Øt Jwøk.

Abakuk 2:10

Gïna caarï ki piny atïmö ni duua lään wïc bäät dhi øtø marï. Ki køør mana dïïrï wïth jiy mo thööth, ïïni ï bääya dëërï keerï.

Kwään Jiy 16:38

Athääe moøgø atïmö ni ena kur keerge kanya cïp ge nyïm Wuuö Jwøk. Kiper manøgønø, athääe mo jøøgø na thøw ki køør raay moge yøø, wär thääth ni reep, nee tïme na rëëbi mar gïn wø cïp olämme bääte. 'Ba rëëbi manøgø otïmö na nyuudhi jï jø Icriel.»

Tiet Ciik 32:25

Thøø otïmö ni dagø dï paac ki køør leny, ni tïm lwärri ni dagø yïth uudi; ni täk gïïögø dëët wøpe moa näk cwøw ki moa näk mään, ko obwöre moa therø, këël jäle moa näk wïthge da lwaar.

Jøcua 6:21

Ni ö jø Icrielli ni 'näkge gïïa en yi päänyögø bëët ko opëëlle, ni beege cwøw ki mään, ko obwöre ki jø døøŋŋø, ki dhäk ki dïëk ka arëëni.

Pïëmme 21:11

'Ba gïn en beeye gïno tïïyu; cwøw bëët, këël mään bëët moa ŋäc dëët cwøw, wär putu 'näk na bäre.»

1 Camiel 15:3

'Ba ennø, ciï ni tugï jø Amalëk ni dïïrï wïthge na bäre, këël gïïa en jïge bëët, ni bäŋgø mo weyï ni kwøw; cwøw ki mään, ko obwöre, ko obwöre moa näk poot dhøøth, këël dhäk ki dïëk, ka athïrööle ka arëëni, wär put 'näk ge bëët.› »

1 Camiel 22:19

'Ba Cøøl jiy bëët moa bëëdö Nöp pääny mar dïlämme aput tïïc nee ge 'näk ko opëëllö, ni beege cwøw, ki mään, ko obwöre, ko obwöre moa näk poot dhøøth; këël dhäk, ka arëëni ki dïëk anääe thuwø.