Jeremaya 44:6 - Wëël Jwøk

⁶ Kiper manøgønø, räny cwïny mara ki wëër mara ni wø wääŋö kaamar maac akïtha bäät Jerucalem ki bäät päänye mo Juuda, ni putge niruuth ni ränyge kaawat man bëëde dïcäŋi en.

Jeremaya 44:6 Iomraidhean Croise

Aydheea 1:7

Ŋöömö maru araanynyi, ni waaŋ päänye mou ki maac; ni ö pwöthi mou ni lwøri ya jøøa pathi ni nëënö jïïu, ni wëëkge jammi mou bëët ränynyö.

Aydheea 51:17

Wui Jerucalem, päyï! Päyï nø, ni ööï maal, ï na no omäthö ya athöönh wëër cer Wuuö Jwøk. Amaathï møn ni thöörï gø, ni put ïïni wëëk bøømmø.

Aydheea 51:20

Kiper dëët jiy moï aööl, ni bëëtge ni geno päänhnhö nyeŋ jïëthe, kaamar aŋer mo omaa ki thøøl, ni ge bëëdö ni geno omeer ki wëëc Wuuö Jwøk, ni beeye juuk mar Jwøk marï.

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Jeremaya 21:5

Ni ööa ki dëëra ni rwiea cera bäätu ki køør teek bada, ni këëda ki uuni ni aano wëër ki wëër mo dwøŋ mo liel kaamar maac.

Jeremaya 34:22

Ka adïëri møn, a na Wuuö Jwøk, ge köömma köömmö ni duua geni päänyi, ni këëtge ki päänyi ni macge gø ni waaŋge gø. Ni tïïa mïëri mo Juuda na kwör mo oränynyö mo bäŋ jiy mo bëëdö yïthge.»

Jeremaya 36:7

Kanymør ni Wuuö Jwøk kwacge kwaaø, ni ö ŋati man nø dïge ni luu ree ni wec jöör bëëtö mare na raac; kiper wëër mar Wuuö Jwøk, ka ajäla mana caane dëët jøøi ii dwøŋ døc.»

Jeremaya 4:27

Ni manøgø beeye luumma caan Wuuö Jwøki, na kööe, ni «Ŋöömö bäre oränynyi; 'ba ba raanynya bäre.

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jeremaya 42:18

Kiper luumma caan Wuuö Jwøki, Jwø Icriel, eni na wïth jammi bëët, beeye en: Aani, räny cwïny mara ki wëër mara 'käla bäätu kanyo pïïyu Ijep, kaawat mana käla wëër mara bäät jøøa bëëdö Jerucalem; ni tïmu ni uuna gïr acïëni, ni jiy cwïnyge böö ki gïno tägi dëëtu, ni tïmu na gïr ajøøŋ na gïr abuua; ni kany ba jootu këët.

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Jeremaya 7:17

?Aŋø, gïï wø tïïcge dï päänye mo Juuda ki dï uutjïëthe mo Jerucalem kärï joodø?

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Jeremaya 7:34

'Ba kar kaace dïlweel mar met ec, ki dwør met ec, ki kanynyø mar nywöm oraanynya dï Jerucalem ki yïth päänye mo Juuda møga bëët, kiper paac bäre oränynyi.» Luummögø caana Wuuö Jwøki.

Jeremaya 8:3

Jiy mo odööŋ røk jøøi na reyø ii, ni beege mo odööŋ kwöro riema geni yïthge bëët, otïmö ni ge para thøø buut kwøw.» Luummögø caana Wuuö Jwøki, eni na wïth jammi bëët.

Wëël Kïmmö 1:1

Wui, pääny Jerucalem adööŋ keere nø, eni na bëëdö ni yie päŋ ki jiy! Ena dööŋ keere kaamar cï thøø, eni na bëëdö na pääny mo dwøŋŋa eni dï wïth juurre! Eni na bëëdö ni kare dwøŋ dï mïëri, ena tïmö na laŋ tïïc!

Wëël Kïmmö 1:13

«Eni maac ajääŋŋe ki maal, ni jääŋ gø yïth cuu 'moa. Eni thøøl aciie kwör tieta, ni tïïc aani naa duua ŋääa, ni tïïc aani naa ränynya, naa tuu ki yïth nïne bëët.

Wëël Kïmmö 5:18

kiper Dhayan na näk Jerucalem aniruuth piny, ni tïme na kar bëëtö mar othööe.

Edhikiel 20:33

'Ba ka adïëri møn, kaawat man bëëda naa kwøw en, aani, a na Kwäärö Wuuö Jwøk, a caana gø jïïu, aani, aano tïmö na nyeya bäätu, ni käära uuni ki teek ni cera yaa rwieø bäätu, ni wëër mara ena bäätu.

Edhikiel 20:34

Aani, u duua duuö ki baŋ wïth juurre ni cuuŋa uuni ki yïth mïëri moa näk uuno keethø yïthge ki teek ni cera yaa rwieø bäätu ni wëër mara ena bäätu.

Edhikiel 24:13

« ‹'Ba ennø, ï na Jerucalem, japa reyø na tïïyï, ïïna tïïcge niï ba waany. Kiper ïïna päänynya ki man penya ïïni, 'ba ï kär tïmö niï waany yïth japa reyø na enï yïthge. 'Ba ïïni, ï ba tïmö niï tøŋ këët këël kanyo ö wëërri mara noo røm riï.

Edhikiel 24:8

'Ba aani, remø mare awiia wøk thuwø bäät kïte, ni put bëëte kaace ni kär uumö, naa coola kwör ki køør wëër mara.›

Edhikiel 5:13

«Køøre wëër mara ni wø liel kaamar maac nijook, ni ö wëërri mara ni døø piny ki geni, ni ö yia ni thume. 'Ba kanyo poot wëërri mara ni ena bäätge, oputge ŋäc ni beeye aani na Wuuö Jwøk na cäänö ki geni ni aano këëyö.

Edhikiel 6:12

Ŋato en kany mo bäär onäk täwi, ni ö ŋato kare cään ni nääi ko opëëllö, ni ö ŋato dööŋ dï pääny noo ciel dïër ni nägi ya käci. Kanyøgø nø, wëër mara owëëga thöör bäätge.

Edhikiel 8:18

Kiper manøgønø, a wëër ki geni. Cwïnya ba pädhi ki gïrge këët, ni ba wara cwïnya ki geni. Ge këël doo jwöŋö deŋ ïtha ni döötge ena maal, aani ïtha ba ciia ko oduuru marge.»

Daniel 9:12

Ïïni luummï mana caanï dëëtwa ki dëët dïbwöthe mowa, mo wø käär waani, awëëgï thur kare ki man kännï bäätwa ki gïn mo leth mo dwøŋ; kiper ki yi piny bäre poot bäŋ teeŋ gïn mo otïïö mo caala teeŋ gïna tïïc dëër Jerucalem.

Ciik Kiper Dïlämme 26:28

aani ki dëëra kiree, ageem mara ki uuni puta ka tïïc na wëër dëëtu, ni jääla uuni kwöre abïriiø kiper raay mou.

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.

Neeyam 1:2

Wuuö Jwøk beeye Jwøk mo cwïnye këënynyö, mo kwör di coolø. Wuuö Jwøk kwör di coolø, ni ena wää wëër. Wuuö Jwøk kwör di coolø dëët jø wø kwier eni, ni bëët wëërri mare bäät nyïïmän moe.

Dhekaraya 1:2

Wuuö Jwøk aköö, ni «A na Wuuö Jwøk, aana bëëdö ni aano gootø ki kwäyu.

Dhekaraya 1:6

?Aŋø, luup 'moa ki ciik 'moa na köömma geni ki ge ki dhøk jiya ma nyïïkuk Jwøk kärge kwierø ni jïtge ka ajäla? 'Ba køøre raacge akøpge ni köge, ni ‹Wuuö Jwøk, eni na wïth jammi bëët, gïn atïïe dëëtø ki køør uutjïëthe 'moø ki japa reyø na tïïø, ni beeye tiere ni put gø tïïc møn kaawat mana cooŋ gø.› »

Dhekaraya 7:14

'Ba aani gena puta keethø ka atuunna mo teek døc ni putge ci yïthakic wïth juurre mo kucge. Kanyøgø nø ŋöömö aput dööŋŋö ni bäŋ jiy yie, ni put tïmö ni bäŋ ŋat mo ci yie këët, kiper bee geni na tïïc ŋöömma beer nee dööŋe ni bäŋ jiy yie.› »