Jeremaya 44:5 - Wëël Jwøk

⁵ 'Ba geni, mara kärge wïnynyö, ni yïthge kärge ciiø ki mara, ki man luuge rege ni wecge gïïa reyø na tïïcge, ni beeye ki man ba cïpge ko olämme jï juu møøk.

Jeremaya 44:5 Iomraidhean Croise

2 Luup Nyeye 36:16

'Ba ge poot bëëdö ni ge buua nyïïkuk Jwøk ni luup Jwøk ege taaø, ni ge ŋeethø bäät nyïïkuk Jwøk, këël kanya ö wëëc Jwøki na ö bäätge ni tïme ni bäŋ køny mo ojoodø ki man døø paaci kare.

Neemiya 9:30

Ba këël na bëëtge na enøgønø, ïïna bëëdö ki geni ki cwiiri mo thööth ni cwïnyï iï cïp piny, niï köömma geni ki ri Jwïëyï na en kur keere, ki ri nyïïkuk Jwøk moï. 'Ba geni ïthge kärge ciiø; køøre gena cïbï ceŋ wïth juurre.

Aydheea 48:18

'Ba doo na gïïa köömma uuni ki geni you gwøø, bëët-mëër maru doo tïmö kaamar naam mo kwödö ni ba cuŋ, ni ö bëënynyö maru ni dee tïmö ni päl kaamar athaŋ naama dwøŋ.

Aydheea 48:4

Kiper ŋääa ni cwïnynyu teek, ni wïthu teek kaamar nywïënyö, ni teek wïc maru caala nywïënyö ma jwïël.

Jeremaya 11:10

Jø Icriel ki jø Juuda bëët, gena døø baŋ gïïa reyø na tïïc kwäcge, jøøa kweer ki man wïnyge luup 'moa, na cäädhö køør juu møøk nee tïnyge, na kaal luumma tuuda ki kwäcge.

Jeremaya 11:13

Kiper u na jø Juuda, juu mou atïmö ni thööth ni röömi ki kwään päänye mou, ni gïï wø waaŋŋu gïn wø jïye ŋwääi ni met bäätge jï Baal, jwøk mo duua lään wïc, thööth ni röömi ki kwään uutjïëthe mo Jerucalem.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 11:8

'Ba dwøra kärge wïnynyö, ni ïthge kärge ciiø ki mara, ni ŋati man nø bëëdö ni caatha køør teek wïc mare mana ö ki køør rääö mana en cwïnye. Kiper manøgønø, luummi en na tuuda ki geni atïïa na ajäla bäätge, ni beeye luumma caana jïge nee kïthge bäät tïïc, 'ba kärge kïth bäät tïïc.› »

Jeremaya 13:10

Geni na jøøa reyø, ni wø kweer ki man wïnyge luup 'moa, ni wø bëëdö ni ge caatha køør teek wïc marge, ni wø caath køør juu møøk nee tïnyge ni wøørge geni, ge tïmö ni ge caala abïïnögø ni bäŋ gïn kønye këët enø.

Jeremaya 19:13

Uudi mo Jerucalem, ki mo nyeye mo Juuda, otïmö ni ba waany kaamar Töpeth, ni beege uudi bëët moa näk jiy wääŋö bäätge ki gïn wø jïye ŋwääi ni met ni ge lama cäŋ ki dwääy ki ceer, ni kunyge piny bäätge ki muuy mar køøŋø jï juu møøk.› »

Jeremaya 43:4

'Ba Jöanan o Karëa ki kwääc jø leny bëët, ki jiy møga bëët, dwør Wuuö Jwøk mana caane ni bëëtge yi ŋööm Juuda kärge wïnynyö.

Jeremaya 7:24

'Ba mara kärge wïnynyö, ni ïthge kärge ciiø ki dwøra, 'ba gena tïmö ni ge cäädhi ka køør acaare moge, ki køør teek wïc marge na öö ki køør rääö mana en cwïnyge; ni bëëtö marge ba cääth maal, 'ba døøa piny.

Daniel 9:6

Maya thuwø, dööt jiyï ma nyïïkuk Jwøk kärwa wïnynyö, jø wø køp luup ki nyeŋŋï jï nyeye mowa, ki jï kwääri mowa, ki jï wëëkwa, ki jï jiy bëët moa en yi ŋöömö.

Odheea 11:2

'Ba kanya cwøla ge naa manynya geni døc, aputge tïïc ni beeye man wecge aani døc. Geni, ge poot cïpö ko olämme jï juu mo wø cøøri ni Baal, ni ge wääŋö ki gïï wø jïcge ŋwääi ni met jï kït gïï wø lam.