Jeremaya 44:4 - Wëël Jwøk

⁴ 'Ba aana bëëdö ni jiya ma nyïïkuk Jwøk bëët jääŋŋa jääŋŋö baŋu cooth, naa köö, ni ‹Gïn ni raac yia ki gø døc enø, na mäna ki gø, kär tïïyu.›

Jeremaya 44:4 Iomraidhean Croise

2 Luup Nyeye 36:15

'Ba Wuuö Jwøk, Jwø kwäcge, dwøl mare jääŋŋe jääŋŋö baŋge cooth ki dhøk nyïïkuk moe, kiper pänh cwïny mare kiper jiye ki kar bëëtö mare.

Neemiya 9:30

Ba këël na bëëtge na enøgønø, ïïna bëëdö ki geni ki cwiiri mo thööth ni cwïnyï iï cïp piny, niï köömma geni ki ri Jwïëyï na en kur keere, ki ri nyïïkuk Jwøk moï. 'Ba geni ïthge kärge ciiø; køøre gena cïbï ceŋ wïth juurre.

Neemiya 9:34

Kiper nyeye mowa, ki dïbwöthe mowa, ki dïlämme mowa, ki kwäcwa, ciik moï kärge gwøø, ni ïthge kärge ciiø ki gïïa cemï, ki köömmö mana köömmï geni ki gø.

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 26:5

ni ba wïnynyu luup mo jiya ma nyïïkuk Jwøk mo wø jääŋŋa baŋu cooth, kaawat man wø bëëdu ni luupge ba wïnynyu cooth,

Jeremaya 29:19

Kiper geni, luup 'moa, a na Wuuö Jwøk, kärge wïnynyö, ni beege luup moa cara jïge cooth ki dhøk jiya ma nyïïkuk Jwøk. Ni uuni thuwø, u na mak ki tøŋ, dwøra käru wïnynyö.

Jeremaya 32:33

Ni öge bëët ni luuge ŋäthge baŋa ni patha nyïmge; ni këël na bëëda naa pwönynya geni cooth, ïthge kärge ciiø nee pwöc wïnyge.

Jeremaya 32:34

'Ba gïïa näk ec raac ki ge døc ni wø lamge akïthge yi øtø man wø cwøl ri nyeŋŋa, ni ge tïïya gø ni ba waany.

Jeremaya 32:35

Ni gëëtge ki kwör lam jï Baal ya agäm-kïdi mana cwøl ni Ben Inöm, nee wäätge ki nyïïge waaŋge no olämme kaace jï Mölek, ni beeye gïn mo ge kära köömmö ki man tïïcge gø, na acaac gïnögø bäŋgø mo ö wïïa thuwø ki man tïïcge gïïögø ni ec raac ki ge døc yøø, ni wëëkge jø Juuda bääyö.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 35:17

«Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: ‹Ka adïëri møn, a känna bäät jø wø bëëdö Jerucalem bëët ki dï Juuda bäre ki gïn mo leth, ni beeye gïna näk yaa nø caan ni 'käla bäätge, kiper aana cäänö ki geni, ni kärge mara wïnynyö, ni cwøla geni, ni kärge mara løø.› »

Jeremaya 7:13

'Ba uuni, gïïögø bëët atïïyu, ni käru dwøra wïnynyö kanya köömma uuni kwöre mo thööth, ni bäŋe dwøl mo you løø jïra kanya cøøra uuni.

Jeremaya 7:17

?Aŋø, gïï wø tïïcge dï päänye mo Juuda ki dï uutjïëthe mo Jerucalem kärï joodø?

Jeremaya 7:18

Obwöre wø möödö ki jenni, ni ö wëëe ni äpge mäc, ni ö määnni ni cuutge ki muunni nee tïïge ki dääpe jï jwøa cwøl ni Gwanynyø Mar Maal, ni kunyge piny ki køøŋø jï juu møøk, ni ge raanynya cwïnya.

Jeremaya 7:25

'Ba ki mana täge ki kanya ö kwäyu wøk ki Ijep këël mana këët dïcäŋi en, aana bëëdö ni jiya ma nyïïkuk Jwøk 'moa bëët, jääŋŋa jääŋŋö baŋu cooth.

Edhikiel 16:36

Man beeye luumma caan Kwäärö Wuuö Jwøki, ena köö, ni ‹Kiper mana bëëdï ni riï päädö ni dëërï iï wii wøk jï omëërri moï mo wø käbï ki geni, ge ki kït gïï wø lamï bëët na näk yia raac ki ge, niï bëëdö ni rem mo wäätï kønynyï piny jï kït gïï wø lamï,

Edhikiel 16:47

'Ba ï kär bëëdö keere niï caatha køør tïïe moge niï temma tïïe moge na näk yia raac ki ge. 'Ba ki yïth tïïe moï bëët ïïna köö ni moøgø nøk, ni cäŋï tïïö ki mo kaala moa tïïcge bëët.

Edhikiel 18:31

Kälu dëëtu wøk ki yïth japa reyø bëët na tïïyu; tïïyu cwïnynyu ni nyärö, ni tïïyu jwïëyu ni nyärö! ?Aŋø, u na jø Icriel, aperŋø ni manynyu thøø en?

Edhikiel 8:10

Kanyøgø aana dønyø ni puta dëër øtø manø bäre joot no ogöörö ki kït gïï wø muuli ki piny, ki kït lääy mo reyø, ki kït gïï mo määnö, ki kït gïï wø lam bëët mo jø dhi øt Icriel.

Daniel 9:6

Maya thuwø, dööt jiyï ma nyïïkuk Jwøk kärwa wïnynyö, jø wø køp luup ki nyeŋŋï jï nyeye mowa, ki jï kwääri mowa, ki jï wëëkwa, ki jï jiy bëët moa en yi ŋöömö.

Dhekaraya 7:7

?Aŋø, moøgø paa luup moa car Wuuö Jwøki ki dhøk nyïïkuk Jwøk mo acääŋŋe, kanya poode ni Jerucalem ki päänye moa en deŋŋe bëëdö ni päŋ ki jiy, ni bëëtö mar jiy jööt jaak, ni mïëri moa en jï løø tier-piny ki mïëri moa en deŋ kïte jï løø kur pänh-cäŋ ge bëëdö ni päŋ ki jiy?› »

1 Piter 4:3

Wär yïthu thumge nø ki nïra pöödhö na wara tïïyu gïï wø met yïth juurre ki ge ni wø tïïcge, keda man bëëtge ni geno nieŋ dëët gïï mo patha karge, ni cwïnyge ena køør raay, ki maath, ki wïïrö kwör kwøŋ, ki meeye, ki wøør juu møøk na reyø døc.