Jeremaya 44:3 - Wëël Jwøk

³ kiper gïïa reyø na tïïc jiyi ni raanyge cwïnya ki køør mana bëëtge ni ge cïpö ko olämme mo wø waaŋ jï juu møøk ni ge tïnynya geni, ni beege juu mo kucge dïkwøŋ, ni uuni ki kwäyu juugögø kuyu thuwø.

Jeremaya 44:3 Iomraidhean Croise

Neemiya 9:33

'Ba ïïni, marï adïëri ki røk gïïa tägö dëëtwa bëët, kiper ï bëëdö niï tïïya adïëri; ba waani, waana bëëdö ni wa tïïya gïï mo reyø.

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 16:10

«'Ba kanyo caanï luupi ii jï jøøi, noo pëënyge ïïni, na ‹?Aŋø, aperŋø na ö Wuuö Jwøki na caan gïïögø ni døøŋŋø ni leth yøø ni tägö dëëtwa en? ?Agïnaŋø na baacwa, na agïnaŋø na raac na tïïcwa dëër Wuuö Jwøk, Jwøk marø?›

Jeremaya 22:9

Køøre oløkge, ni ‹Beeye kiper mana ö jø päänynyi man na wecge luumma tuut Wuuö Jwøki, Jwøk marge, ni wøørge juu møøk ni tïnyge geni.› »

Jeremaya 29:19

Kiper geni, luup 'moa, a na Wuuö Jwøk, kärge wïnynyö, ni beege luup moa cara jïge cooth ki dhøk jiya ma nyïïkuk Jwøk. Ni uuni thuwø, u na mak ki tøŋ, dwøra käru wïnynyö.

Jeremaya 32:30

«Ka adïëri møn, jø Icriel ki jø Juuda bëëdö ni ge tïïya gïï mo nëëni ni reyø keerge ki jïra, ni tägi ki kanya täkge bëëtö cøøn; kiper geni, ge bëëdö ni ge raanynya cwïnya keere ki køør gïï wø tïïcge.

Jeremaya 44:23

Gïn ni leth en atägö dëëtu kaawat man bëëde dïcäŋi en kiper mana cïpu ko olämme jï juu møøk, ni tïïu ki raay dëër Wuuö Jwøk, ni käru dwøre wïnynyö, ni käru cäädhö ki jöör ciik moe ki gïïa ceme ki pwöc moe.»

Jeremaya 44:8

?Aperŋø na raanynyu cwïnya ki køør gïïa tïïyu ki ceŋŋu en, ni cïpu ko olämme mo wø waaŋ jï juu moa path Ijep, paana ööu yie kiper bëëtö? Manøgø, u thööra rou, nou tïmu ni uuna gïr acïëni, na gïr ajøøŋ dï wïth juurre bëët mo bäät piny.

Jeremaya 5:19

'Ba kanyo kö jø pou, na ‹?Aperŋø na ö Wuuö Jwøki, Jwøk marø, ni tïïc gïïo ni leth bëët yøø dëëtø?›, ï na Jeremaya en, wärï kööï jïge ni Wuuö Jwøk aköö, ni ‹Kaawat mana weyu aani ni tïnynyu juu moa path yi ŋöömö maru, jiy mo path otïnynyu thuwø yi ŋöömö mo patha maru.› »

Jeremaya 5:29

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?› » Luummögø caana Wuuö Jwøki.

Jeremaya 7:19

?Aŋø, ki jïge ni ge raanynya cwïnya? ?Aŋø, ge ba raany dëëtge keerge ni ge käla lään wïc bäätge?

Wëël Kïmmö 1:8

Jerucalem atïïö ki raay mo døøŋŋø døc ni put tïmö ni ba waany. Ena jar jøøa wøør eni bëët, kiper mana jootge gø ni bëëdö ka dëëre. Këël eni ki dëëre, ena cooyø ni wïïe ee løø wøk.

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Edhikiel 9:9

Køøre aløøe jïra ni kööe, ni «Raay atïmö ni thööth døc kiree dhi øt Icriel ki dhi øt Juuda, ni ŋøøm päŋ ki rem jiy, ni ö dï päänynyi ni pääŋe ki gïï mo reyø; ni ge köö, ni ‹Wuuö Jwøk ŋøøm awiie, ni eni ba nëënö thuwø!›

Daniel 9:5

waani, waana gaa wøk, ni bääcwa ni tïïwa ki raay, ni gëëmwa, ni løøwa ŋäthwa baŋ gïïa cemï ki ciik moï.

Tiet Ciik 13:6

«'Ba ni näk mo coku wala wäädï wala nyaarï wala cïïï na mëërï ki gø, wala nyawadu na ŋäyu cwïnynyu ki gø, wïïï di maaŋŋø ki piny, ni kööe, ni ‹Ö aa cøø kuna tïnynyø juu møøk,› ni cäänö kaper juu mo kuyu wala moa kuc kwäyu,

Tiet Ciik 29:25

«Køøre oløk jiyi, ni köge, ni ‹Beeye kiper mana wecge luumma tuut Wuuö Jwøki na näk Jwø kwäcge kanya käl geni wøk ki Ijep,

Tiet Ciik 29:26

ni cige ni tïnyge juu møøk, ni wøørge geni, ni beege juu mo kucge dïkwøŋ, mo kär caan Jwøki jïge nee lamge.

Tiet Ciik 32:17

Gena cïpö ko olämme jï juu mo reyø mo patha Jwøk ma adïëri, ni beege juu mo kucge dïkwøŋ, na juu mo nyärö mo jootge cään mo kär wøør kwäcge dïkwøŋ.

Ibaru 3:16

?'Ba a jøøe moe na wïny gø, ni pootge ni ge poot gëëmö, këël na wïnyge gø? ?Aŋø, paa jøøa ö wøk ki Ijep bëët ni ge bwøtha Modhe?