Jeremaya 44:22 - Wëël Jwøk

²² Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Jeremaya 44:22 Iomraidhean Croise

Wïlöölö 19:13

kiper paac man raanywa raanynyø, kiper luup ajäla moa en bäät jiy moa en yie atïmö ni thööth, ni beeye na ö Wuuö Jwøki ni jääŋ waani en nee raanywa.»

Wïlöölö 6:3

Køøre Wuuö Jwøk aköö, ni «Jwïëy 'moa ba doo bëëdö ri dhaanhø na bäre bäre, kiper ena dëël jaak. 'Ba aŋuun cwiiri moe tïmö na dïpa ki pïërariiø.»

2 Nyeye 17:15

Ni kwierge ciik moe, ki luubö mana tuude ki kwäcge, ki luup moa cem geni ki ge. Ni tïmge ni ge caatha køør juu mo oballe jaak, ni tïmge ni bäŋ karge, ni caathge køør kööŋŋe mo wïth juurre møøk moa en deŋge, ni beege jøøa ö Wuuö Jwøki na kööm geni kiperge ni gïrge kär ŋwalge.

Aydheea 1:24

Kiper manøgønø, Kwäärö Wuuö Jwøk, eni na wïth jammi bëët, eni na teek na näk Jwø Icriel, ena köö, ni «Aani kwör japa tïïc nyïïmän 'moa dëëra, coola coolø dëëtge, naa jïta ki jwöm.

Aydheea 43:24

Bäŋ teeŋ thieŋ mo wø ŋwääi ni met mo iï ŋeeø ki gwel jïra, ni bäŋ dwäle mo olämme moï mo yia iï tïïö ni met ki ge. 'Ba yia acwaatï ki raay moï, ni öölï a ki gïïa bayï.

Aydheea 7:13

Køøre Aydheea aköö, «Wui, u na dhi Øt Deebit, cegu ïthu ennø. ?Aŋø, ki man cwaatu yïth jiy atïmö ni thiinh kiperu, ni tïmu nou daa baŋ Jwøk mara nou cwaata yie en?

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Jeremaya 18:16

'Ba ŋöömö marge oränynyi, ni tïme na gïr abuua na bäre bäre. Ni ö jiyi bëët mo opöödhi ki buute ni thäŋ yïthge, ni putge wïthge keny.

Jeremaya 23:2

Kiper manøgønø, luumma caan Wuuö Jwøki, Jwø Icriel, kiper dïkwääye mo wø käär jiye beeye en, ena köö, ni «Uuni, jiya na caal pïïth dïëk 'moa akeethu, ni riemu geni wøk, ni ge käru gwøø. Ennø, a na Wuuö Jwøk, a känna bäätu ka ajäla kiper tïïe mou na reyø.

Jeremaya 24:9

Ni tïïa geni nee tiet mïëri bëët mo bäät piny tïmge ni cwïnyge böö ki gïno tägi dëëtge, ni tïmge na jiy mo reyø ki jïge, ni tïmge na gïr ajøøŋ, na gïr aŋaada, na gïr abuua, na gïr acïëni kwöro riema geni yïthge bëët.

Jeremaya 25:11

Ni ö ŋöömmi en bäre ni ränynye, ni tïme na ŋöömö mo cwïny jiy böö ki gïno tägi dëëre; ni ö wïth juurre moøgø ni tïnyge nyeny Babiløn ki cwiiri ma pïërabïriiø.

Jeremaya 25:18

ni beege jø wø bëëdö Jerucalem ki yïth päänye mo Juuda, ki nyeye moge ki jøøa kwörge døøŋŋø moge, nee putge ränynyö, ni tïmge ni cwïny jiy böö ki gïno tägi dëëtge, na gïr abuua, na gïr acïëni, kaawat man bëëde yïth nïne moi ii.

Jeremaya 25:38

Wuuö Jwøk otïŋŋi ki kar bëëtö mare kaamar ŋuu mo ö wøk ki ya abuŋŋö, ni ö mïëri moge ni tïmge ni cwïny jiy böö ki gïno tägi dëëtge, ki køør jøw caan geni ko opëëllö, ki køør wëër mar Wuuö Jwøk noo liel kaamar maac.

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 29:18

Ni løpa køørge ki tøŋ ki käc ki täw mo leth, ni tïïa geni nee akwöm mo nyeye bëët mo bäät piny yïthge thäŋge ki gïïo tägi dëëtge, ni tïïa geni na gïr acïëni, ni cwïny jiy böö ki gïno tägi dëëtge, na gïr abuua, ni ge di jøøŋŋø yïth mïëc wïth juurre bëët kwöro riema geni yïthge.

Jeremaya 29:19

Kiper geni, luup 'moa, a na Wuuö Jwøk, kärge wïnynyö, ni beege luup moa cara jïge cooth ki dhøk jiya ma nyïïkuk Jwøk. Ni uuni thuwø, u na mak ki tøŋ, dwøra käru wïnynyö.

Jeremaya 30:14

Wïth juurre moa mëërru ki geni na dwätu ki geni bëët wïthge awïl ki uuni; ni ge ba many uuni këët; kiper dëëtu amooa ki gïï mo leth mo caala man wø tïïc nyïïmänni, ni jääla uuni kaawat man wø tïïc ŋat mo cwïnye ba pädhi ki tïïc gïn mo leth. Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 34:22

Ka adïëri møn, a na Wuuö Jwøk, ge köömma köömmö ni duua geni päänyi, ni këëtge ki päänyi ni macge gø ni waaŋge gø. Ni tïïa mïëri mo Juuda na kwör mo oränynyö mo bäŋ jiy mo bëëdö yïthge.»

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jeremaya 42:18

Kiper luumma caan Wuuö Jwøki, Jwø Icriel, eni na wïth jammi bëët, beeye en: Aani, räny cwïny mara ki wëër mara 'käla bäätu kanyo pïïyu Ijep, kaawat mana käla wëër mara bäät jøøa bëëdö Jerucalem; ni tïmu ni uuna gïr acïëni, ni jiy cwïnyge böö ki gïno tägi dëëtu, ni tïmu na gïr ajøøŋ na gïr abuua; ni kany ba jootu këët.

Jeremaya 44:12

Aani, jø Juuda moa dööŋ thööra thöörö møn, moa näk wïthge ege këël ri ööny Ijep nee bëëtge yie, ni thumge Ijep bëët ki thøø, ni ge 'näk ko opëëllö ni thøwge ki käc. Ki mano täge ki jiy moa kwörge bäŋgø këël mano pïïe ri jøøa kwörge døøŋŋø, geno 'näk ko opëëllö, ni thøwge ki käc, ni tïmge na gïr acïëni, ni cwïny jiy böö ki gïno tägi dëëtge, ni tïmge na gïr ajøøŋ, na gïr abuua.

Jeremaya 44:2

ni «Luumma caan Wuuö Jwøki, Jwø Icriel, eni na wïth jammi bëët, beeye en: Uuni, gïïa leth bëët na kïtha bäät Jerucalem ki bäät mïëri bëët mo Juuda ajootu, ni dïcäŋi ennø ge bëëdö ni geno ränynyö ni bäŋ jiy mo bëëdö yïthge,

Jeremaya 44:6

Kiper manøgønø, räny cwïny mara ki wëër mara ni wø wääŋö kaamar maac akïtha bäät Jerucalem ki bäät päänye mo Juuda, ni putge niruuth ni ränyge kaawat man bëëde dïcäŋi en.

Jeremaya 48:9

«Cïpu jï jø Möap ki bwöm kiper nee ge määtge; päänye moge oränynyi, ni bäŋ jiy mo bëëdö yïthge.

Jeremaya 5:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Edhikiel 39:23

'Ba wïth juurre oputge ŋäc ni jø Icriel gïna mak ge ki tøŋ kipere, beeye ki køør raay moge, kiper japa reyø na tïïcge dëëra, ni puta täärnyïma kan ki geni, ni cïba ge ceŋ nyïïmän moge, ni 'näkge ge ko opëëllö.

Edhikiel 5:13

«Køøre wëër mara ni wø liel kaamar maac nijook, ni ö wëërri mara ni døø piny ki geni, ni ö yia ni thume. 'Ba kanyo poot wëërri mara ni ena bäätge, oputge ŋäc ni beeye aani na Wuuö Jwøk na cäänö ki geni ni aano këëyö.

Daniel 9:11

Dhaanh Icriel bäre ciik moï akaalge, ni løkge ŋäthge, ni kwierge dwørï. «Kiper manøgønø, acïëni ki kööŋ mar ajäla na näk ogöör piny yi wëël ciik Modhe, eni na dhaanh Jwøk, akïth bäätwa, kiper waana bääyö dëërï.

Daniel 9:12

Ïïni luummï mana caanï dëëtwa ki dëët dïbwöthe mowa, mo wø käär waani, awëëgï thur kare ki man kännï bäätwa ki gïn mo leth mo dwøŋ; kiper ki yi piny bäre poot bäŋ teeŋ gïn mo otïïö mo caala teeŋ gïna tïïc dëër Jerucalem.

Amøc 2:13

Kiper manøgø nø, u nyadha nyadhø kaawat man wø ö tier jääy mo peek ki beel wø nyath gïn mo cøra bäät gø.

Milkiya 2:17

Uuni, Wuuö Jwøk aööllu ki luup mou. 'Ba uuna köö, ni «?Eni ewa öölö nidïï?» Beeye kiper mana kööu, ni «Ŋat wø tïïc gïn mo raac poot beer ki nyïm Wuuö Jwøk, ni Wuuö Jwøk yie met ki ŋatøgø.» Wala u köö, ni «?Jwøk ni wø ŋøl luup na karge en kaa?»

Wëëlö Mana Göör Pøølli Baŋ Jø Röm 9:22

Këël na bëëde ni Jwøk manynya man nyooth wëëye nee teege tïïc ni ŋäc, ena tïmö ni poot bëëdö ni cwïnye ee cïp piny ki gïïo wëërö ki geni na rømø ki raanynyø,