Jeremaya 44:10 - Wëël Jwøk

¹⁰ 'Ba cwïnyge kär maar pädhö kiper gïna tïïcge, këël dïcäŋi en, ni ge kär lwäyö, ni ge kär cäädhö køør ciik 'moa ki gïïa cema na cïba jïïu ki jï kwäyu.

Jeremaya 44:10 Iomraidhean Croise

1 Nyeye 21:29

na «?Aŋø, ajootï na ö Akapi na dwøk dëëre piny nyïma? Kiper mana dwøk dëëre piny nyïma, aani gïn mo leth ba käla bääte ennø ni eni poot kwøw, 'ba gïn mo leth okäla bäät jø dhi øde yïth nïne moo beet wääde.»

2 Nyeye 22:19

ni ‹Kiper mana päth cwïnyï ni dwøgï dëërï piny nyïma kanya wïnynyï luup 'moa mo jääla Jerucalem ki ge ki jø wø bëëdö yie, ni ge tïmö ni gena jøw mo cwïny pädhö ki gïrge ni geno nipäät, ni jeeyï abïïgï ki pänh cwïny, ni jwöŋï nyïma, ka adïëri møn, a na Wuuö Jwøk, oduuru marï awïnynya.

2 Luup Nyeye 32:26

'Ba Edhekaya dëëre adwøk piny, eni ki jø Jerucalem, ni ö wëëc Wuuö Jwøki ni käre ö bäätge ki yïth nïne moa näk moe.

2 Luup Nyeye 33:12

'Ba kanya bëëde ni eni ena yïth gïï mo leth, Wuuö Jwøk, Jwøk mare, akwaae, ni dwøk dëëre piny døc nyïm Jwøk, Jwø kwäye.

2 Luup Nyeye 33:19

'Ba lam mar Maneeca, ki kanya ö Jwøki na wïny kwac mare, ki raay moa tïïe bëët, ki mana bëëde ni bääö dëër Wuuö Jwøk, ki kwör lam moa tïïe bäät thuuri, ki jenni moa no ocaa ri jwø wø cwøl na Acara na tïïe, ki gïï wø lam moa no otieŋø moa cwöth piny yïth kwör lam moøgø, kanya poode ni dëëre poot käre dwøk piny nyïm Wuuö Jwøk, ogöör piny yïth luup jø wø joot jammi ki køør man wø nyooth Jwøki jïge.

2 Luup Nyeye 34:27

ena köö, ni ‹Kiper mana päth cwïnyï ni dwøgï dëërï piny nyïma kanya wïnynyï luup 'moa mo jääla Jerucalem ki ge ki jø wø bëëdö yie, ni jeeyï abïïgï ki pänh cwïny, ni jwöŋï nyïma, ka adïëri møn, a na Wuuö Jwøk, oduuru marï awïnynya.

Bwøth Wøk 10:3

Køøre Modhe ka Aran aci baŋ Peerø ni köge jïgø, ni «Gïna caan Wuuö Jwøki na näk Jwø jø Ibaru beeye en, ena köö, na ‹?A këël kany mo nyïëdi nø, noo bëëdï niï kweeyø ki man dwøgï dëërï piny ki aani? Wec jiya nee aacge kiper naa tïnyge.

Bwøth Wøk 9:17

Ennø, dëërï poot iï thïïŋö bäät jiya, ni mänï geni ki man aacge.

Bwøth Wøk 9:30

'Ba ïïni ki jø kööre moï, ki man näk mou poot ba lwäär ki Jwøk na näk Wuuö Jwøk ŋääa.»

Pwöc Leec Wïc 14:16

Ŋat mo wïïe leer wø lwäär, ni ree wø di paanyø ki raay, 'ba ŋat mo wïïe känni wø laara päär bäät luubö ni wïïe ba caare.

Pwöc Leec Wïc 16:6

Ki køør bëët-mëër ki bëët adïëri, gïï wø bayi di wiiø, ni ki køør man lwäär Wuuö Jwøk, dhaanhø ree wø di løø ni kwiera gïïa reyø.

Pwöc Leec Wïc 28:14

Gwïëth en bäät ŋat wø bëëdö ni lwäära Wuuö Jwøk cooth, 'ba ŋat wø døøc cwïnye mo teek pätha yïth gïï mo leth.

Pwöc Leec Wïc 8:13

Ki man lwäär Wuuö Jwøk beeye ki man mänö ki raay. Aani na leec wïc, a män ki koorø ka atöör, ki bëët jöör raay ki wel luup.

Aydheea 42:24

?Aŋa na tïïc Jeekap nee mak ki tøŋ? ?Aŋa na tïïc eni na Icriel nee twier? ?Aŋø, patha Wuuö Jwøk na bääyø dëëre, na kweerø ki man cäädhø ki uutjïëthe moe, na kweerø ki man jïëø ciik moe?

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 66:2

Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Jeremaya 10:7

?Wui, ï na nyeny wïth juurre bëët, aŋa ni ba lwäyi ki ïïni? Ka adïëri møn, ïïno rømø ki man lwäär ïïni! Kiper ki røk jiy bëët moa wïthge leer dï wïth juurre, këël ki moa en dï mïëri moge bëët moa døøŋŋø, bäŋ dhaanhø aciel mo caal ïïni.

Jeremaya 26:4

Ni man beeye mano caanï jïge, ni ‹Mana caan Wuuö Jwøki beeye en: Ni näk mo dwøra ba wïnynyu, ni ba caathu køør ciik 'moa, moa cïba jïïu,

Jeremaya 32:23

Ni öge yie ni macge gø, 'ba dwørï kärge wïnynyö, ni kärge cäädhö køør ciik moï. Ni bäŋ gïn mo ege tïïö kiper gïïa köömmï geni ki ge bëët nee kïthge bäät tïïc, ni beeye tiere gø na jääŋŋï gïï na leth bëët ii bäätge.

Jeremaya 36:24

'Ba nyeya ki jø kööre moe bëët moa wïny luupögø bëët ge kär lwäyö, na abïïe moge kärge jeeyø.

Jeremaya 44:23

Gïn ni leth en atägö dëëtu kaawat man bëëde dïcäŋi en kiper mana cïpu ko olämme jï juu møøk, ni tïïu ki raay dëër Wuuö Jwøk, ni käru dwøre wïnynyö, ni käru cäädhö ki jöör ciik moe ki gïïa ceme ki pwöc moe.»

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 6:15

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.» Luummögø caana Wuuö Jwøki.

Jeremaya 8:12

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.

Edhikiel 9:4

Kanyøgø Wuuö Jwøk aköö jïre, ni «Ciï ni wïrï dï pääny Jerucalem bäre, ni kïthï täärnyïm jiy ki ŋïï, ni beege jøøa näk cwïnyge opädhö ni wø bëëdö ni ge cooyø ki jammi moø ni reyø ni tïïc yie yøø.»

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Mathiew 27:54

'Ba kanya ö kwääy jø tøŋ man wø käär jiy ma dïpa ki jøøa en buute, ni beege jøøa koor Jecu, na neenge dïjäŋ piny ki gïïa tägö bëët, gena lwäyö døc, ni köge, na «Adïëri møn, ŋati en beeye O Jwøk.»

Luk 23:40

'Ba ena jook maya, ni kööe, na «?Aŋø, ï ba lwäär ki Jwøk? Kee ï poot ena ya ajäla aciel ki eni.

Wëëlö Mana Göör Pøølli Baŋ Jø Röm 11:20

Manøgø adïëri. Gena tuur wøk møn kiper mana kärge jïëy, 'ba ïïni, ï bëëdö karï ka køør ŋäädhe keere. Kiper manøgønø, kärï tïmö niï töödö, 'ba bëëdï niï lwäär.

1 Piter 5:6

Kiper manøgønø, døøyu dëëtu mo mwöl nou ena cer Jwøk na teek, kiper nee u røønye kanya näk kare.

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»