Jeremaya 43:12 - Wëël Jwøk

¹² Ni ö eni ni nyep uut juu mo jø Ijep ni waaŋ geni, ni käl juu moge. Eni ŋööm Ijep olwøre ni jööt jaak, kaawat man wø ö dïkwääc dïëki wø rïëba aleeŋŋa dëëre ni jööt jaak, ni ö eni na Nabukedenecör ni døøe ni bäŋ gïn mo tägi dëëre.

Jeremaya 43:12 Iomraidhean Croise

2 Camiel 5:21

'Ba jø Pilitin juu moge adööŋ piny kaace, ni ö Deebiti ki jø leny moe ni kälge juu moøgø.

Acther 6:9

Køøre abïï nyec ko okweeny manøgø dige cïba cer dhaanhø mo kare dwøŋ døc ki baŋ nyeya, ni røøge abïï dëër ŋata met yi nyeya ki gø nee wøør, ni cïpge ŋatøgø bäät okweeny, ni piecge gø kany wø cuŋ jiyi yie dï pääny, ni ge rwääö nyïm ŋatøgø ni döötge ege tïŋ maal, ni ‹Man beeye gïn wø tïïc jï ŋat mo nyeya yie met ki gø nee wøør.› »

Jööp 40:10

Ïïni, runy dëërï ka ajiem ki dööŋ-kar, ni rïëpï riï ki wödö ki teek.

Bwøth Wøk 12:12

« ‹Kiper a na Wuuö Jwøk aano cäädhi dï ŋööm Ijep dïwäänögø, ni nääa obwöc cwøw moa näk kaai moa en yi ŋööm Ijep bëët, ni beege kaai mo jiy ki kaai mo lääc paac bëët; ni ŋøla luumma bäät juuk Ijep bëët. Beeye aani na Wuuö Jwøk.

Aydheea 19:1

'Ba luumma nyooth Wuuö Jwøki kiper jø Ijep beeye en: Ka adïëri møn, Wuuö Jwøk öö ni ena bäät pöölö mo rïïŋö døc, ni ööa Ijep. Ni ö kït gïï wø lam mo jø Ijep ni put dëëtge tïmö ni kwanynyi nyïme, ni ö cwïny jø Ijepi ni bwøkge ki gø.

Aydheea 21:9

'Ba ennø, raŋï, jiy mo cäädhi na ariiø ariiø ki bäät okwëënyi mo lääy gena öö; 'ba da dwøl ma akøp, ni ‹Babiløn apädhö! Wui, ena pädhö møn, ni ö kït gïï wø lam na juu moe ni tøyi ni petge yïth ŋøøm!› »

Aydheea 46:1

Jwøa cwøl ni Bël cøŋŋe akëël piny, ni ö jwøa cwøl ni Nebø ni dwøk kööre piny. Kïtge moa no otieŋø akïth bäät dhäk ki lääc paac møøk, ni tïmge na tëër mo peek døc, ni duunne ki öölö mo dwøŋ bäätge.

Aydheea 46:2

Geni, kööthge adwøkge piny ni këëlge cøŋge piny ge bëët. Ni tïme ni kär løny ki man kønyge dëëtge, 'ba ge ki dëëtge kiree gena käl ki tøŋ.

Aydheea 49:18

Tïŋu wïthu maal ni lwïthu; jø pou bëët rege acooŋge ni ge ööa baŋu.» Ni kö Wuuö Jwøki, ni «Ka teeŋ man bëëda naa kwøw en, geni ge kïthu dëëtu kaamar jap mïërö, ni meenu ge dëëtu kaamar jap nywöm.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 59:17

Bëënynyö arøø dëëre kaamar kwöt leny, ni ö pïëm man wø piem jiy ki gø ni kïth gø wïïe kaamar cöör; cool kwöri arøø dëëre kaamar abïï, ni rïëp këëyö dëëre kaamar aleeŋŋa.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 61:5

Wëëlle otïmö na dïkwääc dïëk moge, ni ö jøøa pathi ni tïmge na jø puur jïge, na jø koor pwöth omøki moge.

Jeremaya 10:11

'Ba uuni, u na jø Icriel, caannu jïge na ennø nø, ni «Juu moa näk maal ki piny ba cwääya geni, ge ränynyö bäät piny bäre.»

Jeremaya 10:15

Geno oballe jaak, ni gena gïï mo di päädö; kanyo tïme na cäŋ ajäla mana wäŋŋi kiperge, ge ränynyö.

Jeremaya 25:19

'Ba jø møøk moo maath gø beege Peerø nyeny Ijep, ki jø kööre moe, ki jøøa kwörge døøŋŋø moe, ki jiye bëët,

Jeremaya 43:13

Eni thuwø kïte moa näk ocwää maal na bäyö Ijep, na en kany wø wøørge cäŋ yie, tøøe piny, ni waaŋ uut juu mo jø Ijep.› »

Jeremaya 46:25

Wuuö Jwøk, Jwø Icriel, eni na wïth jammi bëët, ena köö, ni «Ka adïëri møn, aani, a kännö ka ajäla bäät jwøa cwøl na Amön ni wø en Tëbic, ki bäät Peerø nyeny Ijep ki jø Ijep, ki bäät juu moe ki nyeye moe, ki jø wø ŋääth Peerø bëët.

Jeremaya 48:7

Uuni ki dëëtu, uuno mak ki tøŋ ni käl uuni, kiper uuna bëëdö nou ŋäätha tïïe mou ki jap kwärö mou. Jwøu ma Kemöc okïth paac mør ni mak ki tøŋ, eni ki dïlämme moe ki jø wø tïny gø.

Jeremaya 49:27

ni nyeba kiir mar Damacka ki maac, ni ö uut paan dwøŋŋi mo Ben-Adat ni thööri ya maaci.» Luummögø caana Wuuö Jwøki, eni na wïth jammi bëët.

Jeremaya 50:2

ni «Gøøu piny ni køpu gø jï wïth juurre bëët; køpu, ni tïŋu ŋïï maal; kär dee gïn kannu, kööu, ni ‹Babiløn omak ki tøŋ; jwøge ma Bël ni wø cwøl ni Merödak oränynyi ni tïme na gïn mo duua lään wïc, ni ö gïïa tieŋge ni wø lamge ni ränyge ni tïmge na gïï mo duua lään wïc.›

Jeremaya 51:44

Ni jääla jwøge ma Bël Babiløn, ni tïïa eni nee gïïa løønye ŋöö wøk. Ni tïme ni bäŋ wïth juurre mo cøøa baŋe këët. Këëlla kiir Babiløn na teek døc opädhi.

Edhikiel 29:11

Bäŋ dhaanhø wala lääy mo ŋutö ki yie. Ni put tïmö ni bäŋ ŋat bëëdö yie ki cwiiri ma pïëraŋween.

Edhikiel 29:19

Kiper manøgønø, gïna caan Kwäärö Wuuö Jwøki bee en, ena köö, ni ‹Nyeny Ijep cïba cer Nabukedenecör nyeny Babiløn, ni ö eni ni käl jap kwär moe, ni twier jape; ni beeye jap wø cool jï jø leny moe.

Edhikiel 30:13

«'Ba man thuwø beeye luumma caan Kwäärö Wuuö Jwøki, ena köö, «ni ‹Aani, juuga reyø raanynya raanynyø, ni ŋuuda lam mo kït gïï wø lam moa en Mempic. Bäŋ dïbwödhi këët mo bëëdö Ijep; aani, lwär jääŋŋa jääŋŋö bäät ŋööm Ijep bäre.

Daniel 11:8

Eni thuwø juu moge mo tïïc ka nywïëny na kït gïï wø lam, ki jap paac mo perge leth mo tïïc ka gwel-bïrö ki warkey twiere twierø ni kïth geni Ijep. Køøre eni bëëdö ki cwiiri ni nyeny jï løø Wï-Piny ba tuue.

Jepaniya 2:11

'Ba Wuuö Jwøk oput tïmö na gïr lwär jïge kanyo ö Wuuö Jwøki noo raany juu bëët moa en yi ŋöömge. 'Ba wïth juurre bëët moa en bäät naama dwøŋ cøŋge okëëlge piny nyïm Wuuö Jwøk ni wøørge gø, ni ŋati man nø ena yi ŋööm poge.

Wëëlö Mana Göör Pøølli Baŋ Jø Röm 13:12

Wäär anø pöödhö, ni cäŋ kare cään. Kiper manøgønø, beerra man wetø tïïe mo muudhö, ni røø kwöt nywïënyö mar tar.

Epeca 4:24

ni bëëdu ki bëëtö mana nyään, na näk ocwääö ni caala bëët Jwøk, na bëëtö mana beer na näk adïëri na en kur keere.

Epeca 6:11

Røøu kwöt leny mar Jwøk dëëtu kare bäre nou ba bööt cwøk anägö.

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

Köløcia 3:14

'Ba dï gïïögø bëët, ŋäyu mëër keere, ni beeye ni wø dwal jammi bëët ni thurge karge ki cwïny aciel.