Jeremaya 42:4 - Wëël Jwøk

⁴ Køøre nyikuŋ Jwøk ma Jeremaya aköö jïge, ni «Gïna caannu awïnynya. Ennø, a lämö jï Wuuö Jwøk, Jwøk maru ki køør luup moa caannu. Gïno løk Wuuö Jwøki kiperu ocaana jïïu. Aani bäŋ luubö mo mooŋa ki uuni na bäre.»

Jeremaya 42:4 Iomraidhean Croise

Bwøth Wøk 8:29

Køøre Modhe aköö, ni «Ennø, aana aa wøk buutï. 'Ba Wuuö Jwøk okwaa kiper nee lwaa lwaŋŋø aae buutï diøø, ïïni na Peerø, ki jø kööre moï, këël jø paarï bëët. 'Ba ï na Peerø, kär näk miï cäŋa cäänö ki cwøk këët ki man mänï jiy ki ciin kuna cïpge ko olämme jï Wuuö Jwøk.»

Jeremaya 23:28

Beerra man ö nyikuŋ Jwøki mana lägö ni caan gø ni beeye lääk mare keere, 'ba beerra man ö nyikuŋ Jwøki mano wïny luumma ni caan gø na kare. ?Aŋø, lethø pere wø leth kaamar beel?

Jeremaya 23:35

'Ba man tïmö ni beeye gïno caan ŋati man nø jï wati ki jï tuuŋge, na ‹?Agïnaŋø na løk Wuuö Jwøki? ?Agïne na caan Wuuö Jwøki?›

Jeremaya 26:2

Wuuö Jwøk aköö, ni «Cuŋŋï dï kal mar øtø mara, ni caanï luummi en jï jiy bëët mo wø bëëdö yïth päänye mo Juuda, mo wø ö baŋ lam yi øtø mara, ni beege luup moa caana jïrï bëët nee caanï jïge, ni bäŋ luubö aciel mo weyï.

Edhikiel 2:7

'Ba luup 'moa wär caanï jïge, kiper gena jø ageem, këël mo ge kweer wala ïthge cekge ciiø.

Moa Tïïc Nyïïatwieli 20:20

Ni kära lwäyö ki man køba jammi bëët jïïu moa doo beyø kiperu ki man wïnynyu gø. Ni pwönynya uuni nyïm jiy bëët, ni cäŋa pöö naa cøøa yi ødi nø ki ødi nø,

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

Wëëlö Mana Göör Pøølli Baŋ Jø Röm 10:1

'Ba nyïïmera, mana manynya ki cwïnya kiper jø Icriel, ki man wø kwaaya Jwøk kiperge, beeye nee ge piem.

1 Camiel 12:23

Këël aani thuwø, a poot bëëdö naa lämö kiperu, ni ba løny ki man wiia lam, naa ba bääya dëër Wuuö Jwøk; uuni, u poot pwönynya pwönynyö ki man ŋäyu gïna beer ni caathu jöö mo tiir.