Jeremaya 41:9 - Wëël Jwøk

⁹ 'Ba buur manøgø mana ö Icmielli na leeŋ dëët jiy yie moa nääe beeye buur mo dwøŋ mana koony nyeya ma Aca kanya bëëde ni eni lääŋŋa ööny Baaca nyeny Icriel baŋ leny. Buurögø apääŋ Icmielli o Nethaniya ki jiy moa nääe.

Jeremaya 41:9 Iomraidhean Croise

2 Camiel 17:9

Neenï, kawaane en, kanymør wäru ree ee nø kan yi øt kïdi aciel røk uut kïte moa en kunece, wala ree ee kanø kany mør jaak mo kuc. 'Ba ni näk mo jø leny moï okwøŋ Deebiti tuk møn, jøw owïny gø bëët ge puta köö, ni ‹Jiy mo thööth athøw røk jøøa cäädhö køør Abëcëlöm.›

Aydheea 14:19

'Ba ïïni, ïïno nø lëëŋ wøk ki yi bwörö marï kaamar bat jaath mo owetø; niï rëëbö ka jiy moa no othøø, na 'näk ko opëëllö, jøøa no onø ci piny tier buur kuya yïth kïte, kaamar dëër dhaanhø mo othøw mo onyørø.

Ibaru 11:38

ni ge wïïrö dï paap ki bäät kïte, ki yïth buri ki kwör mo ŋammø piny, ni beege jøøa beyø na näk ba doo rømø ki man bëëtge dï jø piny.

Pïëmme 6:2

'Ba teek mar jø Midien aput kadhø døc bäät jø Icriel. Ni ö jø Icrielli ni jiiŋge kwör mo ŋammø mo ena bäät kïte, ki uut kïte, ki kwör gwøk røk mo otïïö ni teek mo ena bäät kïte, ni gïïögø jiiŋge kaper dëëtge.

1 Camiel 13:6

'Ba kanya ö jø Icrielli na ŋäcge gø ni gïn mo leth ööa bäätge, ni bëëtö marge tïmö ni teek, jiy rege akange yïth uut kïte, ki yïth abuŋŋe moa døøŋŋø, ki yïthakic kïte, ki kwöra no otïïö na kwör gwøk røk, ki yïth buri.

1 Camiel 14:11

'Ba kanya ö jagøgø na ariiø yøø na nyoothge rege jï jøøa en kar koor mar jø Pilitin, jø Pilitin aput köö, ni «Neennu, jø Ibaru yøøke; marge beeye ööny wøk ki yïth buri kwöra näk dëëtge ege kaannø yïthge.»

1 Camiel 14:22

'Ba kanya ö jø Icrielli moa näk rege ege kan mïëya en bäät kïte na en kur jø tuuŋ Ipariem na wïnyge gø ni jø Pilitin abwøk, gena put reŋ køør jø Pilitin ni 'näkge geni.

1 Camiel 24:3

Kanyøgønø, Cøøl apïï ri käädi mo dïëk moa en buut jöö, kany mo yie da øt kïdi; ni ö Cøølli ni døny yi gø ni mare ciin wøk. 'Ba kar kaagø, Deebit ki jø leny moe geno pï piny yi øt kïdi manøgø kany ma gøøt.