Jeremaya 41:18 - Wëël Jwøk

¹⁸ 'Ba tier wääth mana cige Ijep kipere beeye kiper mana lwäcge ki jø Babiløn, kiper Gedaliya wär Akikam, na røøny nyeny Babilønni yi ŋöömö, anäk Icmielli o Nethaniya.

Jeremaya 41:18 Iomraidhean Croise

2 Nyeye 25:22

'Ba Nabukedenecör nyeny Babiløn, Gedaliya wär Akikam nyikwaar Capan atïïe na wïth jiy moa wiie yi ŋööm jø Juuda.

2 Nyeye 25:25

'Ba na tïme na dwää abïriiø, Icmiel o Nethaniya nyikwaar Elicama na käl ri jø dhi øt nyec, aöö ki jiy apaar ni cwøp Gedaliya piny ni näk gø ki jø Juuda ki jø Babiløn moa bëëdö ki eni Micpa.

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Jeremaya 40:5

'Ba kanya poode ni Jeremaya poot kär døøk, Nabucaradan aköö, ni «Beerra man ciï baŋ Gedaliya wär Akikam nyikwaar Capan, ŋata røøny nyeny Babilønni bäät mïëri mo Juuda, ni bëëdï buute ki jiy na aciel. Wala ci kanya näk iï caarø ni beer ki jïrï ki man ciï yie.» Køøre eni na kwääc jø koor Jeremaya amooe ki caammi ki muuy, ni wec gø nee aae.

Jeremaya 42:1

'Ba kwääri mo jø leny, ni beege Jöanan o Karëa ki Jaadhania wär Ocaya, ki kwääc jø leny møga bëët, ki jiy bëët, ki mana täge ki jiy moa kwörge bäŋgø këël mana pïïe ri jøøa kwörge døøŋŋø, gena ö baŋ nyikuŋ Jwøk ma Jeremaya,

Jeremaya 42:11

Uuni, käru bëëdö nou lwäär ki nyeny Babiløn, manø ni lwäärru ki gø enø. Käru lwäyö ki eni, kiper a ena buutu, naa peemma uuni ni käla uuni wøk cere.

Jeremaya 42:16

leny mana lwäärru ki gø ööa bäätu yi ŋööm Ijep, ni ö käci mana lwäärru ki gø ni läm køøru kaace Ijep, ni putu thøø kaace.