Jeremaya 40:3 - Wëël Jwøk

³ 'Ba ennø, Wuuö Jwøk gïnögø akäl bäät paani en, ni tïïc gø kaawat mana caane. Gïn atägö dëëtu kiper mana tïïu ki raay dëër Wuuö Jwøk, ni käru dwøre wïnynyö.

Jeremaya 40:3 Iomraidhean Croise

Neemiya 9:28

«'Ba kanya jïtge ki jwöm ennø, gena cäŋ tïïö ki gïï mo nëëni ni reyø nyïmï, ni cïbï geni ceŋ nyïïmän moge, ni bëëtge ni ge ena tietge. 'Ba kanya cäŋge jwöŋö dëërï, marge awïnynyï niï ena maal; køøre ïïni ki køør mëër marï, gena køønynyï ki kwöre mo thööth.

Neemiya 9:33

'Ba ïïni, marï adïëri ki røk gïïa tägö dëëtwa bëët, kiper ï bëëdö niï tïïya adïëri; ba waani, waana bëëdö ni wa tïïya gïï mo reyø.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 22:8

«'Ba wïth juurre mo thööth moo pöödhi ki buut pääny man, ŋati man nø oköö jï wati, na ‹?Aperŋø na ö Wuuö Jwøki na tïïc gïn na leth dëër päänyi ni dwøŋ en?›

Jeremaya 39:16

ni «Ciï ni caanï gø jï Ebet-Melek nyï Ithiöpia ni luumma caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, luup moa caana kiper pääny man 'käla bääte, ni beege gïï mo leth ni patha gïï mo beyø, ni gïïögø, dïcäŋo täkge yie, tägö ni nëënö jïrï.

Jeremaya 44:23

Gïn ni leth en atägö dëëtu kaawat man bëëde dïcäŋi en kiper mana cïpu ko olämme jï juu møøk, ni tïïu ki raay dëër Wuuö Jwøk, ni käru dwøre wïnynyö, ni käru cäädhö ki jöör ciik moe ki gïïa ceme ki pwöc moe.»

Jeremaya 50:7

Geni, gena thöör nyïïmänni moge bëët moa joot geni, ni kö nyïïmänni, ni ‹Wa kär bääyö kanya raanywa geni, kiper gena bääyö dëër Wuuö Jwøk ni wø joot adïëri baŋe, eni na Wuuö Jwøk na ŋääth kwäcge.›

Wëël Kïmmö 2:17

'Ba Wuuö Jwøk gïna manynye atïïe, ni wëëk luumme thur kare, na näk ee nø ŋøl yïth nïra cääŋŋe. Eni uuna raanynye ni cwïnye käre warø, ni tïïc nyimän nee kanynye bäätu. Eni teek mar nyimän ameede.

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.

Wëëlö Mana Göör Pøølli Baŋ Jø Röm 3:19

'Ba ŋääø ni gïn mo ocaan ciik Jwøki wø cäänna jøøa bëën ciik Jwøk, kiper nee bäŋe dhaanhø mo jaal dhee këët, nee jø piny bäre ba maarge köö ni mana many Jwøki kucge.

Tiet Ciik 29:25

«Køøre oløk jiyi, ni köge, ni ‹Beeye kiper mana wecge luumma tuut Wuuö Jwøki na näk Jwø kwäcge kanya käl geni wøk ki Ijep,