Jeremaya 40:11 - Wëël Jwøk

¹¹ 'Ba jø Juuth bëët moa en Möap ki moa en po jø Amön ki moa en Ëdöm ki moa en yïth mïëri møga bëët awïnyge thuwø ni nyeny Babiløn awëëö ki jiy møøk nee dööŋge yi Juuda, ni nø røøny Gedaliya wär Akikam o Capan bäät jøøgø.

Jeremaya 40:11 Iomraidhean Croise

Wïlöölö 36:8

Ni ö Icøø na näk Ëdöm ni daa Cëër, paana näk po kïte, ni bëëde yie.

Aydheea 11:14

'Ba geni bëët geno løøc piny baŋ jø Pilitin, ni läätge bäätge jï løø kur pänh-cäŋ. Dëëtge odwalge ni twierge jiy mo wø en jï løø kur tuul-cäŋ, ni tïm jø Ëdömmi ki jø Möap ni ena tietge, ni tïm jø Amönni ni bëënna geni.

Aydheea 16:4

Beerra man bëëtwa yi ŋöömö maru, wa na no oriemmø en, ni tïmu ni uuna kar kan røk jïwa kiper ŋat mo raanynya wa.» 'Ba kanyo tïme ni bäŋ ŋat mo caanna jiy këët, na aranya ocuŋŋö, ni bäŋ dïtwïëte këët yi ŋöömö,

Jeremaya 24:9

Ni tïïa geni nee tiet mïëri bëët mo bäät piny tïmge ni cwïnyge böö ki gïno tägi dëëtge, ni tïmge na jiy mo reyø ki jïge, ni tïmge na gïr ajøøŋ, na gïr aŋaada, na gïr abuua, na gïr acïëni kwöro riema geni yïthge bëët.

Jeremaya 41:10

Køøre Icmiel jiy bëët moa näk odööŋ Micpa amaae ki tøŋ, ni beege nyïï nyeya ki jiy møga bëët moa en Micpa, na cïp Nabucaradanni kwääc jø koor cer Gedaliya wär Akikam. Icmiel o Nethaniya jøøgø 'akäle ki tøŋ, ni tïŋŋe kiper nee ŋut po jø Amön.

Jeremaya 43:5

'Ba Jöanan o Karëa ki kwääc jø leny bëët, jø Juuda bëët moa dööŋ akälge, ni beege jøøa duuö ki tiet mïëri bëët moa riem geni yïthge na duu yi ŋööm Juuda,

Jeremaya 43:6

ni beege cwøw, ki mään, ko obwöre, ki nyïï nyeya, ki jiy bëët moa wii Nabucaradanni kwääc jø koor cer Gedaliya wär Akikam o Capan, ni kälge nyikuŋ Jwøk ma Jeremaya ki Baruk o Neriya thuwø.

Jeremaya 9:26

ni beege jø Ijep, ki jø Juuda, ki jø Ëdöm, ki jø Amön, ki jø Möap, ki jiy bëët mo wø bëëdö dï paap ni wø køc jïëc wïthge kiper juu moge. Kiper wïth juurre moøgø bëët bëëdö kaamar jiy mo kär daŋø, ni jø Icriel thuwø bëëdö kaamar jiy mo kär daŋø, kiper cwïnyge kärge cïbö jïra.»

Edhikiel 25:12

«Man beeye luumma caan Kwäärö Wuuö Jwøki, ena köö, ni ‹Kiper mana ö jø Ëdömmi na tïïge ki gïn mo raac dëër dhi øt Juuda ki køør män marge na dwøŋ, ni tïm gïnögø na bääyö bäätge,›

Edhikiel 25:2

«Wär Dhaanhø, løø nyïmï po jø Amön ni caanï luum ajäla man jïge,

Edhikiel 25:6

Kiper man beeye luumma caan Kwäärö Wuuö Jwøk, ena köö, ni ‹Kiper na paŋŋu ceŋŋu ni päru ki tietu ni yïthu omïnnö nou taaga ŋööm Icriel ki cwïnynyu bäre,

Edhikiel 25:8

«Man beeye luumma caan Kwäärö Wuuö Jwøki, ena köö, ni ‹Kiper mana kö jø Möapi ki jø Cëër, ni «Neenï, dhi øt Juuda atïmö kaamar wïth juurre møøk jaak,»

Edhikiel 34:6

Pïïth dïëk 'moa gena thääyö bäät kïte bëët, ki bäät thuuri moa bäyö bëët. Gena keethø bäät piny bäre ni bäŋ ŋat moo many geni›.

Edhikiel 35:15

Kiper yiï amïnnö kanya räny ŋööm Icrielli; ni bee tiere noo coola kwör dëërï en. Wui, ï na Kïn Cëër, ï ränynyö, ni bee ïïni ki ŋööm Ëdöm ki kare bäre. Køøre nø, ŋäcge ŋääö ni bee aani na Wuuö Jwøk.›

Edhikiel 35:5

« ‹Kiper ïïna bëëdö niï män ki jø Icriel ki kany mo yie bäär, ni wëëgï ge 'näk dïcäŋa enge yïth gïïa leth, ni beeye dïcäŋa jääl geni na aŋuudi.

Edhikiel 5:12

Dää thäk jiy moï geno thøw dïërï ki täw mo raac ki käc, ni ö dää thäk jiyï møga ni näk geni ko opëëllö ŋää kiir marï, ni keetha dää thäk jiyï møga yïth tuk piny, ni puta køørge ŋwiec døc ko opëëllö.

Edhikiel 5:3

'Ba ïïni, wärï lwötï ki mo nøk røk moøgø ni twöï ge cer abïïnï.

Kwään Jiy 22:1

Køøre jø Icriel atïŋŋö, ni tïïge ki twïër pwöl Möap, løø naam Jördan løøga, na näk dïët ki Jerikö.

Kwään Jiy 25:1

'Ba kanya bëët jø Icrielli Cëthim, jiy atägö ki wääth køør nyïï jø Möap, ni ge temma tïï käp ki geni.

Kwään Jiy 25:2

Kiper kar kaace jø Möap jø Icriel wø cwølge bäät olämme mo juu moge, ni ö jø Icrielli ni cämge, ni wøørge juu mo jø Möap.

1 Camiel 11:1

'Ba Naøc nyeny jø Amön aöö ki jiye, ni tïïc twïër mare buut pääny jø Jabic-Gelät nee këëde ki geni; 'ba cwøw bëët mo päänyögø aköö jï Naøc, ni «Tudï ki luubö ki waani niï tïnywa.»

1 Camiel 12:12

«'Ba kanya jootu gø ni Naøc nyeny jø Amön ööa baŋu nee këëde ki uuni, Wuuö Jwøk na bëëdö na nyeya maru akwierru, ni kööu ki aani, ni ‹Wa manynya nyeya mo käära waani.›