Jeremaya 4:8 - Wëël Jwøk

⁸ Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Jeremaya 4:8 Iomraidhean Croise

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 32:11

U na määr wø bëëdö ki bëëtö mo jööt jaak, dëëtu tïme ni kwanynyi. U na mään moa therø, u ni wø cädö ni karu beer, dëëtu tïme ni rïïŋö. Göönyu abïïe wøk dëëtu, ni dööŋŋu ki dëëtu, ni dwølu keece dëëtu.

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 9:21

Jø Maneeca ge ööa maal bäät jø Ipariem, ni ö jø Ipariemmi ni öge maal bäät jø Maneeca, ni marge døø rege. 'Ba rege ocäŋge dwallø ni nywääkge dëër Juuda. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 25:34

U na dïkwääye, jwöŋu ni kïmmu; u na jøøa kwörge døøŋŋø, buugu dëëtu ki bur; kiper cäŋ man ŋaal u yie aöö, ni ö uuni ni päänhnhu ni petu kaamar dak mo pere leth mo reep.

Jeremaya 30:24

Wuuö Jwøk ba døø ŋääe ki wëër mare ni wø liel kaamar maac, këël mano tïïc mana en cwïnye ni wëëk gø thur kare. 'Ba kanyo täk gïïögø yie ya aŋuun nïne, tiere ojootu na kare.

Jeremaya 48:20

'Ba mano løkge, ge köö, ni ‹Möap anyak, ni ö jiyi ni lää wïthge. Uuno jwöŋi ni gööu ko oduuru, ni gøøu gø piny bäät Naam Arnön bäre ni Möap araanynyi.›

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Wëël Kïmmö 1:12

«?Aŋø, u ni wø pöödhi ki buuta en, ki jïïu ni man beeye gïn mo bäŋ tiere jaak? Neennu, ni raŋŋu gø, ?aŋø, da teeŋ caarø mo otïïö mo caala mara man no otïïö dëëra en, ni beeye mana tïïc Wuuö Jwøki dëëra yi cäŋ wëër mare ni wø liel kaamar maac?

Edhikiel 21:12

Wui, ï na wär dhaanhø, jwöŋï ni gööï ko oduuru, kiper opëëllö manøgø jääla jiy 'moa, ki jø kööre mo Icriel. Jiy moøgø yaa cïp dho opëëllö, ge ki jiya bëët. Kiper manøgønø, jwöŋï niï pööta köörï.

Edhikiel 30:2

«Wär dhaanhø, caan luubö man ni kööï ni luumma caan Kwäärö Wuuö Jwøki bee en, ena köö, «ni ‹Gööu ko oduuru, ni kööu, «Wui, otïmö ni leth dïcäŋöca!»

Jool 1:13

Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Mikiya 1:16

U na jø Juuda, gwääru wïthu wøk ni dööŋge no otal, kiper obwöre mou na mëërru ki geni okäl. Uuni gwääru wïthu wøk bäre ni dööŋge kaamar wïth acudhi, kiper obwöre mou di maaø baŋu ki tøŋ ni aacge.

Kwään Jiy 25:4

Ni kö Wuuö Jwøki jï Modhe, ni «Mak dïbwöthe bëët mo jø Icriel, ni 'nägï geni, ni lïërï geni ko okaan cäŋ nyïma, a na Wuuö Jwøk, kiper nee wëër mara paanya bäät jø Icriel.»