Jeremaya 4:31 - Wëël Jwøk

³¹ Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 4:31 Iomraidhean Croise

Wïlöölö 27:46

Køøre Rebëëka aköö jï Aydhak, ni «Aana ööl ki bëëtö bäät piny kiper määrögø na nyïï jø Këth yøø. ?Aŋø, ni näk mo Jeekap cäŋa nyöömmö ki dhaagø dëët nyïï jø Këth, na näk wëëk ŋøømmi, ni caala moi ii, ba theemma man thøøa jaak nø?»

Jööp 10:1

«Aani, aana männö ki bëët kwøw mara; kiper manøgønø, a bëëdö naa dwaalli jaak nø, ni cääna ki køør këëny cwïny mara.

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Aydheea 13:8

'Ba geno lwäyi døc, ni ö räämmi mo teek ki bëëtö mo leth ni put tägö dëëtge. Geni, dëëtge døøcge døøyø kaamar dhaagø mo ogøøc mäc lwaarri. Ŋati man nø rege watge oneene ni yie othäŋŋö, ni täärnyïme owïïtö ki lwär.

Aydheea 21:3

Kanya jooda gïnögø, rääm mo leth aput tägö dëëra, kaamar dhaagø mo ogøøc mäc lwaarri; Aani wïïa ree akiere døc, ni tïme ni tiet luup ba kwanya, ni lwäya døc, ni tiet luup ba jooda.

Aydheea 26:17

Bëëtö marwa nyïmï atïmö kaamar dhaagø mo ogøøc mäc lwaarri, mo jwöŋö ni ree døøye døøyø ki rääm kanyo tïm kar lwaarri ni cään.

Aydheea 42:14

Wuuö Jwøk aköö, ni «Aana bëëdö ki kany mo bäär naa lïŋö, aana bëëdö ni aano nikïïl ni dëëra yaa juunynyö. 'Ba ennø, kaaman wø tïïc dhaagø mo ogøøc mäc lwaarri, aani, a köök ni jwëëya døc ni laba ree.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Jeremaya 10:19

Wui, atïmö ni leth jïra kiper ŋwiili moa jwøra! Atwøt 'moa bëëdö ni ba caŋŋi. Køøre aana köö, ni «Ka adïëri møn, täw man apïï dëëra, 'ba käära käärö jaak.»

Jeremaya 13:21

?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 14:18

Ni kany wø cøøa yie jaak töök paac, a joota jiy mo onääö ri leny! Ni kany wø cøøa pääny, a joota jiy mo onäk käci! Ni ö nyïïkuk Jwøki ki dïlämme ni bëëtge ni ge wïïrö kwör mo kucge.› »

Jeremaya 15:18

?Aŋø ni ba cuŋ pänh cwïnynyi mara en? ?Na aŋø ni bëët pänh cwïnynyi mara ni ba døø piny ni bëëdö kaamar atwøda mo ba caŋŋi en? ?Aŋø, ïïna tïmö kaamar waŋ naam mo nëëni kee yie da pïï, mo noo cøø, bäŋ pïï yie?

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 22:23

U na jø Jerucalem, u ni wø bëëdö yïth uudi mo beyø, mo geer ka jer lur Libaanø, a teeŋ cooyø mo nyïëdi nou cooyu ki gø kanyo ö räämmi bäätu, ni beeye rääm mo caala mar dhaagø mo ree da mäc lwaar.»

Jeremaya 30:6

Pëënynyu dëëtu mø, ni raŋŋu gø døøc, nee da dïcwøø mo olwaar ki nyilaal. ?A ennø, aperŋø ni jooda cwøw bëët ni ŋati man nø piere ee maa ki ceŋŋe kaamar dhaagø mo ogøøc mäc lwaarri en? ?Na aperŋø ni nëën täärnyïm ŋati man nø no oniduk ki lwär en?

Jeremaya 45:2

«Ï na Baruk en, luumma caan Wuuö Jwøki Jwø Icriel kiperï beeye en:

Jeremaya 48:41

Päänye mo Möap omak ki tøŋ, ni mak kwör leny moe moa näk ogeerø ni teek. Dïcäŋöca cwïny otëëe mo Möap otïmö kaamar cwïny dhaagø mo ree da mäc lwaar.

Jeremaya 49:22

Ka adïëri møn, jø leny öö ni läänna kuna tukge Bödhra kaamar odhuuth mo bwöpe ee peerø mo läänna baŋ lääy; ni dïcäŋöca cwïny otëëe mo Ëdöm otïmö kaamar cwïny dhaagø mo ree da mäc lwaar.»

Jeremaya 49:24

Jø Damacka bäätge opädhi, ni løkge ŋäthge ni reŋge. Cwïnyge obwøk, ni ö lwärri mo dwøŋ ni mak geni, ki rääm mo caala rääm dhaagø mo ree da mäc lwaar.

Jeremaya 50:43

Nyeny Babiløn gïna caan kiper jø leny moøgø awïnynye, ni ö bääte ni pädhe; ni ö lwärri mo dwøŋ ni mak eni, ki rääm mo caala rääm dhaagø mo ree da mäc lwaar.

Jeremaya 6:2

Jerucalem ni wø bëëdö kaamar nyakøø mo mïërö, mo bëëdö ni jwøny, oraanynya.

Wëël Kïmmö 1:17

Dhayan ceŋŋe athaaŋ maal, 'ba bäŋ ŋat moo cøm cwïnye. Wuuö Jwøk dwøre acïbe kipere, eni na po Jeekap, ki man tïm jøøa en deŋŋe na nyïïmän moe. Jerucalem atïmö na pääny mo ba waany yïthakicge.

Wëël Kïmmö 1:20

«Wui Wuuö Jwøk, neenï, a ena yïth gïï mo leth. Jwïëya bëëdö ni kïmmö døc, ni bëët cwïnya no opädhö, kiper aana bëëdö naa gëëmö døc. Opëëllö bëëdö ni nääö wøk nyeŋ jïëthe, ni bëët yïth uudi na thøø keere.

Wëël Kïmmö 2:21

Obwöre ki jäle, ge bëëdö ni geno päänhnhö yïth ŋøøm nyeŋ jïëthe ni geno thøw, ni ö nyïïakuue ki wøpe ni nääi ko opëëllö. Ïïni, gena 'nägï yi cäŋ mar wëër marï, ni 'nägï geni ni cwïnyï kärï warø.

Odheea 13:13

Rääm mo leth mo caala man wø lwaarø ki nyilaal atägö dëër Ipariem. 'Ba eni caala nyilaal mo wïïe ba leer. Kiper kanya pïïc kar lwaar mare man lwaarø ki gø, wïïe käre nyuuth wøk.

Mikiya 4:10

Wui jø Dhayan, uuno baŋŋi ni rämu kaamar dhaagø mo ogøøc mäc lwaarri, kiper ennø, u dønynya wøk ki yi pääny ni u mak ki tøŋ, ni bëëdu kwör mo uuno nicweeŋŋa wøk jaak. Uuni, u cøøa Babiløn, 'ba a na Wuuö Jwøk, uuno piema ceŋ nyïïmän mou kunece.

Mikiya 4:9

«?'Ba ennø, aperŋø ni gööï ko oduuru ni dwørï ena maal, ni baŋŋï kaamar dhaagø mo ogøøc mäc lwaarri en? ?Aŋø, beeye kiper mana bäŋe nyeya jïrï? ?A ŋat wø cïpi ki pwöc jïrï athøw?

Mikiya 7:1

Wui, aani cwïnya apädhö kiree! Bäŋ ŋat mo cwïnye ena køør Jwøk. Kiper aana määnyö kaamar dïlïm nyïïjenni, kaamar jø wø dädö ki nyïïomøki yïth pwöth, mo bäŋ okut nyïïomøki mo jootge mo di camø, wala nyïïolämmi mo wø kwøŋ ciek.

Mathiew 21:5

ni «Køpu jï jø Dhayan, ni ‹Neennu, nyenynyu ni ö baŋu. Eni mwöl, ni eni cäädhi ka bäät arëën, ni beeye nya arëën, nyi lään wø tïët jammi.› »

1 Körin 9:16

'Ba ni näk maa køpa luumma nyään na met, doo bäŋ gïn maa doo töödö kipere. Kiper køp luummögø ba maara wec. Ni doo tïmö ni raac jïra ni näk maa ba køp luumma nyään na met.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.