Jeremaya 4:28 - Wëël Jwøk

²⁸ Ki køør gïïögø bëët, piny bäre okïmmi, ni ö maalli ni tïme na muudhö, kiper ni caana gø en, yaa nø caar, ni cwïnya ba wara, naa ba døøa ŋääa ki man tïïa gø.»

Jeremaya 4:28 Iomraidhean Croise

Aydheea 24:4

Piny 'otal kaamar bøøk jaath, ni tïme ni kïmmö. Eno tal ni kïmme ki jiy bëët moa kwörge døøŋŋø mo wø bëëdö yie.

Aydheea 34:4

'Ba gïïa en maal bëët oraanynyi, ni ö maalø ni bani kaamar warakata; ni ö jap maalli bëët thuwø ni øcge piny kaaman wø øc bøøk jer omøki piny, wala man wø øc bøøk olaammi piny.

Aydheea 5:30

Dïcäŋeca ge löörö bäätge kaawat man wø lwör athaŋ naama dwøŋ. 'Ba ni näk da ŋat mo raŋa bäät ŋöömö manøgø, eni muudhö ki bëëtö mo leth pute ka joot, kiper tar ree løøe baŋ muudhö ki køør pöölö.

Aydheea 50:3

Maal tïïa tïïö na muudhö, keda dhaanhø mo oruyö ka abïï mo cøl kiper thøø.»

Jeremaya 12:11

Geni ŋöömö mara oraanyge møn, ni bëët ŋöömö ni jwöŋö dëëra; ŋöömö bäre otïïcge na kany mo oränynyö, ni bäŋe ŋat mo caar gïr gø.

Jeremaya 12:4

?A këël kany mo nyïëdi nø noo bëët ŋøømmi no otal, noo bëët luummi bäre no onär? Këël lääy ki weny bëët athum ki thøø, ki køør rääö mar jø wø bëëdö yie, kiper ge wø köö, ni «Wuuö Jwøk aŋuun bëëtö marø ba nëëni jïre.»

Jeremaya 14:2

ni «Ŋööm Juuda bëëdö ni jwöŋö, ni ö päänye moe ni öölge, ni bëët jiyi ni jwöŋö kiper ŋöömö, ni ö oduuc Jerucalemmi ni tïme ni päl.

Jeremaya 23:10

Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 23:20

Wuuö Jwøk ba døø ŋääe ki wëër mare këël mano tïïc mana en cwïnye ni wëëk gø thur kare. 'Ba kanyo täk gïïögø ya aŋuun nïne, tiere ojootu na kare.

Jeremaya 30:24

Wuuö Jwøk ba døø ŋääe ki wëër mare ni wø liel kaamar maac, këël mano tïïc mana en cwïnye ni wëëk gø thur kare. 'Ba kanyo täk gïïögø yie ya aŋuun nïne, tiere ojootu na kare.

Jeremaya 51:12

ŋïï wär tïŋu maal nou tugu kiir Babiløn; koor wär tïïyu ni teek døc; ni cïïmmu jiy mo rääŋö, ni ö jiyi møøk ni møørge piny. Kiper Wuuö Jwøk acaara mare wëëge thur kare, ni beeye gïna näk ee nø ŋøl ni tïïe tïïö dëër Babiløn.

Jeremaya 7:16

'Ba Wuuö Jwøk aköö jïra, ni «Ï na Jeremaya en, kärï lämö kiper jøøi ii, ni ba tïŋï dwørï maal niï jwöŋö niï lämö kiperge; kär a kwaayï kiperge, kiper lam marï ba wïnynya.

Wëël Kïmmö 2:17

'Ba Wuuö Jwøk gïna manynye atïïe, ni wëëk luumme thur kare, na näk ee nø ŋøl yïth nïra cääŋŋe. Eni uuna raanynye ni cwïnye käre warø, ni tïïc nyimän nee kanynye bäätu. Eni teek mar nyimän ameede.

Edhikiel 24:14

A na Wuuö Jwøk, luubö mara anø caana. Cäŋ man tïïa yie aløny ni öö. Aani cwïnya ba wara, ni bäŋ bäth ec mo nyoodha jïrï, wala ki man päth cwïnya ki gïrï. Aani ï jääla jäälö ki køør uutjïëthe moï ki japa reyø na tïïyï.› Luummögø caana aani, a na Kwäärö Wuuö Jwøk.»

Odheea 13:14

?Aŋø, a na Wuuö Jwøk, jø dhi øt Ipariem ge daa wïïla wøk cer teek thøø? ?Aŋø, ge daa käl wøk ki yi thøø? ?Wui, ï na thøø, age teek aranya marï? ?Wui, ï na thøø, age teek gïna leth ni wø tïïyï? Aani, cwïnya ba cïba piny këët.

Odheea 4:3

Kiper manøgønø, ŋöömö atal ni kïmme, ni ö jiyi moa bëëdö yie bëët ni öölge, ni rwöbe ka lääc paap ki wec maal bëët, ni ö reci moa en yi naama dwøŋ ni putge rwäänyö.

Jool 1:10

Pwöth aränynyö, ni bëët ŋöömö ni jwöŋö. Beel aränynyö, ni ö jer omøki ni talge, ni ö jer wø nyïïge wel na maaw ni bäpge.

Dhekaraya 8:14

Kiper Wuuö Jwøk, eni na wïth jammi bëët, aköö, ni «Aana bëëdö ki kwäyu ni ge temma temmø ki gïï mo leth kanya bëëtge ni ge raanynya cwïnya naa goota, ni bëëda ni bäth ec mara kära nyoodhø jïge;

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Mathiew 27:45

'Ba kanya tïme na caae apaar kurriiø ki dïcäŋ, piny atïmö na muudhö bäre këël caae adäk ka abøøya.

Maak 15:33

'Ba na tïme na caae apaar kurriiø ki dïcäŋ, piny atïmö na muudhö bäre këël caae adäk ka abøøya.

Luk 23:44

'Ba kanya tïme na caae apaar kurriiø ki dïcäŋ, piny atïmö ni muudhö bäre, këël caae adäk ka abøøya,

Epeca 1:11

Ni beeye ki køøre na ö waani na kwøŋ Krictø ŋääth na miek na jier nee wa bëëtwa ni wa pwøya ajieme, keda mana many ŋat wø tïïc jammi bëët keda man wø näk ee cooŋø ki cwïnye.

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Ibaru 7:21

'Ba ŋati, mare acaan jïre ki kööŋ, ni «Wuuö Jwøk anø kööŋ, ni mana caane ba wiile këët, na kööe, ni ‹Ï bëëdö ni ïïna dïlämi këël na bäre bäre.› »

Mana Nyooth 6:12

'Ba na ö Nyidiel na jap bïcier möönne, aana nëënnö, ni jooda dïjäŋ piny mo dwøŋ døc. Ni ö cäŋŋi ni tïme ni cøl døc, ni ö dwääyi kare bäre ni tïme ni caala remø.

1 Camiel 15:29

'Ba Jwø Icriel ni wø bëëdö ni dwøre ba dak ba cäänö ki tööt, na acaara mare ba wiile; kiper eni ba caal dhaanhø na acaara mare di wiilø.»