Jeremaya 4:27 - Wëël Jwøk

²⁷ Ni manøgø beeye luumma caan Wuuö Jwøki, na kööe, ni «Ŋöömö bäre oränynyi; 'ba ba raanynya bäre.

Jeremaya 4:27 Iomraidhean Croise

2 Luup Nyeye 36:21

Gïnögø atägö ni wëëga luum Wuuö Jwøk thur kare mana caane ki dhi Jeremaya, këël mana ö ŋöömö ni mïn yie ki yïth cwiic jwöm moe. Kiper cwiic ränynyö moe moa näk pïërabïriiø acäŋ beetø na mo jwöm.

Neemiya 9:31

'Ba ki køør mëër marï na päl, ge kärï wiiø, ni ge kärï raanynyø na bäre; kiper ïïna Jwø wø nyooth met ec, ni ïïna Jwø mëër.

Aydheea 17:6

'Ba møøk poot bøth yie, ni caala man wø diem nyïï jaath man wø nyïïe wel na maaw piny, ni tïme ni nyïëdi ariiø wala adäk obøth maal lwinh jaadhøgø, ni nyïëdi aŋween wala abïïc obøth ri bäät jaath manøgø mana no onywøl døc. Manøgø beeye dwør Wuuö Jwøk, Jwø Icriel.

Aydheea 24:1

Raŋŋu, Wuuö Jwøk piny jale jalø ni raany gø; ni wëëk gø niruuth, ni keeth jiy mo wø bëëdö yie.

Jeremaya 18:16

'Ba ŋöömö marge oränynyi, ni tïme na gïr abuua na bäre bäre. Ni ö jiyi bëët mo opöödhi ki buute ni thäŋ yïthge, ni putge wïthge keny.

Jeremaya 25:11

Ni ö ŋöömmi en bäre ni ränynye, ni tïme na ŋöömö mo cwïny jiy böö ki gïno tägi dëëre; ni ö wïth juurre moøgø ni tïnyge nyeny Babiløn ki cwiiri ma pïërabïriiø.

Jeremaya 30:11

Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Jeremaya 4:20

Gïï mo leth tïmö ni ööa bääte, ni ö pinynyi bäre ni ränynye. Kwör bëëte 'moø laar ka raanynyø, ni ö uudi 'moø ni ränyge ki nyi kany mo thiinh.

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 44:6

Kiper manøgønø, räny cwïny mara ki wëër mara ni wø wääŋö kaamar maac akïtha bäät Jerucalem ki bäät päänye mo Juuda, ni putge niruuth ni ränyge kaawat man bëëde dïcäŋi en.

Jeremaya 46:28

Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»

Jeremaya 5:10

Ni kö Wuuö Jwøki, ni «Cou yi pwöth omøki, ni beeye po jø Juuda, ni raanynyu gø, 'ba kär raanynyu bäre. Jäu bäätge wøk, kiper ge patha 'moa, a na Wuuö Jwøk;

Jeremaya 5:18

«'Ba kar kaace, a na Wuuö Jwøk, u ba raanynya bëët.

Jeremaya 7:34

'Ba kar kaace dïlweel mar met ec, ki dwør met ec, ki kanynyø mar nywöm oraanynya dï Jerucalem ki yïth päänye mo Juuda møga bëët, kiper paac bäre oränynyi.» Luummögø caana Wuuö Jwøki.

Jeremaya 9:11

Ni kö Wuuö Jwøki, ni «Jerucalem otïïa nee neeruuth, ni tïme na kar bëëtö mar othööe; ni tïïa päänye mo Juuda nee ränyge, nee bäŋe jiy mo bëëdö yïthge.»

Wëël Kïmmö 2:7

Kwäärö Wuuö Jwøk gïn wø cïp olämme bääte jïre akwiere, ni jar øt lam mare na en kur keere. Eni kwör gwøk røk mo pääny acïp ceŋ nyïïmän, ni ö geni ni kwöŋge yi Øt Wuuö Jwøk kaawat man wø tïïc yi cäŋ ajwöma.

Edhikiel 11:13

'Ba kanya bëëda naa cara luupögøøni, Pelathiya o Benaya aput thøø. Kanyøgø dëëra aputa gøø piny ki bäp yia ni puta köö ki dwøl mo dwøŋ døc, ni «Wui, Kwäärö Wuuö Jwøk! ?Jø Icriel moa no odööŋ ni kwøw wïthge poot dïïrï dïïrö na bäre møn?»

Edhikiel 20:17

'Ba aani, yia acäŋa warrø ki geni, ni kära geni raanynyø këët wala ki man dïïra wïthge dï paap.

Edhikiel 33:28

Aani, ŋöömö marge wëëga ränynyö ni dööŋe ni bäŋ gïrpiny yie, ni ö teek mar jø wø töödö yie ni cuŋe, ni ö kïte mo Icriel ni dööŋge keerge, ni put tïmö ni bäŋ ŋat mo ŋuti ki bäätge.

Edhikiel 6:14

Kanyøgø nø, cera orwiea ni jääla geni, ni wëëga ŋöömö marge ränynyö døc, ni dööŋe ni bäŋ gïrpiny yie ni kaala dïtëën mana cwøl ni Dïbila; køøre nø oŋäcge ni bee aani na Wuuö Jwøk.› »

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.

Ciik Kiper Dïlämme 26:44

'Ba këël na tïïcge gïïögø, kanyo enge yi ŋööm nyïïmän moge, ge ba kwiera, naa ba männi ki geni ki man raanynya ge. Ni näk mo tïïa tïïö, tïmö naa raanynya luumma tuuda ki geni. 'Ba ba tïïa, kiper beeye aani na Wuuö Jwøk, Jwøk marge.

Jepaniya 1:18

Bäŋ gwel-bïrö marge wala warkey marge mo løny jïre ki man piem geni yi cäŋ wëër mar Wuuö Jwøk; piny bäre ränynyö ki maa këëny cwïny mare, kiper eni jø bäät piny bëët thööre thöörö ki 'näk ki jöö mo di lwäärö.