Jeremaya 4:22 - Wëël Jwøk

²² 'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Jeremaya 4:22 Iomraidhean Croise

Wïlöölö 39:16

Køøre nyaanøgø abïï akan buute këël mana ö kwääc Jocepi paayø.

2 Camiel 13:3

'Ba Amnön do owänni mo nyeŋŋe cwøl ni Jönadap o Cimia cöök Deebiti; 'ba Jönadap ena dhaanhø mo waŋe riek døc.

Pwöc Leec Wïc 28:5

Jøøa reyø tier ŋøl ma adïëri bäŋ wø ci cwïnyge, 'ba jø wø many Wuuö Jwøk tier gø wø cøøa cwïnyge bäre.

Aydheea 1:3

Dhieŋ wänni ŋääe, ni ö arëënni ni ŋäc kar cam mana jiiŋ wänni jïre; 'ba jiya ma jø Icriel, a na wääge a kucge, ni tier luumma ba kwanyge.»

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 13:23

?Aŋø, løny jï dhaanhø mo cøl ki man wiil kït dëëre? ?A løny jï kwac ki man wiil kït moe? Ni näk moøgø løny, løny jïïu thuwø ki man tïïyu gïn mo beer, u na no oŋïyö ki tïïc gïï mo reyø.

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 4:21

?A këël kany mo nyïëdi nø noo bëëda naa neeta ŋïï mar leny, naa bëëdö naa wïnynya dwør tuuŋ?

Jeremaya 5:21

ni ‹Wïnynyu gïn, u na bøøre na wïthu bäŋ acaara, u na jïïu da nyeŋŋi, 'ba u ba nëënö; u na jïïu da ïdhi, 'ba u ba wïnyö.

Jeremaya 5:4

Køøre aana köö, ni «Moi beege jiy mo can jaak mo wïthge bäŋ acaara, kiper geni, jöör Wuuö Jwøk, Jwøk marge, ki ciik moe kucge.

Jeremaya 9:2

Wui, aŋø ni ba tïme ni da abïla jïra mo bëëda yie dï paap en, mo caala kany wø but jø wääthi yie, naa paanya raa buut jø powa ni wiia geni! Kiper gena jø lugi bëët, ni gena lwaa jiy mo tïïö ki gïï mo reyø ki piny.

Jeremaya 9:3

Ni kö Wuuö Jwøki, ni «Jiya rege ege jiiŋŋö ki man caange luup tööt, ni paac marge käärge ka jöör cwøk, ni patha jöör adïëri. Kiper ge wø løøŋŋa bäät gïïa reyø, ni kweerge ki man ŋäcge aani, a na Wuuö Jwøk.

Jeremaya 9:5

Ni ö ŋati man nø ni bëëde ni cøøga wati, ni bäŋe ŋat mo cäänö ka adïëri. Lëëpge aŋiicge ki car tööt, ni öölge dëëtge ki tïïc gïï mo reyø.

Edhikiel 16:30

Kwäärö Wuuö Jwøk acäänö ki Jerucalem, ni kööe, na «?A teeŋ rääya ŋø ni raayï ki gø en? Jammi moøgø bëët atïïyï ni ïïna kääbi mo waŋï teek jaak.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Odheea 4:6

Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.

Odheea 5:4

Gena män tïïe moge na reyø ki man duuge baŋ Jwøk marge. 'Ba kiper mana näk yïth cwïnyge päŋ ki jwïëc käp, gena put tïmö ni bäŋ kwänynyö man ŋäcge Wuuö Jwøk ki gø.

Amøc 3:10

Jøøgø tïïc gïn mo beer kucge, jøøa näk jap twëër ki gïïa jaaŋge ceŋ jiy ege cooŋ piny yïth uudi moge na teek.» Beeye Wuuö Jwøk ni cäänö enø.

Mikiya 2:1

Otïmö ni raac jï jø wø caar gïï mo reyø, jø wø caar tïï gïï mo reyø kany wø enge kwör niine moge. Ni kany wø ruu øwi ka amöölla, gïna caarge wø putge ka tïïc, kiper jïge oløny ni da teek ki man tïïcge gø.

Mikiya 7:3

Ceŋ moge tïï gïn mo raac ege kwanyø ni beer kiree. Dïbwödhi ki dïŋut luup wø manynya gïï mo di cïbö jïge ki piny; ni ŋata kare dwøŋ wø caana mana en cwïnye jaak, ni geni luubö wø meenge meenø na aciel.

Luk 16:8

«Kanyøgø nø, kwääyögø, kwääy tïïc manøgø ni bëëte raac enø apwøe kiper mana caar wïïe. Kiper wäät pinyi en, nyeŋge reegø ki man ŋäcge dëëtge keerge ni kaala wäät tar.

Jøøn 16:3

'Ba gïnögø otïïcge kiper na kucge Wuuö ki aani bëët.

Wëëlö Mana Göör Pøølli Baŋ Jø Röm 1:22

'Ba na köge ni wïthge leer, gena tïmö na bøøre,

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

Wëëlö Mana Göör Pøølli Baŋ Jø Röm 16:19

Teeŋ ka man bëët mwölli maru ni ŋäc jø bëëti ni mïn yia ki maru, a doo manynya man bëëdu thuwø ni wïthu leer ki man laaru gïno beer ŋäc, ni kuyu raay.

Wëëlö Mana Göör Pøølli Baŋ Jø Röm 3:11

Bäŋ ŋat mo kwany tier luubö, ni bäŋ ŋat mo mar Jwøk ee cayø.

1 Körin 14:20

'Ba, nyïïmera, kär acaara maru tïmö na acaac obwöre. Bëëdu ni uuno obwöre mo mar ki kur raay, ni tïmu nou døøŋŋø ki kur acaara.

Tiet Ciik 32:28

«Jø Icriel beege jiy mo wïthge bäŋ acaara, ni tiet luup ba kwaanyge ni beer døøc.

Tiet Ciik 32:6

?Aŋø, u na jø Icriel, u ka bøøre møn, ni wïthu ba leer, uuna cäŋ tïmö nou tïïya gïï mo reyø na kar gïïa beyø na tïïc Wuuö Jwøki jïïu? ?Aŋø, eni paa wääu na cwääc uuni, na tïïc uuni ni tietu këëtge piny?