Jeremaya 4:21 - Wëël Jwøk

²¹ ?A këël kany mo nyïëdi nø noo bëëda naa neeta ŋïï mar leny, naa bëëdö naa wïnynya dwør tuuŋ?

Jeremaya 4:21 Iomraidhean Croise

2 Luup Nyeye 35:25

'Ba Jeremaya acääö ki duut man jwøk Jöcaya ki gø; 'ba këël yïth nïne moi jø wär ki dudi moa näk cwøw ki mään bëët, kany wø wärge ki dudi mo wø wär kiper thøø, wïthge wø parge parø ki Jöcaya. 'Ba gïnögø aput tïmö na kööŋŋö ki Icriel, ni gööri piny yi wëël dudi mo wø jwøk jiy ki ge kany wø thøwge.

2 Luup Nyeye 36:10

'Ba kanya tïme ni piny arïïa, nyeya ma Nabukedenecör aöönnö ki jiy ni käl Jöakin ki jammi moa perge leth mo Øt Wuuö Jwøk ni kïth ge baŋe Babiløn, ni tïïc Cëdëkiya cöök wää Jöakinni na nyeya bäät Juuda ki Jerucalem.

2 Luup Nyeye 36:17

Kiper manøgønø, Wuuö Jwøk nyeya mar jø Kaldia ma Nabukedenecör atïŋ maal bäät jø Juuda, ni ŋøør obwöre moge moa näk wøpe ko opëëlle këël mana këët baŋ moa en yi Øt Jwøk marge na en kur keere; ni cwïnye ba pädhi kiper dhaanhø, nee ena nyilaar dïcwøø wala ena nyakøø, nee ena dhaanhø mo onø jalø wala tuu; 'ba gena cïp Wuuö Jwøki bëët cer nyeny Kaldia.

2 Luup Nyeye 36:3

Køøre nyeny Ijep aöö ni käl teek nyec wøk cer Jeyöakac yi Jerucalem, ni put cwötö ka ajwäk bäät paac, ni beege gwet-bïrö ma rumme ma kikarri ma dïpa, ki warkey ma rumi ma kikar aciel.

Jeremaya 4:19

Wui ayaŋ øøy! Wui ayaŋ øøy! Aŋø ni ö pänh cwïnynyi ni kaath cera en, ni tïm dëëra ni kwanynyi! Wenynya atïmö ni pärö døc, ni tïme ni ba løny ki man lïŋa; kiper dwør tuuŋ awïnynya ni beeye tuuŋ man wø kooth na mar leny.

Jeremaya 4:20

Gïï mo leth tïmö ni ööa bääte, ni ö pinynyi bäre ni ränynye. Kwör bëëte 'moø laar ka raanynyø, ni ö uudi 'moø ni ränyge ki nyi kany mo thiinh.

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Jeremaya 42:14

ni kööu, ni ‹Jïwa bäyö, wa cøøa yi ŋööm Ijep, kany mo gïr leny ki dwør tuuŋ leny ba wïnywa yie, na kany mo wa ba 'näk käci yie; wa cøø ni bëëtwa yie,›

Jeremaya 6:1

«Wui, u na jø Benjamen, reŋŋu wøk ki dï Jerucalem, nou kwøwu! Koothu tuŋi Tëköa, ni tïŋu ŋïï maal yi Bëëth-Akarim, kiper gïn mo leth öö ki wï-piny, ni beeye ränynyö mo päl.