Jeremaya 4:2 - Wëël Jwøk

² ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Jeremaya 4:2 Iomraidhean Croise

Wïlöölö 22:18

Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

1 Nyeye 3:6

Kanyøgø, Cølöman aköö, ni «Ïïni, ïïna bëëdö niï nyøtha mëër marï na dwøŋ ni wø ba jøøl jï dhaanhnhï ma wära ma Deebit ki køør mana bëëde ni tïïya adïëri nyïmï, ni bëëdö ki bëëtö mo beer, ni cwïnye thïïŋ ki ïïni. 'Ba dïcäŋi ennø, ïïna cïpö ki wääde mo pï piny bäät wälu mare, niï poot nyootha mëër marï na dwøŋ ni wø ba jøøl jïre.

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 45:25

Ki ri Wuuö Jwøk nyïïkwaac Icriel bëët di ŋunnö, ni putge eni jiem.»

Aydheea 65:16

'Ba ŋat wø gwëëdhö yi ŋöömö, wø gwëëdhö ka nyeŋŋa, a na Jwø adïëri, ni ö ŋat wø kööŋ yi ŋöömö, ni kööŋ raa, a na Jwø adïëri. Kiper gïïa leth na no opöödhö, wïc wïl ki geni, ni putge rwäänyö nyïma.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Jeremaya 12:15

'Ba kanyo nø bëët juurre moøgø nø ni ge yaa cööt wøk, cwïnya ocäŋ pädhö kiperge, ni dwøga geni yïth ŋøøpge, ni jøøi nø døøa yi ŋöömö marge.

Jeremaya 12:16

'Ba ni näk mo jöör bëëtö mar jiya kwanyge kwanyø møn, ni bëëtge ni ge kööŋŋa ri nyeŋŋa, ni ‹Ŋëët Wuuö Jwøk, Jwøa kwøw,› kaawat mana kwøŋge jiya pwönynyø ki man kööŋge ri Baal, aani tietge këëlla piny yïthakic jiya.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 3:17

'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Jeremaya 5:2

'Ba këël jø Jerucalem doo kööŋ ni köge, ‹Ŋëët Wuuö Jwøk, Jwøa kwøw,› ka adïëri møn, kööŋ marge poot na tööt jaak.»

Jeremaya 7:5

'Ba ni näk jöör bëëtö maru ki tïïe mou you tiirø møn, ni ŋøllu luup na karge yïthakic jiy,

Jeremaya 9:24

'ba ŋat mo töödö, wär tööde kiper mana näk mo wïïe da acaara ki man ŋäc aani, a na Wuuö Jwøk, ni ŋäc gø ni beeye aani ni wø nyooth mëër man wø ba jøøl, ka adïëri ki bëënynyö bäät piny, kiper yia wø met ka teeŋ gïïögø.» Luummögø caana Wuuö Jwøki.

Odheea 2:19

'Ba ïïni, ï miia miiø jïra na bäre bäre; ka adïëri møn, ï miia miiø jïra ki ra adïëri mara, ki ŋøl ma kare, ki køør mëër mara ni wø ba jøøl, ki bäth ec mara.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

1 Körin 1:31

Kiper ogöörö, ni «Ŋat wäro töödö, wär wø tööde kiper Wuuö Jwøk.»

2 Körin 10:17

Kaawat mana gööri, «Beerra man ö ŋat wø töödö ni tööde ki nyeŋ Wuuö Jwøk.»

Galeecia 3:8

'Ba wëël Jwøk, na ŋäc gø cøøn dïkwøŋ ni juurre jïëc Jwøki jïëö ni marge beer ki køør ŋäädhe, luumma nyään na met akwøŋ køp jï Eeberam, ni kööe, ni «Beeye ïïni noo gwïëth wïth juurre bëët ki køørï.»

Tiet Ciik 10:20

Lwäärru Wuuö Jwøk na näk Jwøu, ni tïnynyu eni, ni göögu dëëre, ni kööŋŋu ri nyeŋŋe keere.

Tiet Ciik 4:30

'Ba yi nyïme, kanyo tïme ni gïïögø bëët opïï bäätu, nou ena yïth gïï mo leth, uuno døø baŋ Wuuö Jwøk na näk Jwøu, ni leŋŋu dwøre.

Tiet Ciik 6:13

«Bëëdu nou lwäära Wuuö Jwøk na näk Jwøu, ni tïnynyu eni, ni kööŋŋu ri nyeŋŋe keere.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Ruuth 3:13

Ennø, but kany dïwääni; 'ba no tïme na aruunnø, ni näk ŋatøgø yie met ki man dööŋe ki ïïni, wøp, eno dööŋ ki ïïni; 'ba ni näk mo yie ba met ki man dööŋe ki ïïni, ŋëët Wuuö Jwøk na kwøw, aani, a dööŋ ki ïïni. Butï nø këël aruunnø.»

1 Camiel 20:3

'Ba Deebit akööŋ, ni cäŋ köö, ni «Ki man näk miï mëër ki aani, oløny ni ŋäc wäru døc, ni ee nø caar ki cwïnye thuwø ni kööe, ni ‹Beerra man bëët Jönathanni ni luubö manøgø kuue, kiper kanymør cwïnye pädhö jaak.› 'Ba ka adïëri møn, a kööŋŋa ŋëët Wuuö Jwøk na kwøw, ki ŋëëtï; beeye kany mo thiinh keere no odööŋ ki man ö wäru ni 'näk aani.»