Jeremaya 4:15 - Wëël Jwøk

¹⁵ Kiper da dwøl mo wïnyö ki Daan, ni wïnyö ki bäät Kïn Ipariem ni køpa gïr gïïo reyø moo ööi.

Jeremaya 4:15 Iomraidhean Croise

Aydheea 52:7

A teeŋ met ec mo nyïëdi ki man joot dhaanhø mo ööi ka bäät kïte ni käla luubö mo nyään mo met, ŋat mo køpa luum bëët-mëër, mo käla luubö mo nyään mo met mo beer, ŋat mo gøøa luum pïëm piny man piem jiy ki gø, ni kööe jï jø Dhayan, ni «Jwøk maru beeye ni wø käär piny na nyeya!»

Jeremaya 10:22

Wïnynyu dwøri na pïï en; ennø, tiet dëëci wïnyö ni dïmmi ni öö ki wï-piny, nee päänye mo Juuda raanyge ni tïmge na kwör bëëte jï othööe.

Jeremaya 6:1

«Wui, u na jø Benjamen, reŋŋu wøk ki dï Jerucalem, nou kwøwu! Koothu tuŋi Tëköa, ni tïŋu ŋïï maal yi Bëëth-Akarim, kiper gïn mo leth öö ki wï-piny, ni beeye ränynyö mo päl.

Jeremaya 8:16

Da dööt okwëënyi mo jø leny mo nyïïmän mo wïnyö ki Daan; ni piny bëëdö ni miel ki dööt okwëënyi moge. Ni ö nyïïmänni ni raanyge piny ki japa en yie bëët, këël päänye ki jø wø bëëdö yïthge bëët.»

Jøcua 17:15

'Ba Jøcua aköö jïge, «Ni näk mo uuna jiy mo kwäännu thööth nø, cou ni ŋøtu lul mana en bäät kïdi maal yi ŋööm jø Përec ki jø Rapayim nee tïme na maru, kiper uuna köö ni mïëya en bäät kïte na cïp jï jø tuuŋ Ipariem atïmö ni diiny ni ba rømi kiperu.»

Jøcua 20:7

Kanyøgønø jø Icriel päänye moi aputge cïp kur keerge, ni beege Këdëc na en Galili na en mïëya en bäät kïte na näk mar jø tuuŋ Naptali, ki Cekam na en mïëya en bäät kïte na näk mar jø tuuŋ Ipariem, ki Kiriat-Arba, ni beeye Keeprön, na en mïëya en bäät kïte na näk mar jø tuuŋ Juuda.

Pïëmme 18:29

Ni cwølge nyeŋ päänyögø ni Daan ki køør nyeŋ kwarge ma Daan wär Icriel; 'ba nyeŋ päänyögø mana dïkwøŋ beeye Laaic.

Pïëmme 20:1

Køøre jø Icriel bëët aö wøk ki kwöra enge yïthge, ni beeye ki mana täge ki Daan na en wï-piny këël mana këët Bëërcïïba na en tier-piny, ni rwöpa ŋööm Gelät bäre na en jï løø kur tuul-cäŋ; ni ö lwaaki ni dwalge rege ni tïmge kaamar dhaanhø aciel nyïm Wuuö Jwøk kanya cwøl ni Micpa.