Jeremaya 4:13 - Wëël Jwøk

¹³ 'Ba ka adïëri møn, dëëc öö bäre kaamar pøøl mo mäännö, ni ö jïëth lenynyi moge mo wø tut okwëënyi ni öge kaamar atuunna; okwëënyi moge rïïŋö døc ni kaala olwiith. 'Ba otïmö ni raac jïïø, kiper beeye ränynyö marø.

Jeremaya 4:13 Iomraidhean Croise

2 Camiel 1:23

«Ka adïëri møn, Cøøl ki wääde ma Jönathan gena bëëdö ni di mëërö ki ge, ni yïth jøw met ki ge; 'ba na tïme na ri thøø, gena thøw na aciel. Gena jiy mo rïïŋö døc ni kaala olwiith mana näk agweec, ni ge teek døc ni kaala cïgïï ŋuu.

Aydheea 13:5

Lwaak manøgø käla paac mo bäär, ni käla ya aŋuun piny mana bäär døc. Wuuö Jwøk ŋöömö manøgø bäre di raanynyø ki gïr tïïc mar ajäla mare.

Aydheea 19:1

'Ba luumma nyooth Wuuö Jwøki kiper jø Ijep beeye en: Ka adïëri møn, Wuuö Jwøk öö ni ena bäät pöölö mo rïïŋö døc, ni ööa Ijep. Ni ö kït gïï wø lam mo jø Ijep ni put dëëtge tïmö ni kwanynyi nyïme, ni ö cwïny jø Ijepi ni bwøkge ki gø.

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Aydheea 5:28

Athëëre moge beth, na atume moge bëët ege niidø; tiet okwëënyi moge teek kaamar kïte, ni jïëth okwëënyi moge kany wø rïïŋge, tietge lwör kaamar atuunna.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Jeremaya 10:19

Wui, atïmö ni leth jïra kiper ŋwiili moa jwøra! Atwøt 'moa bëëdö ni ba caŋŋi. Køøre aana köö, ni «Ka adïëri møn, täw man apïï dëëra, 'ba käära käärö jaak.»

Jeremaya 4:12

'ba beeye jamø mo käla baŋa mo teek mo kaala cer jamø manøgø. 'Ba ennø, aani, a caana luum ajäla manøgø jïïu.»

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 46:18

'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Jeremaya 48:40

'Ba man beeye luumma caan Wuuö Jwøki, ena köö, ni «Ka adïëri møn, da jø leny mo öö mo läänna kuna tukge Möap, kaamar odhuuth mo bwöpe ee peerø mo läänna baŋ lääy.

Jeremaya 49:22

Ka adïëri møn, jø leny öö ni läänna kuna tukge Bödhra kaamar odhuuth mo bwöpe ee peerø mo läänna baŋ lääy; ni dïcäŋöca cwïny otëëe mo Ëdöm otïmö kaamar cwïny dhaagø mo ree da mäc lwaar.»

Jeremaya 6:23

'Ba ceŋge da athëëre ki tøøŋi. Gena jiy mo näk marge raac døc, ni cwïnyge ba pädhi ki näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge uuni, u na jø Dhayan!»

Jeremaya 9:19

Kiper dööt jiy mo göö ko oduuru wïnyö ki Dhayan, ni ge köö, ni ‹Øøna ränynyö na bäre, ni lää wïthø døc; kiper ŋöömö marø awiiø, ki køør mana nyaage kwör bëëte 'moø piny.› »

Wëël Kïmmö 4:19

Jiy moa ŋwiec køørø ge rïïŋö døc ni kaala olwiith mana na agweec. Køørø aŋwiecge bäät kïte, ni møørge piny nyïmmø dï paap.

Edhikiel 26:10

'Ba kiper okwëënyi moe na thööth, tør tietge uuno rïëpge piny. Ni ö kiiri moï ni tïmge ni kwanynyi ki dööt tiet okwëëc leny, ki jap leny, ki jïëth okwëëc leny kanyo duny Nabukedenecörri yi kiir. Eno tïmö kaawat man wø ö jø lenynyi wø dønyge yi kiir mo bëëdö no opädhö.

Edhikiel 38:9

'Ba ïïni ki jø leny moï bëët, ki wïth juurre mo thööth, uuno ö wøk kaamar atuunna, ni tïmu kaamar pöölö, ni putu ŋöömö uum.›

Daniel 11:40

«'Ba noo tïme na aŋuun nïne, nyeny jï løø Tier-Piny cwïny nyeny jï løø Wï-Piny di cwøbø. Køøre nyeny jï løø Wï-Piny jïëth leny mo wø tut okwëënyi, ki jø wø këëdi ki bäät okwëënyi, ki baabuure mo thööth mo leny, di kälö kaamar atuunna, ni tuk mïëri, ni baap geni kaamar jwïëö.

Daniel 7:4

«Cwieny mana dïkwøŋ caala ŋuu, ni jïre da bwöm mo caala mo odhuuth. Aana bëëdö naa raŋŋa gø këël mana ö bwömmi moe ni pudhi wøk, no otïŋ maal no othïïŋö ni cuŋŋö ki tiel ariiø kaamar dhaanhø, ni cïp acaara mar dhaanhø jïre.

Odheea 8:1

'Ba Wuuö Jwøk aköö, ni «Jek riï ki man koothï tuuŋ! Nyimän aöö kaamar coor nee tïïe ki gïn mo raac dëër ŋöömö mara, a na Wuuö Jwøk, kiper jø Icriel, luumma tuuda ki kwäcge akwierge, ni gëëmge ki ciik 'moa.

Mikiya 2:4

'Ba dïcäŋece uuno cäŋ jiyi ki duut, ni duudögø beeye duut mar jwøk keec ec, ni beeye duut mano løøgu ni kööu, ni ‹Waana ränynyö na bäre! Wuuö Jwøk ŋøøp jø powa alwøre, alwøre baŋwa møn, ni cïp pwöth mowa jï jø wø mac paac.› »

Neeyam 1:3

Wuuö Jwøk ba laar wëër, ni eni teek mare dwøŋ; 'ba Wuuö Jwøk jø raay ba wiie ni ba jääle. Kany wø cäädhe, piny puta jïtö ka apwøyaweerø ka atuunna, ni tïm pøølli na tør mar tiete.

Abakuk 1:8

Okwëënyi moge rïïŋö døc ni kaala kwäänynye, ni ge kämö ni kaala orude mo wø lwääge ki wïthïënhö. Jø leny moge ge rïïŋö døc ki bäät okwëënyi, ni ge rïŋŋi ki kany mo bäär, ni ge määnni kaamar odhuuth mo päära bäät gïrpiny.

Dhekaraya 6:1

Kanyøgø aana cäŋ lwïthö maal ni jooda jïëth okwëënyi aŋween mo ööa wøk ki yïthakic kïte ariiø; 'ba kïte moøgø bëëdö kaamar nywïënyö ma jwïël.

Mathiew 24:30

Kanyøgønø, ŋïï mar Wär Dhaanhø onëëni maalø, ni ö jø pinynyi bëët ni kïmge, ni ö geni ni neenge Wär Dhaanhø ni öö ki bäät pøøl mo maal ni jïre da teek ka ajiem mo dwøŋ.

Tiet Ciik 28:49

«Wuuö Jwøk känna bäätu ki wï jur mo käla kany mo bäär ya aŋuun piny, ni läänge baŋu ka man wø lään coorri piny, ni beeye wï jur mo dhøkge ba wïnynyu,

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.