Jeremaya 4:1 - Wëël Jwøk

¹ 'Ba Wuuö Jwøk aköö, ni «U na jø Icriel, ni näk mou manynya duuö, duu baŋa; ni raanynyu gïï wø lammu na näk ec raac ki ge, nou ba gaa wøk këët,

Jeremaya 4:1 Iomraidhean Croise

Wïlöölö 35:2

Kanyøgø Jeekap aköö jï jø paare ki jøøa en buute bëët, ni «Wetu juuga path na en dïïu, ni døøyu dëëtu mo waany, ni wiillu abïïe mou.

2 Nyeye 23:13

Ni ö eni ni raany kwör lam moa en bäät Kïn Aranya na en jï løø kur tuul-cäŋ ki Jerucalem, na näk ogeer Cølömanni nyeny Icriel jï jwøa cwøl na Actaröth, na näk yi Wuuö Jwøk raac ki gø mar jø Caydan, ki jwøa cwøl ni Kemöc, na näk yi Wuuö Jwøk raac ki gø mar jø Möap, ki jwøa cwøl ni Milköm, na näk yi Wuuö Jwøk raac ki gø mar nyïïkwaac jø Amön.

2 Nyeye 23:24

Køøre Jöcaya, ajuuk, ki jiy mo rege da juu mo cøøra jwïëc jøøa no othøw, ki gïïa no otieŋø na gïï lam ki juu møøk, ki gïïa näk yi Wuuö Jwøk raac ki ge bëët na en yi Jerucalem ki ŋööm Juuda bäre araanynye, ni dwøga luup ciik wïïe moa no ogöör yi wëëlö mana joot Kilkiya na näk Kwääy Lam Mana Dwøŋ yi Øt Wuuö Jwøk.

2 Luup Nyeye 15:8

'Ba kanya ö nyeya ma Aca na wïny luup moøgøøni na mo Jwøk yøø na caan nyikuŋ Jwøki ma Adhariya wär Ödet, cwïnye aput jïtö ki cer, ni käl gïï wø lam wøk ni wø raac yi Jwøki ki ge na en yïth mïëri bëët mo jø tuuŋ Juuda ki jø tuuŋ Benjamen, ki mo wø lam yïth päänye moa näk ee maa na en po kïte kur jø tuuŋ Ipariem. Ni ö gïn wø cïp olämme bääte mar Wuuö Jwøk na en nyïm agööl Øt Wuuö Jwøk ni dwøk gø kare ni nyään.

2 Luup Nyeye 33:8

'Ba ni näk mo jø Icriel rege gwøkge gwøø ki man kïthge ciik 'moa bëët bäät tïïc, ki luup moa cema, ki luup ŋøl 'moa, moa caan dhaanhnha ma Modhe jïge, aani, ge ba daaa këët yi ŋöömö mana cïba jï kwäcge.»

2 Luup Nyeye 34:33

'Ba nyeya ma Jöcaya gïïa näk yi Jwøk raac ki ge bëët akäl wøk yïth ŋøøm bëët moa näk mo jø Icriel, ni tïïc jiy bëët mo wø bëëdö Icriel nee Wuuö Jwøk tïnyge, Jwøk marge. 'Ba yïth nïne moa beet nyeya ma Jöcaya, jø Icriel wääth kärge wiiø køør Wuuö Jwøk, Jwø kwäcge.

Aydheea 31:6

Wui, u na jø Icriel, duu baŋ Wuuö Jwøk. Kiper uuna gaa wøk ni weyu eni.

Jeremaya 15:19

'Ba mana løk Wuuö Jwøki jïra beeye en, ena köö, «Ni näk ma acaara manøgø wiilï wiilø, aani, ï dwøga bäät tïïc marï, ni tïnynyï aani. Ni näk miï jiera moa perge leth ni weyï moa no oballe, ïïni, ï bëëdö na kar dhøk mara. Ni ö jiyi ni luuge rege baŋï, 'ba ï ba doo luga baŋge.

Jeremaya 15:4

Geno tïïa nee tiet mïëri bëët mo bäät piny tïmge ni cwïnyge böö ki gïïo tägi dëëtge, ni beeye kiper gïna raac na tïïc Maneeca wär Edhekaya yi Jerucalem kanya bëëde na nyeny Juuda.

Jeremaya 18:11

«'Ba ennø, ï na Jeremaya en, caan gïn jï jø wø bëëdö Jerucalem, ki jï jø wø bëëdö dï Juuda bäre, ni kööï, ni ‹Mana caan Wuuö Jwøki beeye en: Ka adïëri møn, aani, a kännö bäätu ki gïn mo leth døc, ni beeye acaay ajäla mo teek døc kiperu. 'Ba ennø, ŋati man nø dïïu luu ree ni wec jöör bëëtö mare na raac, ni tïïyu uutjïëth bëëtö mou ki tïïe mou ni beyø.›

Jeremaya 24:9

Ni tïïa geni nee tiet mïëri bëët mo bäät piny tïmge ni cwïnyge böö ki gïno tägi dëëtge, ni tïmge na jiy mo reyø ki jïge, ni tïmge na gïr ajøøŋ, na gïr aŋaada, na gïr abuua, na gïr acïëni kwöro riema geni yïthge bëët.

Jeremaya 25:5

Ni mana køpge beeye, ni ‹Løgu rou ennø, ni weyu uutjïëth raay mou ki tïïe mou na reyø; køøre u bëëdö yi ŋöömö man na cïp Wuuö Jwøki jïïu ki kwäyu na bäre bäre.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 3:14

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, kiper beeye aani na kwäärö maru. Aani, a lwötö ki dhaanhø aciel yi pääny man nø, ni lwöta ki jiy ariiø yi tuuŋ man nø, ni käla u na jiera ni duua uuni yi pääny maru ma Dhayan.

Jeremaya 3:22

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 36:3

Kiper kanymør ni jø Juuda gïna leth na caara kiperge ni 'käla bäätge wïnyge wïnynyö, ni ö ŋati man nø dïge ni luu ree ni wec jöör bëëtö mare na raac; køøre nø, gïïa bacge ki raay moge wëënna wëënnö.»

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jeremaya 7:3

Mana caan Wuuö Jwøki, eni na wïth jammi bëët, eni na Jwø Icriel, beeye en, ena köö, ni ‹Tiirru jöör bëëtö maru ki tïïe mou; køøre aani, u wëëga bëëtö kany.

Jeremaya 7:5

'Ba ni näk jöör bëëtö maru ki tïïe mou you tiirø møn, ni ŋøllu luup na karge yïthakic jiy,

Jeremaya 7:7

aani, u wëëga bëëtö kany yi ŋöömö mana cïba jï kwäyu cøøn nee bëëde na marge na bäre bäre.

Edhikiel 11:18

'Ba noo duuge yi gø, kït gïï wø lam bëët na määnö na näk yia raac ki ge raanyge raanynyø.

Edhikiel 18:13

ni jammi mo wø mac baŋe tïïe tïïö nee duui jïre ni da wïthge, ?aŋø, teeŋ ŋatøgø løny ki man bëëde ni kwøw? Ba løny ki man bëëde, kiper eni japøgø ni raac yia ki ge bëët yøø atïïe. 'Ba ka adïëri møn, eni di nääö ni thøøe ni thuunhnha tïïe moe.

Edhikiel 43:9

'Ba ennø, bëët käp marge, ki man wø wøørge dëët kït nyeye moge moa no othøw, beerra man daakge ge nyïma; køøre nø, aano bëëdö dïge na bäre bäre.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 2:2

«Köömmu miiu, köömmu eni, kiper eni paa cïïa këët, naa patha cwøre këët thuwø. Beerra man wec gath-dëël mare man wø nëëni täärnyïme, ni daak bëët käp mare yïthakic thure.

Odheea 7:16

Gena kweer ki man duuge baŋa, a na Jwøa dwøŋ, ni tïm bëëtö marge no okööm kaamar atheerø mo ree täpö. 'Ba dïbwöthe moge geno 'näk ko opëëllö, kiper cäänö marge man wø cäänge ni ge koorrø. 'Ba gïnögø oput duunnö ka abuua bäätge dï ŋööm Ijep.»

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Tiet Ciik 27:15

« ‹Acïëni oen bäät ŋato määny dëëre ki kït gïn mør jaak wala kït gïrpiny mo oleenyø, ni wø tïïc rëëmme ki cere, ni cwöth gø piny ni ee kanø; kiper beege gïï mo Jwøk yie raac ki ge.› «Køøre ojøl jiyi bëët, ni köge, ni ‹Kare!›

Tiet Ciik 4:30

'Ba yi nyïme, kanyo tïme ni gïïögø bëët opïï bäätu, nou ena yïth gïï mo leth, uuno døø baŋ Wuuö Jwøk na näk Jwøu, ni leŋŋu dwøre.

Jøcua 24:14

«'Ba ennø møn, wøørru Wuuö Jwøk ni tïnynyu eni na adïëri ni you ŋäädhö ki cwïnynyu bäre; tïïyu karu ni bäär ki juu moa wøør kwäyu kanya bëëtge løø Naam Upareeti løøga, ki kanya bëëtge Ijep, ni tïnynyu Wuuö Jwøk keere.

Pïëmme 10:16

Kanyøgønø, geni juuga path moa en yïthakicge aputge wec, ni tïmge ni ge tïnynya Wuuö Jwøk. Køøre Wuuö Jwøk cwïnye apädhö ki caarø manø ni teek ni caar jø Icriel ki gø enø.

1 Camiel 7:3

Køøre Camiel acäänö ki jø Icriel bëët, ni kööe, ni «Ni näk mo u duua baŋ Wuuö Jwøk ki cwïnynyu bäre, wetu juuga path ki juuga cøøri na Actaröth na en dïïu, ni cïpu cwïnynyu jï Wuuö Jwøk na bäre, ni tïnynyu eni keere; køøre uuno pieme ceŋ jø Pilitin.»