Jeremaya 39:5 - Wëël Jwøk

⁵ 'Ba jø leny mo jø Babiløn aläp køørge, ni maage Cëdëkiya yi pwöl Jerikö Paap Araaba; ni makge gø ni kälge gø Ribala, päänya en yi ŋööm Amath, baŋ Nabukedenecör nyeny Babiløn. Ni ö Nabukedenecörri ni ŋut bäät gø ki luubö.

Jeremaya 39:5 Iomraidhean Croise

2 Camiel 8:9

'Ba kanya ö Töi nyeny jø Amath na wïny gø ni Deebit jø leny mo Adadëdher bëët ee nø böötö,

2 Nyeye 17:24

'Ba nyeny Aciria akännö ki jiy ki Babiløn ki Kuta, ka Awi, ka Amath, ki Cepar-Waym, ni kïth ge yïth päänye mo Cameria nee bëëtge kwöra wara bëët jø Icrielli yïthge; ni put Cameria tïmö na marge, ni putge bëëtö yïth päänye moe.

2 Nyeye 23:33

Ni ö Peerø Nekø ni kïth Jeyöakac øt twöc Ribala na en yi ŋööm Amath, kiper nee ba bëëde na nyeya Jerucalem; ni put cwötö ka ajwäk bäät paac, ni beege gwet-bïrö ma rumme ma kikarri ma dïpa, ki warkey ma rumi ma kikar aciel.

2 Nyeye 25:6

Køøre ena makge ni kälge eni Ribala baŋ nyeny Babiløn, ni ö nyeny Babilønni ni ŋut bäät gø ki luubö.

2 Luup Nyeye 33:11

Kiper manøgø, Wuuö Jwøk kwääc lwaae mo leny mo nyeny Aciria akäl bäätge, ni makge Maneeca, ni gänge um gø ki gïn mo caala obïth, ni twöcge gø ki tiimme mo tïïc ka nywïënyö ma jwïël, ni kïthge gø Babiløn.

Aydheea 22:3

Cuumme moï bëët anø bwøk na aciel, ni nø mak geni ki tøŋ ni bäŋ leny. Jiy moï bëët moa joot, amak ki tøŋ ni käl geni ni geno twöö ge bëët, këël na bëëtge ni geno bwøk ni geno nø reŋ kany mo bäär.»

Jeremaya 21:7

Køør manøgønø, gïno tïïa, a na Wuuö Jwøk, Cëdëkiya nyeny Juuda, ki jø kööre moe, ki jiy mo odööŋ ni kwøw yi pääny man, no obøth ki täw ki leny ki käc, cïba cer Nabukedenecör nyeny Babiløn, ki ceŋ nyïïmän moge, jø wø many jwïëcge. Ni ö Nabukedenecörri ni 'näk geni ko opëëllö. Eni cwïnye ba dee bäädhö ki geni, ni cwïnye ba doo pädhö ki gïrge, ni yie ba dee warø ki geni.› »

Jeremaya 24:8

«'Ba a na Wuuö Jwøk, Cëdëkiya nyeny Juuda, ki jø kööre moe, ki jø Jerucalem moa no odööŋ ni kwøw yi ŋöömmi en, ki mo wø bëëdö Ijep, kwiera kwierø kaamar nyïïolämmi moi ni reyø ii, na kwier ki cam kiper mana näk mo geno kwäk.

Jeremaya 38:18

'Ba ni näk cerï ba cïpï jï jøøa kwörge døøŋŋø mo nyeny Babiløn, pääny man cïba ceŋ jø Babiløn, ni waaŋge gø, ni ïïni ki dëërï, ï ba bøth ceŋge.»

Jeremaya 38:23

«Mään moï ko obwöre moï bëët okäl wøk ni mëëgi jø Babiløn, ni ïïni ki dëërï ï ba bøth ceŋge. 'Ba ïïno mak nyeny Babilønni, ni ö päänynyi man ni waaŋe.»

Jeremaya 4:12

'ba beeye jamø mo käla baŋa mo teek mo kaala cer jamø manøgø. 'Ba ennø, aani, a caana luum ajäla manøgø jïïu.»

Jeremaya 44:30

Ka adïëri møn, a na Wuuö Jwøk, Peerø-Öpira nyeny Ijep 'cïba ceŋ nyïïmän moe, jø wø many jwïëye, kaawat mana cïba Cëdëkiya nyeny Juuda cer nyimän mare ma Nabukedenecör nyeny Babiløn, ŋata many jwïëc gø.› »

Jeremaya 49:23

'Ba man beeye luumma caan Wuuö Jwøki kiper Damacka, ena köö, ni «Jø Amath ki jø Arpat wïthge otïmö ni laay, kiper noo wïnyge waac mo reyø. Cwïnyge opädhi ni bëët cwïnyge ni ba pï piny kaamar naam mo yie da athaga.

Wëël Kïmmö 1:3

Juuda amak ki tøŋ ni bëëde ki bëëtö mo leth ki tïïc mo teek, ni bëëde yïthakic wïth juurre, ni bäŋ kany jwöm ree yie. Ena mak jøøa ŋwiec køøre bëët, kanya bëëde ni bäŋ jöö mo cøre.

Wëël Kïmmö 4:20

ŋata tïïc Wuuö Jwøki nee wïïe thïïmmi ki maaw, na bëëdö ni caala jwïëy moø, amakge ka abïëp marge, ni beeye ŋata cäänø kipere, ni «Ø doo bëëdö tïpö mare yïthakic wïth juurre.»

Edhikiel 23:24

Jøøgø ge ööa baŋï ni ge käädö ki jap leny, ki jïëth okwëënyi, ki jø møøk mo cwaga geni; geni, ge ööa baŋï kuna tukge ïïni ki deŋŋï bäre, ni ge käädö ki kööt leny mo wø gëëŋ dëël ki ge ki mo wø rïëp wïc. Aani ï cïba ceŋge niï jäälge, ni ö geni ni jäälge ïïni ki køør kööŋŋö marge.

Abakuk 1:7

Gena jiy mo di lwäärö, mo dëël kwanynyi ki geni. Ciik marge ki teek marge käla baŋge keerge.

Kwään Jiy 13:21

Køøre gena aay ni ge liewa ŋöömö, ni täkge ka dï paap Dhïn këël mana këët Reeyöp na en buut Libö-Amath.

Jøcua 13:5

ki ŋööm jø Gëbal, ki ŋööm Libaanø bäre, na en jï løø kur tuul-cäŋ, ni tägi ka Baal-Gaat na en tier Kïn Armön këël mana këët kanya cwøl ni Libö-Amath.

Jøcua 4:13

'Ba beege jiy mo jïtö ki kume ma pïëraŋween mo jïge da jap leny, na ŋut løøga kiper leny, na ci pwöl Jerikö ni ge cäädhi ka køør dwør Wuuö Jwøk.

Jøcua 5:10

'Ba kanya bëët jø Icrielli ni twïër marge ege tïïö Gëlgela, cäŋ Cäŋa Pööth Thøøe Yie awøørge pwöl Jerikö ni nïr dwääy apaar kurŋween ni piny a wïthïënhö.

Pïëmme 3:3

'Ba wïth juurre moøgø beege kwääri mo jø Pilitin moa näk abïïc ki jicge, ki jø Keenan bëët, ki jø Caydan, ki jø Ëwi moa näk bëëdö buut kïnna cwøl ni Libaanø; ni jø Ëwi moøgø poge tägi ka ri kïnna cwøl ni Baal-Armön këël mana pïïe kanya cwøl ni Libø-Amath.