Jeremaya 39:4 - Wëël Jwøk

⁴ 'Ba kanya ö Cëdëkiya nyeny Juuda ki jø leny moe na jootge jøøgø, gena put bwøk wøk yi pääny ki dï wäär, ni aacge ni ge cøra øtjöö man wø cør ya ajïniin nyeya, ni ge dønyi ka dhi kiir mana en yïthakic kiiri moa na ariiø, ni aacge ki øtjöö ni ge coonya goor Jördan ni wø cwøl na Araaba.

Jeremaya 39:4 Iomraidhean Croise

2 Luup Nyeye 32:5

'Ba Edhekaya cwïnye amaae ni teek ni cäŋ kwöra no opädhö ri kiir bäre geerrø, ni gëën bäätge ki uut koor moa näk ogeerø ni ena maal, ni gëëde ki kiir mør thuwø töök kiir, ni ö kany wø cwøl ni Milø na en yi Pääny Deebit ni mak gø ni teek, ni tïïe ki jap leny mo thööth ki kööt leny mo thööth.

Aydheea 22:11

'Ba uuna tïïö ki kany cooŋ pïï yie yïthakic kiir mana näk ogeerø na ariiø kiper pï puul mana no oruuö. 'Ba uuni u kär göök ri Jwøk na tïïc gø, ni käru göök ree, eni na caar gø dïkwøŋ kany mo bäär.

Aydheea 22:3

Cuumme moï bëët anø bwøk na aciel, ni nø mak geni ki tøŋ ni bäŋ leny. Jiy moï bëët moa joot, amak ki tøŋ ni käl geni ni geno twöö ge bëët, këël na bëëtge ni geno bwøk ni geno nø reŋ kany mo bäär.»

Aydheea 29:2

'Ba ï na Ariël, ï wëëga jwør gïï mo leth, ni wëëga ïïni kïmmö ko oduuru, ni tïmï kaamar gïn wø cïp olämme bääte mo ogääbö ki remø.

Jeremaya 32:4

Ni Cëdëkiya nyeny Juuda ba bøth ceŋ jø Babiløn, 'ba ka adïëri møn, eno cïp cer nyeny Babiløn, ni ö eni na Cëdëkiya ni cääne ki nyeny Babiløn ni ge løøŋŋa dhøkge, ni joot gø møn ni ge neeta nyeŋge.

Jeremaya 32:5

Nyeny Babiløn Cëdëkiya okïth Babiløn, ni ö Cëdëkiya ni bëëde kaace këël kanyo cøøa baŋe.› Ni cäŋï köö ni Wuuö Jwøk aköö, ni ‹U ni jø paani en, këël u doo këëdö ki jø Babiløn, leny maru ba thur kare.› »

Edhikiel 12:12

«Dïbwödhi marge jammi moe jiee göönne ki wäär ni døny wøk. Kiir di koonyø kipere ni pööth wøk ki kany mo ŋaam. Eni wïïe uume uumö nee ŋööm poge ba joode.

Edhikiel 12:4

'Käl jammi moï wøk ki dïcäŋ ni nëënö jïge kede man wø täk bööki paac; ni putï tïŋŋö ka abøøya ni nëënö jïge ni kede täga böök ni jøw reŋŋa paac mør.

Ciik Kiper Dïlämme 26:17

Aani dëëtø neenø neenø ki uuni, ni ö nyïïmän mou ni böötge uuni. Jiy moa män ki uuni, uuno bëëdö tietge, ni bëëdu nou böö ni bäŋ ŋat mo oŋwiec køøru.

Ciik Kiper Dïlämme 26:36

« ‹'Ba jiy moo dööŋ ni kwøw dëëtu, cwïnyge kïtha kïthö ki lwär yïth ŋøøp nyïïmän moge, ni dwør bøøŋ jaath mo otuk jame ge puta bwøk ki gø, ni bëëtge ni ge rïïŋö ni bäŋ ŋat mo ŋwieya køørge, keda ge ŋwieya leny, ni putge päänhnhö.

Amøc 2:14

Këël dhaanhø mo ŋwïëy ŋääe ba bøth, ni ö ŋata dëëre teek ni bänh dëëre, ni ö ŋat lenynyi ni ba piem jwïëye.

Tiet Ciik 28:25

«Wuuö Jwøk u wëëge böötö nyïm nyïïmännu. U aa wøk baŋ leny baŋge nou caatha jöö aciel; 'ba u bwøk nyïmge ni reŋu ki uutjïëthe abïriiø, ni ö wïth juurre mo bäät piny ni bwøk cwïnyge ki gïïa tägö dëëtu.