Jeremaya 39:14 - Wëël Jwøk

¹⁴ gena jäägö ki jiy ni kälge Jeremaya wøk ki yi kal mar øt jø koor. Ni cïpge gø cer Gedaliya wär Akikam o Capan, kiper nee kïth paare. Ni ö Jeremaya ni bëëde ki jiy.

Jeremaya 39:14 Iomraidhean Croise

2 Nyeye 22:12

Kanyøgønø, nyeya, Kilkiya na näk Kwääy Lam Mana Dwøŋ, ka Akikam o Capan, ki Akbör o Mikaya, ki Capan ŋat wø göör luup akwöma piny, ka Acaaya ŋat köör mare, aput köömmö ni kööe,

2 Nyeye 22:14

Kanyøgønø, Kilkiya na näk Kwääy Lam Mana Dwøŋ, ka Akikam, ki Akbör, ki Capan, ka Acaaya, gena ci ni cäänge ki nyikuŋ Jwøk ma Ulda, nyijø mo bëëdö thääŋ Jerucalem mana nyään. 'Ba Ulda beeye cï Calum o Tikwa nyikwaar Arac, ŋat wø koor abïïk lam.

2 Luup Nyeye 34:20

Kanyøgønø, nyeya, Kilkiya, ka Akikam o Capan, ka Abidön o Mikiya, ki Capan ŋat wø göör luup akwöma piny, ki dhaanh nyeya ma Acaaya, aput köömmö ni kööe,

Jeremaya 26:22

Køøre nyeya ma Jeyöakëm ajääk Ijep ki jiy, ni beege Elnathan wär Akbör ki jiy møøk.

Jeremaya 26:24

'Ba gïna tägö kiper Jeremaya, Akikam o Capan odwätö ki Jeremaya; køøre Jeremaya kär cïp ceŋ jiy nee 'näk.

Jeremaya 32:2

'Ba kar kaace beeye kanya bëët jø lenynyi mo nyeny Babiløn ni Jerucalem ege ciel dïër, ni nyikuŋ Jwøk ma Jeremaya odëët yi kal mar jø koor mana en paan dwøŋ mar nyeny Juuda.

Jeremaya 37:21

Køøre nyeya ma Cëdëkiya acïpö ki dwøl, ni ö jiyi ni kïthge Jeremaya yi kal mar øt jø koor, ni bëëtge ni ge cïpö jïre ki dääpö cooth ki yïth nïne bëët, mo käla baŋ jø wø budö ki dääpe, këël mana thum dääpe bëët dï paac. 'Ba Jeremaya aput bëëte kaace yi kal mar øt jø koor.

Jeremaya 38:13

Køøre Jeremaya atuutge wøk ki thøøli ni kälge gø wøk ki yi buur. Ni ö Jeremaya ni put bëëte yi kal mar øt jø koor.

Jeremaya 38:28

Køøre Jeremaya aput bëëte yi kal mar øt jø koor këël dïcäŋa ö Jerucalemmi na maai yie ki tøŋ.

Jeremaya 39:13

Køøre Nabucaradan kwääc jø koor, ki Nabucacban wïth jø kööre, ki Nergal-Carëcër cuumi mana dwøŋ, ki jøøa kwörge døøŋŋø bëët mo nyeny Babiløn,

Jeremaya 39:15

'Ba kanya bëët Jeremaya noo twöö yi kal mar øt jø koor, dwør Wuuö Jwøk aö bäät Jeremaya, ni kööe,

Jeremaya 40:1

'Ba dwør Wuuö Jwøk abëëdö ni ööa bäät Jeremaya kanya nø ö Nabucaradanni kwääc jø koor na nø pät Jeremaya yi paac mana cwøl ni Reema. Kiper Nabucaradan Jeremaya akäle noo twöö ki tiimme ki jiy moa näk omaaø ki tøŋ Jerucalem ki dï Juuda bäre nee kïth Babiløn.

Jeremaya 40:5

'Ba kanya poode ni Jeremaya poot kär døøk, Nabucaradan aköö, ni «Beerra man ciï baŋ Gedaliya wär Akikam nyikwaar Capan, ŋata røøny nyeny Babilønni bäät mïëri mo Juuda, ni bëëdï buute ki jiy na aciel. Wala ci kanya näk iï caarø ni beer ki jïrï ki man ciï yie.» Køøre eni na kwääc jø koor Jeremaya amooe ki caammi ki muuy, ni wec gø nee aae.

Jeremaya 40:6

Køøre Jeremaya aci Micpa baŋ Gedaliya wär Akikam, ni bëëde buute ki jiy na aciel moa näk odööŋ paac.

Jeremaya 40:7

'Ba kwääri mo jø leny mo Juuda moa reŋ paap ki jø leny moge awïnyge ni Gedaliya wär Akikam anø røøny nyeny Babilønni bäät paac, ni nø tïïc gø ni cwøw ki mään ko obwöre ena cere, ni beege jiy moa can moa näk kär kïth Babiløn.

Jeremaya 41:1

'Ba kanya tïme na dwää abïriiø, Icmiel o Nethaniya nyikwaar Elicama na käl ri jø dhi øt nyec, na näk dhaanhø aciel røk kwääc jø koor mo nyeya, aöö ki jiy apaar, ni öge Micpa baŋ Gedaliya wär Akikam. 'Ba kanya cämge na aciel Micpa,