Jeremaya 39:1 - Wëël Jwøk

¹ 'Ba man beeye jöö mana räny Jerucalemmi ki gø: Kanya tïme na ri bïŋweer cwiiri moa beet Cëdëkiya ni ena nyeny Juuda, yi dwää apaar, Nabukedenecör nyeny Babiløn ki jø leny moe bëët aöö ni cielge Jerucalem dïër.

Jeremaya 39:1 Iomraidhean Croise

2 Luup Nyeye 36:17

Kiper manøgønø, Wuuö Jwøk nyeya mar jø Kaldia ma Nabukedenecör atïŋ maal bäät jø Juuda, ni ŋøør obwöre moge moa näk wøpe ko opëëlle këël mana këët baŋ moa en yi Øt Jwøk marge na en kur keere; ni cwïnye ba pädhi kiper dhaanhø, nee ena nyilaar dïcwøø wala ena nyakøø, nee ena dhaanhø mo onø jalø wala tuu; 'ba gena cïp Wuuö Jwøki bëët cer nyeny Kaldia.

Jeremaya 32:1

'Ba dwør Wuuö Jwøk aö bäät Jeremaya ri paac cwiiri moa beet Cëdëkiya ni ena nyeny Juuda, kanya tïme na ri cwiiri apaar ka abära moa beet Nabukedenecörri ni ena nyeny Babiløn.

Jeremaya 34:1

'Ba kanya bëët Nabukedenecörri nyeny Babiløn ki jø leny moe, ki jø leny mo käla tiet akwöm mo nyeye bëët mo bäät piny, ni beege wïth juurre bëët moa näk ee dïïmö, ni ge këëdö ki Jerucalem ki mïëri moa en deŋŋe, dwør Wuuö Jwøk aö bäät Jeremaya,

Jeremaya 34:22

Ka adïëri møn, a na Wuuö Jwøk, ge köömma köömmö ni duua geni päänyi, ni këëtge ki päänyi ni macge gø ni waaŋge gø. Ni tïïa mïëri mo Juuda na kwör mo oränynyö mo bäŋ jiy mo bëëdö yïthge.»

Jeremaya 42:18

Kiper luumma caan Wuuö Jwøki, Jwø Icriel, eni na wïth jammi bëët, beeye en: Aani, räny cwïny mara ki wëër mara 'käla bäätu kanyo pïïyu Ijep, kaawat mana käla wëër mara bäät jøøa bëëdö Jerucalem; ni tïmu ni uuna gïr acïëni, ni jiy cwïnyge böö ki gïno tägi dëëtu, ni tïmu na gïr ajøøŋ na gïr abuua; ni kany ba jootu këët.

Jeremaya 52:1

'Ba Cëdëkiya kanya tïme na nyeya, cwiic dööŋö moe pïërariiø kurciel, ni bëëde ni ena nyeya ki cwiiri apaar kurciel yi Jerucalem. 'Ba nyeŋ menni beeye Amutal nyi Jeremaya nyï Libana.

Jeremaya 6:6

Kiper luumma caan Wuuö Jwøki, eni na wïth jammi bëët, beeye en, ena köö, ni «Ŋøtu jenni moa en lak Jerucalem na mo thør, ni thørru bäätge ki ŋøøm man eth bäät kiir ki gø. Pääny man beeye pääny mo di raanynyø, kiper jiy bëëdö ni di caannø dïëre bäre.

Edhikiel 33:21

'Ba kanya päŋ cwiic mäk marwa ki tøŋ na apaar kurriiø, ni nïr dwää apaar, abïïc, dhaanhø mør mo opäär wøk ki yi Jerucalem aö baŋa, ni kööe, ni «Pääny anyak!»

Edhikiel 4:3

Køøre wär määnyï ki nywïënyö mo caala dööga ni cïbï gø yïthakiyu ki pääny kaamar kiir mar nywïënyö, ni løøï nyïmï baŋe, ni cielï pääny dïër, nee put bëëte no ocielø. 'Ba manøgø otïmö ni beeye nyuudhi kiper jø dhi øt Icriel.

Edhikiel 40:1

'Ba kanya tïm cwiic mäk marwa ki tøŋ na pïërariiø ka abïïc, ni nïr dwääy apaar ri täk cwiir mana nyään, ni beeye kanya päŋ cwiic ränynyö mar Jerucalem na apaar kurŋween, dïcäŋ manøgø kiree cer Wuuö Jwøk aö bääta ni käl aani.

Edhikiel 5:2

'Ba kanyo thum nïne yie mo ciel Jerucalem dïër, dää thäk jïër wär waaŋï dï pääny. Ni lwørï dää thäk møøk ni ŋørï ge ko opëëllö deŋ pääny bäre. Ni ö thäk dääge moa no odööŋ ni kerï ge yi jamø. 'Ba aani, køørge ŋwiea ŋwieø ko opëëllö.

Dhekaraya 8:19

ni «A na Wuuö Jwøk na en wïth jammi bëët, dwøra mana caana bee en: ‹Wödö mar kwier cam man wø tïïyu ki dwää aŋween, ki dwää abïïc, ki dwää abïriiø, ki man wø tïïyu ki dwää apaar, tïmö na mar met ec ki kanynyø, na kany wøør ajwöm-cam yie kiper dhi øt Juuda. Kiper manøgønø, mëërru ka adïëri ni mëërru ki bëët-mëër.› »

Tiet Ciik 28:36

«Wuuö Jwøk uuni ki ŋato røønynyu na nyeya maru, u kïthe baŋ wï jur mo kuyu mo kuc kwäyu thuwø, ni tïnynyu juu møøk kaace, ni beege jenni ki kïte mo otieŋø.