Jeremaya 38:5 - Wëël Jwøk

⁵ Køøre nyeya ma Cëdëkiya aköö, ni «Neennu, eni ena ceŋŋu, kiper nyeya bäŋ gïn mo løny ki tïïc jïre ni näk patha mana manynyu.»

Jeremaya 38:5 Iomraidhean Croise

2 Camiel 19:22

'Ba Deebit aköö, «?Wui, wäät Dheruya, a tïïa ŋø ki uuni nø? ?Aŋø, u bëëdö kaamar nyïïmän aperŋø? Kiper u bëëdö na acaara maru ki mara patha aciel. ?Aŋø, dïcäŋi doo da dhaanhø mo di nääö dï Icriel? ?Aŋø, kuua ni aana nyeya dïcäŋi bäät jø Icriel?»

2 Camiel 3:39

'Ba aani, këël na bëëda ni aana nyeya mo wïïe othïïmmö ki maaw, dïcäŋi aana tïmö naa jääk; ni ö Jöap ka Abicay, wäät Dheruya, ni tïmge ni teeka geni ki aani. 'Ba ennø, beerra man ö Wuuö Jwøki ni cun ŋat raay ki køør raay mo wø tïïe.»

Pwöc Leec Wïc 29:25

Ki man lwäärö ki dhaanhø beeye abïëp jï dhaanhø, 'ba ŋat wø ŋääth Wuuö Jwøk bëëdö no ogwøø.

Jeremaya 26:14

'Ba ennø, a ena ceŋŋu; gïna caarru ni beer na näk beeye adïëri ki jïïu, tïïyu dëëra.

Jeremaya 37:17

'Ba nyeya ma Cëdëkiya ajääk baŋ gø ni käl gø wøk. Ni ö nyeya ni pëëny Jeremaya mëëth ki piny paare paan dwøŋ, ni kööe, ni «?Da dwøl moo öö ki baŋ Wuuö Jwøk?» Ni kö Jeremaya, ni «Dagø.» Ni ö Jeremaya ni put köö, ni «Ïïni, ï cïba cer nyeny Babiløn.»

Daniel 6:16

Kanyøgø nyeya aput cïpö ki dwøl, ni ö Danielli ni øømmi ni puti leeŋ yi buur ŋuuwe. Ni kö nyeya jï Daniel, ni «Jwøk marï ni wø tïnynyï cooth, eni ki dëëre ïïno pieme.»

Daniel 6:17

Ni ö kïdi ni puti øømmø ni dëët dhi buur ki gø, ni puti ya nyeya mwön ki ŋïï mare ki ŋïï mar jø kööre moe, nee bäŋe gïn mo wiil ree kiper Daniel.

1 Camiel 15:24

Køøre Cøøl aköö jï Camiel, ni «Aana bääyö; aani møn, dwør Wuuö Jwøk ki dwørï adhala, kiper aana lwäyö ki jiy ni tïma naa leŋa döötge.

1 Camiel 29:9

'Ba Akïc mare aløøe ni kööe jï Deebit, ni «Aani, ŋääa ni ïïna dhaanhø mo beer døc, niï neeta kaamar nyïïatwiel maal mar Jwøk; 'ba beege kwääc lwaae mo leny mo jø Pilitin na köö, ni ‹Deebit ba ci baŋ leny ki waani.›