Jeremaya 38:4 - Wëël Jwøk

⁴ Køøre jøøa kwörge døøŋŋø gena köö jï nyeya, ni «Ennø, beerra man 'näk nyenøgø, kiper eni bäätha bäät jø leny ki jiy bëët moa näk odööŋ yi pääny man ki køør luup moa care jïge. Kiper nyenøgø ba many bëënynyö mar jiy moi, 'ba eni manynya ränynyö marge.»

Jeremaya 38:4 Iomraidhean Croise

1 Nyeye 21:20

'Ba Akap aköö jï Ilaaja, «Wui, nyimän mara, aana nø jootï.» Køøre aput Ilaaja dwøgø, ni «Ïïna nø jooda møn, kiper dëërï agathï niï tïïya gïï mo nëëni ni reyø ki jï Wuuö Jwøk.

2 Luup Nyeye 24:21

Køøre gena put tudö ki luubö bäät Dhekaraya, ni këërge Dhekaraya ki kïte ki køør dwør nyeya, ni putge gø 'näk yi kal mar Øt Wuuö Jwøk.

Edhera 4:12

«Ennø, beerra man ŋäyï gø, ï na nyeya, ni jø Juuth moa öö ki baŋï kunögø gena ö baŋwa Jerucalem; ni ennø, ge cäŋa Jerucalem geerrø, päänya raac ni wø gëëmö. Ge cäŋa kiir mar gø geerrø ennø, ni ge laya gø nee thume.

Neemiya 6:9

'Ba jøøgø bëët ge päära waani nee wa lwäcwa, ni ge cäänö ki cwïnyge, ni «Geni, ceŋge boo nilwak ri tïïc cøøn nee tïïc ba thume.» 'Ba aana lämö ni kööa, ni «Wui Jwøk, wëëk bääta tëënnö.»

Bwøth Wøk 5:4

'Ba nyeny Ijep aköö jïge, ni «Nyie Modhe ka Aran, ?aperŋø na mänu jiy ki man tïïcge tïïe moge? Cou døøu baŋ tïïe mou.»

Jeremaya 11:21

Kiper manøgønø, Wuuö Jwøk mare aŋøle kiper jø Anathöth, jøøa many man 'näkge aani, na köö, ni «Kär luum Wuuö Jwøk køpï, niï ba 'näkwa.»

Jeremaya 18:23

'Ba ï na Wuuö Jwøk, gïï mo pïï ri thøø na tut jøøgø kipera bëët ŋäyï. Kär bääyö marge uumï, ni ba gööbï raay moge wøk nyïmï. 'Ba beerra man ränyge nyïmï, ni kanyo kööï niï wëër yie, wärï tïïï ki gïn mo leth dëëtge!

Jeremaya 26:11

Ni ö dïlämme ki nyïïkuk Jwøk ni köge jï jøøa kwörge døøŋŋø ki jiy bëët, ni «Nyeni en, mare ŋøl yi thøø, kiper gïï mo reyø akøbe dëër pääny man, kaawat mana wïnynyu gø ki ïthu.»

Jeremaya 29:7

Ni bëëdu nou manynya bëët-mëër yi pääny mana riema u yie nou mak ki tøŋ; ni lämu jï Wuuö Jwøk kiper bëët päänyögø, kiper bëët-mëër mano en yie oen jïïu thuwø.»

Jeremaya 38:16

'Ba nyeya ma Cëdëkiya akööŋ mëëth ki piny jï Jeremaya, ni kööe, ni «Ŋëët Wuuö Jwøk, Jwøa kwøw, eni na cïp jwïëy moø, ï ba nääa, niï ba cïba ceŋ jøøi ni many jwïëy moï ii.»

Jeremaya 38:25

'Ba ni näk mo wïny jøøa kwörge døøŋŋø wïnynyö ni aano cäänö ki ïïni, ni öge baŋï ni köge, ni ‹Gïna caanï jï nyeya ki gïna caan nyeya jïrï caanï jïwa; kär dee gïn mooŋï ki waani, niï ba 'näkwa,›

Jeremaya 43:3

'Ba Baruk o Neriya yiï acoone kiper nee wa cïbï ceŋ jø Babiløn nee wa 'näkge ni makge wa ki tøŋ ni kïthge waani Babiløn.»

Edhikiel 22:27

Kwääri moe moa en yie, ge bëëdö kaamar orude mo ge baga lääy, ki køør mana bëëtge ni rem jiy kønyge piny, ni jwïëc jiy raanyge raanynyø kiper joot jammi ki jöör møt.

Amøc 7:10

Køøre Amaciya, eni na kwääc lam mar Bëthël, ajääk baŋ nyeny Icriel ma Jeröbäm, ni kööe, ni «Amøc manynya man tïïe ka ageem dëërï dï pou ma Icriel, ni luupa care bëët caala baa mo peek bäät paac.

Luk 23:2

Ni täkge ki man kïthge bääte ki luup, ni köge, ni «Nyeni en ajootwa ni manynya man wëëk powa ageem ka akwöma, ni män wa ki cïp ajwäk jï Cidhar, ni kööe ni eni ki dëëre beeye Krictø, ni ena nyeya.»

Moa Tïïc Nyïïatwieli 16:20

'Ba na nø kälge geni nyïm kwääri, gena köö, ni «Jøøi ii beege jø Juuth na öö ni ge raanynya pøø en.

Moa Tïïc Nyïïatwieli 17:6

'Ba na kärge geni joodø, Jeecan ki nyïïmëëe møøk apeege nyïm kwääy pääny, ni ge rëëdö, ni ge köö, ni «Jøøi ii na jal piny gena ö kany en thuwø,

Moa Tïïc Nyïïatwieli 24:5

Kiper nyeni en, ajootwa ni ena dhaanhø mo raac, ni cøønna yïth jø Juuth yi piny bäre, ni ena bwödhi mar lwaa Nadharin ni wø lämö ki teeŋ lam mør.

Moa Tïïc Nyïïatwieli 28:22

'Ba ennø, wa manynya man wïnywa mano caanï. 'Ba luum jöör lam manøgø, ŋäcwa ni piny bäre wø cara gïï mo reyø kipere.»