Jeremaya 38:22 - Wëël Jwøk

²² Ka adïëri møn, mään bëët moa näk odööŋ paan dwøŋ mar nyeny Juuda okäl wøk ni kïthi baŋ jøøa kwörge døøŋŋø mo nyeny Babiløn. Ni ö määnni moøgø ni cäänge ni köge, «ni ‹Nyïïawäätï moa näk iï ŋäädhö ïïna cøøkge ni böötge ïïni ki luubö; 'ba ennø, kanya tïme ni tietï omwøny onøti, ïïna wecge.›

Jeremaya 38:22 Iomraidhean Croise

Jööp 6:15

'Ba u na nyïïawäädi 'moa, aana cøøgu kaamar nyeŋ näm mo cøøga jiy, mo kany wø manynyi nee öömmö yïthge ki pïï, ge di cwänö no otal.

Aydheea 42:17

'Ba jø wø ŋääth juu mo wø tïïc ki ceŋ, ni wø köö jï kït gïï wø lam, ni ‹Uuna juu mowa,› ge dwøga ŋäthge ki lään wïc mo dwøŋ.»

Jeremaya 13:21

?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 27:14

Kär luup nyïïkuk Jwøk mo wø køp luup ki wïthge wïnynyu, jø wø cäänö ki uuni, ni ‹Käru bëëdö na laaŋe mo nyeny Babiløn,› kiper ge køpa luup tööt jïïu.

Jeremaya 27:15

A na Wuuö Jwøk, ge kära jääŋŋö, 'ba luup tööt køpge ka nyeŋŋa; 'ba ki køør luupögø, u riema wøk, ni thøwu ki nyïïkuk Jwøk bëët mo wø køp luup jïïu.»

Jeremaya 38:19

Køøre nyeya ma Cëdëkiya aköö jï Jeremaya, na «A lwäär ki jø Juuth moa näk ceŋge ege cïbö jï jø Babiløn, kiper kanymør jø Babiløn a 'cïpge ceŋ jøøgø, ni caarge aani.»

Jeremaya 38:21

'Ba ni näk mo ï poot bëëdö niï kweeyø ki man cïpï cerï, luubö mana nyooth Wuuö Jwøki jïra beeye en:

Jeremaya 41:10

Køøre Icmiel jiy bëët moa näk odööŋ Micpa amaae ki tøŋ, ni beege nyïï nyeya ki jiy møga bëët moa en Micpa, na cïp Nabucaradanni kwääc jø koor cer Gedaliya wär Akikam. Icmiel o Nethaniya jøøgø 'akäle ki tøŋ, ni tïŋŋe kiper nee ŋut po jø Amön.

Jeremaya 43:6

ni beege cwøw, ki mään, ko obwöre, ki nyïï nyeya, ki jiy bëët moa wii Nabucaradanni kwääc jø koor cer Gedaliya wär Akikam o Capan, ni kälge nyikuŋ Jwøk ma Jeremaya ki Baruk o Neriya thuwø.

Jeremaya 46:21

Ni ö jø lenynyi mo wø cun jø Ijepi ki gwel nee këëtge kiperge, na caal nyïïrwädhe mo pulli, ni løkge rege ni reŋge na aciel, ni geni ba cuŋŋi karge. Kiper cäŋ gïï mo leth opïï bäätge, ni beeye cäŋ ajäla mana wäŋŋi kiperge.

Jeremaya 46:5

«?Aŋø, agïnaŋø na tägö ni nëëni jïra enø? Jø Ijep, dëëtge atïmö ni kwanynyi ki lwär, ni døøge ŋäthge. Otëëe mo leny moge abööti, ni bwøkge ni reŋge; ni bäŋ ŋat mo olwïthö ŋääe, ni ö lwärri mo dwøŋ ni pääŋ piny bäre.» Luummögø caana Wuuö Jwøki.

Jeremaya 6:12

Uudi moge ki pwöth moge ki mään moge omëëk jø møøk, ni manøgø beeye ajäla mano käla bäätge ni wø bëëdö yi ŋöömmi en. Luummögø caana aani, a na Wuuö Jwøk.

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Wëël Kïmmö 1:13

«Eni maac ajääŋŋe ki maal, ni jääŋ gø yïth cuu 'moa. Eni thøøl aciie kwör tieta, ni tïïc aani naa duua ŋääa, ni tïïc aani naa ränynya, naa tuu ki yïth nïne bëët.

Wëël Kïmmö 1:2

Eni jwöŋi ni keeya yie ki wäär cooth, ni bëët pï nyeŋŋe ni muulö ki pïte. Eni bäŋ cøm cwïny mo joode baŋ mïëri moa mëëre ki ge, ena nøøn mïëri bëët moa näk ee døøc nyïïawääte, ni tïmge na nyïïmän moe.

Wëël Kïmmö 5:11

Mään moa en yi Dhayan, ki nyïïakuue moa näk dëët cwøw poot kucge na en yïth päänye mo Juuda, gena gøyi ki piny.

Mikiya 7:5

Uuni, bëëdu ni bäŋ ŋat mo ŋääth ŋat atut mare, ni bäŋe ŋat mo ŋääth watge. Këël cïïï man wø bëëdï ki gø kiree, bëëdï ni dhiï iï gwøø ki eni.