Jeremaya 38:19 - Wëël Jwøk

¹⁹ Køøre nyeya ma Cëdëkiya aköö jï Jeremaya, na «A lwäär ki jø Juuth moa näk ceŋge ege cïbö jï jø Babiløn, kiper kanymør jø Babiløn a 'cïpge ceŋ jøøgø, ni caarge aani.»

Jeremaya 38:19 Iomraidhean Croise

2 Luup Nyeye 30:10

'Ba jøøa jääŋŋi ni wø rwäänhnhi gena ci pääny man nø ki man nø po jø tuuŋ Ipariem, ki jø tuuŋ Maneeca, këël mana pïïcge po jø tuuŋ Dhebulan. 'Ba wïth tuŋi moøgø gena ŋeethø bäätge ni buuge geni.

Neemiya 4:1

'Ba kanya ö Cenbalati na wïny gø 'ni wa gëëdö ki kiir, ena put gootø ni wëëre døc ni jøøŋ jø Juuth.

Jööp 31:34

kiper mana lwäära ki jiy døc, ni aano bwøk ka ataa mar tuuŋa, ni puta bëëtö en ni aano nikïïl naa ba døny wøk?

Pwöc Leec Wïc 29:25

Ki man lwäärö ki dhaanhø beeye abïëp jï dhaanhø, 'ba ŋat wø ŋääth Wuuö Jwøk bëëdö no ogwøø.

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Jeremaya 20:7

Wui Wuuö Jwøk, aana cøøgï, aana cøøgï møn. Aana magï ki teek, ni böötï aani. 'Ba ennø, aana tïmö ni jøw ŋeethø bääta ki yïth cääŋŋe bëët, ni jiy bëët buua aani.

Jeremaya 38:22

Ka adïëri møn, mään bëët moa näk odööŋ paan dwøŋ mar nyeny Juuda okäl wøk ni kïthi baŋ jøøa kwörge døøŋŋø mo nyeny Babiløn. Ni ö määnni moøgø ni cäänge ni köge, «ni ‹Nyïïawäätï moa näk iï ŋäädhö ïïna cøøkge ni böötge ïïni ki luubö; 'ba ennø, kanya tïme ni tietï omwøny onøti, ïïna wecge.›

Jeremaya 38:5

Køøre nyeya ma Cëdëkiya aköö, ni «Neennu, eni ena ceŋŋu, kiper nyeya bäŋ gïn mo løny ki tïïc jïre ni näk patha mana manynyu.»

Jeremaya 39:9

Ni ö Nabucaradanni kwääc jø koor ni käl jiy moa dööŋ dï pääny, ki jiy moa cïp ceŋge jïre, ki jiy møga moa dööŋ, ni kïth geni Babiløn ni maae ka tøŋ.

Jøøn 12:42

'Ba këël dïbwöthe mo thööth ojïëy ki eni ni ŋääthge gøøni, 'ba kiper mana lwäärge ki jø Paricith, marge kärge caanø, kiper nee ge ba riem wøk øt acooŋ lam.

Pïëmme 16:25

'Ba kanya ö jøøgø na tïm yïthge ni met, gena köö, ni «Camcøn cwøl nee ööe, nee kwääge ni døøc yïthø mo met.» Kanyøgønø, Camcøn aputge cwøl kanya en yie øt twöc, ni ö Camcønni ni put kwääk nyïmge kaagø. Køøre ena tïïcge nee cuŋŋe yïthakic were.

Pïëmme 9:54

'Ba Abimëlëk, ŋat tïïc mare man wø käär jap leny alaar cwøl ni kööe jïgø, ni «Wöth opëëllö marï wøk ni 'nägï aani, nee ba køp, ni ‹Ena 'näk dhaagø jaak.› » Ni ö nyenøgø ni put Abimëlëk cwøp ni put Abimëlëki thøø.

1 Camiel 15:24

Køøre Cøøl aköö jï Camiel, ni «Aana bääyö; aani møn, dwør Wuuö Jwøk ki dwørï adhala, kiper aana lwäyö ki jiy ni tïma naa leŋa döötge.

1 Camiel 31:4

Kanyøgønø, Cøøl aköö jï ŋat wø käär jap leny jïre, ni «Wöth opëëllö marï wøk ni cwøpï aani ki gø, nee jøøi ni kär daŋø ii nee ba tïme naa cööba geni, naa ba caarge.» 'Ba ŋata käär jap leny jïre akweer ki man 'näk gø, kiper ena lwäyö døc. Køøre Cøøl opëëllö mare aput lwør ni put dëëre cwøp ki gø.