Jeremaya 38:17 - Wëël Jwøk

¹⁷ Køøre Jeremaya aköö jï Cëdëkiya, ni «Luumma caan Wuuö Jwøki, Jwø Icriel, eni na wïth jammi bëët, beeye en: Ni näk cerï cïpï cïbö møn jï jøøa kwörge døøŋŋø mo nyeny Babiløn, ï bëëdö niï kwøw, ni pääny man ba waaŋ, ni ö ïïni ki jø paarï ni bëëdu nou kwøw.

Jeremaya 38:17 Iomraidhean Croise

Wïlöölö 12:13

Beerra man kööï ni ïïna coka, kiper nee bäŋe gïn mo tägi dëëra, naa kwøa ki køørï.»

2 Nyeye 24:12

Ni ö Jöakin nyeny Juuda ni cïp cere jï nyeny Babiløn, eni ki menni, ki jø kööre moe, ki kwääc jø leny moe, ki jiy moe moa kwörge døøŋŋø, ni puti ya nyeny Babiløn mak ki tøŋ ri bäc cwiiri moa beet nyeny Babiløn ni ena nyeya.

2 Nyeye 25:27

'Ba kanya tïm cwiiri na pïëradäk ka abïriiø moa mak Jöakin nyeny Juuda ki tøŋ yie na kïthi Babiløn, kanya tïm nïr dwää apaar kurriiø ni pïërariiø ka abïriiø, Ëwil-Merödak nyeny Babiløn Jöakin nyeny Juuda apäde. 'Ba gïnögø atïïe yi cwiina tïme yie ni ena nyeya.

1 Luup Nyeye 17:24

'Ba nyeŋŋï obëëdö ni dwøŋ no okëët piny ni teek na bäre bäre, ni kö jiyi, ni ‹Wuuö Jwøk, eni na wïth jammi bëët, beeye Jwøka eni mar jø Icriel, ni beeye Jwø Icriel møn.› 'Ba a na dhaanhnhï ma Deebit en, put dhi øtø mara tïïc ni teek nyïmï.

Edhera 9:4

'Ba aana bëëdö ni aano pï piny ni yia othäŋŋö këël kanya tïme na kany wø cïp olämi mar abøøya yie. Ni ö jiyi møøk ni cooŋge rege buuta, ni beege jøøa dëëtge tïmö ni kwanynyi ki luubö mana caan Jwøki marwa, eni na Jwø Icriel, kanya jootge gïna raac na tïïc nyïïkwaac jøøa mak ki tøŋ na kwøŋ duuö.

Jööp 23:13

«'Ba Jwøk bee eni keere, ?aŋa ni løny jïre ki man mak gø ki teek ki man wiil acaara mare? 'Ba eni tïïya man wø manynye keere.

Jeremaya 27:12

'Ba teeŋ luupögø bëët acaana jï Cëdëkiya nyeny Juuda, ni kööa, ni «Jïëyu ki man bëëdu tier teek mar nyeny Babiløn na caal jaath puur man wø twöö ŋut rwaath, ni bëëdu ni uuna laaŋe moe ki jiye; køøre u bëëdö nou kwøw.

Jeremaya 27:17

Kär luupge wïnynyu, 'ba bëëdu nou tïnynya nyeny Babiløn, køøre u bëëdu nou kwøw. ?Aperŋø no ö päänyi man no wëëgi ränynyö en?›

Jeremaya 27:8

« ‹'Ba ni näk mo da wï jur wala akwöm nyeya mo kweer ki man bëëde ni ena laŋŋø mar Nabukedenecör nyeny Babiløn, ni ba jïëy ki man bëëde tier teek mare na caal jaath puur man wø twöö ŋut rwaath, a na Wuuö Jwøk, wï jur manøce jääla jäälö, ni thøwge ko opëëllö ki käc ki täw mo leth, këël mano thööra geni ki cere.

Jeremaya 38:2

ni «Luumma caan Wuuö Jwøki beeye en: Ŋato bëëdö yi pääny man thøw ki käc ki täw mo leth, ni nääi ko opëëllö, 'ba ŋato aa wøk ni cïp cere jï jø Babiløn, eni kwøw; ni bøth jwïëyi moe, ni bëëde ni kwøw.

Jeremaya 39:3

Ni ö jøøa kwörge døøŋŋø bëët mo nyeny Babiløn ni öge ni pïge piny dhi kiir man wø cwøl ni Dhi Kiir Dïër, ni beege Nergal-Carëcër, ki Camgar-Nebø, ki Car-Cekim wïth jø kööre, ki Nergal-Carëcër cuumi mana dwøŋ, ki jøøa kwörge døøŋŋø møga bëët mo nyeny Babiløn.

Jeremaya 40:9

Køøre Gedaliya wär Akikam o Capan akööŋ jï jøøgø ki jø leny moge, ni kööe, ni «Käru lwäyö ki man tïnynyu jø Babiløn. 'Ba bëëdu yi ŋöömö man, ni tïnynyu nyeny Babiløn; køøre bëëtö maru tïmö ni beer.

Jeremaya 44:7

«'Ba ennø, luumma caan Wuuö Jwøki, Jwø Icriel, eni na wïth jammi bëët, beeye en: ?Aŋø, aperŋø nø ni tïïyu gïn ni raac en, nou käla gïn mo leth bäätu keeru, nou thööra cwøw Juuda, ki mään, ko obwöre, ki moa en kööthi, ni tïme ni bäŋ dhaanhø mo weyu mo dööŋ dïïu en?

Edhikiel 8:4

'Ba ka adïëri møn, ajiem Jwø Icriel aputa joot nyïma kaace, ni beeye teeŋ ajiem mo caala mana kwøŋ nyooth jïra bäät naam Kebar.

Amøc 5:27

Kiper manøgø nø, u wëëga mak ki tøŋ ni kïth uuni ŋää Damacka.» Luummögø caana Wuuö Jwøki, eni na wïth jammi bëët.