Jeremaya 38:16 - Wëël Jwøk

¹⁶ 'Ba nyeya ma Cëdëkiya akööŋ mëëth ki piny jï Jeremaya, ni kööe, ni «Ŋëët Wuuö Jwøk, Jwøa kwøw, eni na cïp jwïëy moø, ï ba nääa, niï ba cïba ceŋ jøøi ni many jwïëy moï ii.»

Jeremaya 38:16 Iomraidhean Croise

Luup Dïpööy 12:7

Køøre nø, tør døøa yïth ŋøøm na käl yi gø, ni ö jwïëyi ni døø baŋ Jwøk na cïp gø.

Aydheea 42:5

Wuuö Jwøk, eni na cwääc maal ni ee peerø, na cwääc piny ki japa no otuy na en yie, eni na tïïc jiy nee bëëtge ni ge jwïëy bäät piny, na cïp kwøw jï jiy mo wø cäädhi bäät piny, ena köö,

Aydheea 57:16

Kiper a ba bëëdö naa jälla geni cooth, naa ba gooti ki geni cooth; kiper noo nøøya ge, jwïëcge ränynyö nyïma, ni beege jwïëy moa cïba jïge, ge na cwääa.

Jeremaya 34:20

Aani, ge 'cïba ceŋ nyïïmän moge, jø wø many jwïëcge. Ni tïm rïŋ dëëtge na cam jï wec maal ki lääc paap.

Jeremaya 37:17

'Ba nyeya ma Cëdëkiya ajääk baŋ gø ni käl gø wøk. Ni ö nyeya ni pëëny Jeremaya mëëth ki piny paare paan dwøŋ, ni kööe, ni «?Da dwøl moo öö ki baŋ Wuuö Jwøk?» Ni kö Jeremaya, ni «Dagø.» Ni ö Jeremaya ni put köö, ni «Ïïni, ï cïba cer nyeny Babiløn.»

Dhekaraya 12:1

'Ba man beeye luum Wuuö Jwøk na caal tëër na caane kiper jø Icriel. Wuuö Jwøk, eni na peer maal, na këël tier piny piny, na kïth jwïëy mo dhaanhø dëër gø, dwøre mana caane bee en, ena köö,

Kwään Jiy 16:22

'Ba Modhe ka Aran rege agøøge piny, ni köge, ni «Wui Jwøk, ïïni na Jwø jwïëy mo jiy bëët, ?aŋø, ni näk mo bääya dhaanhø aciel, ï doo wëër ki lwaak bäre?»

Kwään Jiy 27:16

ni «Ï na Wuuö Jwøk, na näk Jwø jwïëy mo jiy bëët, ï doo jëëtö ki dhaanhø mo käär lwaak man,

Jøøn 3:2

Ŋatøgø aö baŋ Jecu ki wäär ni kööe jïre, ni «Dïpööy, ŋäcwa ni ïïna dïpööy mo käla baŋ Jwøk, kiper bäŋ dhaanhø mo doo maara tïïö ki ŋïïce moøgø ni wø tïïyï yøø, ni näk Jwøk tøør buute.»

Moa Tïïc Nyïïatwieli 17:25

Ni eni ba tïny jiyi ki ceŋge, kee da gïn manynye, kiper bee eni ki dëëre ni wø cïp kwøw jï jiy bëët, ki jwïëy, ki jammi bëët.

Moa Tïïc Nyïïatwieli 17:28

Kiper « ‹beeye eni ni kwøø kipere en, ni cäädhø, ni nudø en,› kaawat mana caani ya lööŋe møøk dïïu, «ni ‹Øøna nyïïe møn.›

Ibaru 12:9

'Ba jïïø da wëëe piny thuwø mo wø pwönynya øøni, ni wøørø geni. ?Aŋø nø, ni ba jïëø ki Wää jwïëy 'moø ni kwøø?