Jeremaya 37:7 - Wëël Jwøk

⁷ ni «Luumma caan Wuuö Jwøki, Jwø Icriel, beeye en: Wär caannu jï nyeny Juuda, ŋata jääŋ uuni baŋa naa pëënynye, ni kööu jïre, ni ‹Neenï, jø leny mo Peerø moa nø tïŋŋö, ni ge ööa kuna kønyge ïïni, ge døøa poge Ijep.

Jeremaya 37:7 Iomraidhean Croise

2 Nyeye 22:18

'Ba wär caannu jï nyeny Juuda na jääŋ uuni kuna pëënynyu Wuuö Jwøk, ni man beeye mana caan Wuuö Jwøki, Jwø Icriel, kiper luupa wïnynyï, ena köö,

2 Nyeye 24:7

'Ba nyeny Ijep kär cäŋ määnynyö wøk këët ki yïth ŋøøpe, kiper nyeny Babiløn ŋøøm moa no omak nyeny Ijep bëët ee nø mak, ki mana täge ki bäät waŋ Naam Ijep këël mana këët bäät Naam Upareeti.

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Aydheea 30:7

kiper køny mar Ijep bäŋ tiere. Kiper manøgønø, ena cwøla ni «Reeyap na näk bäŋ gïn mo løny ki tïïc jïre.»

Aydheea 36:6

Ka adïëri møn, ïïni, ï ŋäätha Ijep ni wø bëëdö kaamar abaarø ni wø laar toor ni cwøp cer dhaanhø kany wø näk mo dhaanhø kwömö ki gø. 'Ba Peerø nyeny Ijep caala abaarø manøgø ki jï jø wø ŋääth gø bëët.

Jeremaya 2:18

?'Ba ennø, ciin Ijep agïnaŋø noo duue dëërï, per niï mädhï ki pï naama pïïe cøl? ?A ciin Aciria agïnaŋø noo duue dëërï, per niï mädhï ki pï Naam Upareeti?

Jeremaya 2:36

?Aŋø ni wïïrï yïthakic jiy en, ni wellï uutjïëthe moï en? Wïïï olää jø Ijepi, kaawat mana ö jø Aciria na lääge wïïï.

Jeremaya 2:37

Ïïno ö wøk ki Ijep ni ceŋŋï ii kwaa wïïï; kiper Wuuö Jwøk jøøa ŋääthï anø kwiere, niï ba jïti ki bëëtö mo beer baŋge këët.»

Jeremaya 21:1

'Ba dwør Wuuö Jwøk aö bäät Jeremaya, kanya ö nyeya ma Cëdëkiya na jääŋ Pacuur o Malkiya ki dïlämi ma Jepaniya o Maycëya baŋe. Ni köge jïre,

Jeremaya 21:2

ni «Beerra man pëënynyï Wuuö Jwøk kiperwa, kiper Nabukedenecör nyeny Babiløn amäänynyö baŋwa. Kanymør Wuuö Jwøk ø pieme piemø ki køør tïïe moe na näk rëëma ec, kiper nee nyïïmän døøge ŋäthge.»

Jeremaya 37:3

'Ba eni na nyeya ma Cëdëkiya, Jïyukal o Celemiya ki dïlämi ma Jepaniya o Maycëya ajääŋŋe baŋ nyikuŋ Jwøk ma Jeremaya, ni kööe, ni «Beerra man lämï jï Wuuö Jwøk, Jwøk marø, kiperwa.»

Jeremaya 37:5

Ni jø leny mo Peerø nyeny Ijep onø tïŋŋö Ijep; 'ba kanya ö jø Babilønni moa näk Jerucalem ege ciel dïër na wïnyge luum ööny jø Ijep, Jerucalem aputge wec.

Jeremaya 37:6

Køøre dwør Wuuö Jwøk aö bäät nyikuŋ Jwøk ma Jeremaya ni kööe,

Wëël Kïmmö 1:7

Jerucalem yïth nïr beede na nïr caarø ii ki nïr thääyö wïïe di parø ki bëëtö mare na beer na beede yïth nïra dïkwøŋ. Kanya päth jiye cer nyimän, bäŋ ŋat mo køny eni. Ena raŋ nyïïmänni moe, ni ŋeethge ki gïr ränynyö mare.

Wëël Kïmmö 4:17

'Ba øøni nyeŋŋø aööl ki raŋ, ni ø raŋŋa køny mo ba tägi. Ni koor mana kurø ki gø, ø koora jiy mo ø ba kønyge.

Edhikiel 17:17

'Ba Peerø ki jø leny moe na thööth na teek døc ki lwaae moe, ŋatøgø ba cwakge ri leny, këël na bëëtge ni ge thøra ŋøøm ni ge tïïö ki gïï wø cielge kiir ki ge, nee jiy mo thööth 'näkge.

Edhikiel 29:16

Ijep ba tïmö këët na kany ŋääth jø Icrielli, 'ba jø Icriel wïthge oparge ki bääyö marge mana wara ŋääthge Ijep. Ni putge gø ŋäc ni bee aani na Kwäärö Wuuö Jwøk.› »

Edhikiel 30:22

Kiper manøgønø, man beeye luumma caana, a na Kwäärö Wuuö Jwøk, aana köö, ni ‹Aani, Peerø nyeny Ijep, a ööa maal bääte. Aani, teek bäädi moe bëët raanynya raanynyø, ni beeye mana kwøŋa raanynyø ki mana no odööŋ ni poot teek. Ni ö opëëllö ni wëëga gø päth piny cere.