Jeremaya 37:18 - Wëël Jwøk

¹⁸ Ni ö Jeremaya ni pëëny nyeya ma Cëdëkiya, na «?Agïnaŋø ni raac ni yaa tïïö dëërï en, ki dëët jø kööre moï, ki dëët jøøi ii, na kïthu aani øt twöc kipere en?

Jeremaya 37:18 Iomraidhean Croise

Wïlöölö 31:36

Køøre Jeekap awëër døc ni jääl Leeban; ni ö Jeekapi ni dwøk gø, ni kööe jï Leeban, na «?Agïnaŋø na baaa? ?Gïna raac na tïïa, agïnaŋø, na rïŋŋï køøra ki teeŋ öönynyögø enø?

Pwöc Leec Wïc 17:13

Ŋat wø duu gïn mo raac na kar gïna beer, gïn mo raac ba doo aay paare.

Pwöc Leec Wïc 17:26

Cam jammi jaak bäät ŋat mo mare beer paa gïn mo beer, ni pwöt dhaanhø mo kare dwøŋ kiper bëëtö mare na thïïŋ poot paa gïn mo beer.

Jeremaya 26:19

?Aŋø, Edhekaya nyeny Juuda ki jø Juuda bëët Mikiya anäkge na bëëde? ?Aŋø, Edhekaya kär lwäyö ki Wuuö Jwøk, ni bëëde ni kwaaya Wuuö Jwøk, ni ö Wuuö Jwøki ni dwøk cwïnye piny ki man ba tïïc gïna leth na caane ni dee tïïö dëëtge? 'Ba ennø, ø käla gïn mo raac døc bäätø.»

Daniel 6:22

Jwøk mara nyïïatwiel maal mare ajääŋŋe ni mec dhøk ŋuuwe, ni kärge dëëra mooø ki ŋwellø, kiper aana joot ni bäŋ gïn mo yaa baaø nyïme, ni bäŋ gïn mo raac mo yaa tïïö dëërï thuwø, ï na nyeya.»

Jøøn 10:32

Ni løgi ya Jecu jïge, «Aani tïïe mo thööth mo beyø mo käla baŋ Wära, anyoodha jïïu. ?A manaŋø nø dëëtge noo këëru aani kipere?»

Moa Tïïc Nyïïatwieli 23:1

'Ba Pøøl nyeŋ kwääc løøe aneene ni ee kemø, ni kööe, ni «Nyïïmera, aana bëëdö nyïm Jwøk ki cwïny mo leer bäre këël dïcäŋi en.»

Moa Tïïc Nyïïatwieli 24:16

Kiper manøgønø, raa yaa gwøø cooth ki man bëëda ni cwïnya tar nyïm Jwøk ki nyïm jiy.

Moa Tïïc Nyïïatwieli 25:11

Kiper manøgønø, ni näk mo aana dhaanhø mo raac, ni da gïn mo raac mo yaa tïïö maa doo thøw kipere, a ba doo kweer ki thøø. 'Ba ni näk luupa kïth jø Juuthi bääta bäŋ tietge, doo bäŋ ŋat mo cïp aani ceŋge. Aani, mara ocaana nyïm Cidhar.»

Moa Tïïc Nyïïatwieli 25:25

'Ba bäŋ gïn mo yaa joodø mo ee tïïö mo doo rømø ki thøø. 'Ba na kööe ni eni cøøa nyïm nyeya mana dwøŋ, aana jïëy ni eni jääŋŋa jääŋŋö.

Moa Tïïc Nyïïatwieli 25:8

'Ba Pøøl mare aläw caan ni kööe, ni «Aani bäŋ gïn mo yaa baa bäre bäre dëër ciik Jwøk mar jø Juuth, wala dëër Øt Jwøk Mana Dwøŋ, wala dëër Cidhar.»

Moa Tïïc Nyïïatwieli 26:31

'Ba na nø aage wøk, gena cäänö keerge, ni «Nyenøgø bäŋ gïn mo ee tïïö mo doo rømø ki thøø, wala tööc.»

Galeecia 4:16

?Aŋø, kawaane, aana tïmö na nyimän maru kiper na caana mana näk adïëri jïïu?