Jeremaya 37:10 - Wëël Jwøk

¹⁰ Këël doo naa jø leny bëët mo jø Babiløn moa këëdö ki uuni you böötö, ni tïme ni dööŋŋa jiy moa näk dëëtge da ŋwiili keerge, ŋati man nø dïge doo ööa wøk ki yo oduŋkaara mare ni öge maal ni waaŋge paac man.› »

Jeremaya 37:10 Iomraidhean Croise

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 13:15

ŋato joot jaak put ka cwøp ki tøŋ, ni ö ŋato mak ni nääi ko opëëllö.

Aydheea 14:19

'Ba ïïni, ïïno nø lëëŋ wøk ki yi bwörö marï kaamar bat jaath mo owetø; niï rëëbö ka jiy moa no othøø, na 'näk ko opëëllö, jøøa no onø ci piny tier buur kuya yïth kïte, kaamar dëër dhaanhø mo othøw mo onyørø.

Aydheea 30:17

Jiy ma kuma dëëtu, oriem dhaanhe acielli keere, ni rïïŋu nou ŋwieya jiy abïïc keerge, këël mano noubay bäät kïte, ni tïmu kaamar jaath mo bäär mo ocwöth wï kïdi, nou caala gïn ma ŋïï mo ena bäät thuur.»

Jeremaya 21:10

Kiper a na Wuuö Jwøk, wïïa yaa nø këël ri päänyi ki man tïïa ki gïn mo leth dëëre, ni patha gïn mo beer. Päänyi en 'cïba cer nyeny Babiløn, ni ö eni ni waaŋ gø.›

Jeremaya 32:29

Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Jeremaya 37:11

'Ba gïna tägö, kanya ö jø lenynyi mo jø Babiløn na wecge Jerucalem, na näk ege ciel dïër, kiper ööny jø leny mo Peerø,

Jeremaya 37:8

Ni ö jø Babilønni ni cäŋge duuö ni këëtge ki pääny man, ni makge gø ni waaŋge gø.›

Jeremaya 49:20

Kiper manøgønø, wïnynyu gïno tïïc Wuuö Jwøki, ni beeye acaara mare kiper gïno tïïe dëët jø wø bëëdö Tëman ki dï Ëdöm bäre: Ka adïëri møn, obwöre moa therø na en dïge otuut wøk, ni tïm cwïny jiy ni böö ki gïno tägi dëëtge.

Jeremaya 50:45

Kiper manøgønø, wïnynyu gïno tïïc Wuuö Jwøki, ni beeye acaara mare kiper gïno tïïe dëët jø Babiløn, yi ŋööm Kaldia bäre. Ka adïëri møn, obwöre moa therø na en dïge otuut wøk, ni tïm cwïny jiy ni böö ki gïno tägi dëëtge.

Jeremaya 51:4

Geno nääŋŋi ni päänhge yi ŋööm Kaldia, ni cööp geni ki tøøŋi dï uutjïëthe moe.

Wëël Kïmmö 1:15

«Kwäärö Wuuö Jwøk, jø leny moa teek yi paac man akwiere; ni cwøl jø leny møøk kipera, nee jø leny 'moa moa dëëtge teek nyathge. Kwäärö Wuuö Jwøk jø Juuda atïïe nee cwöth kaawat man wø cwöth nyïïomøki kar biic.

Jool 2:11

Wuuö Jwøk dwøre omäri nyïm bäänyö na caal jø leny moe; ka adïëri møn, twïër marge dwøŋ døc, ni ge na jïëc dwør Wuuö Jwøk, ge teek døc. Ka adïëri møn, cäŋ Wuuö Jwøk dwøŋ, ni beeye cäŋ lwär. ?Aŋa ni løny jïre ki man jïëny gø?