Jeremaya 36:8 - Wëël Jwøk

⁸ Ni ö Baruki o Neriya ni tïïc gïnögø na kare ki køør moa caan nyikuŋ Jwøki ma Jeremaya bëët jïre, nee luup Wuuö Jwøk kwaane yi wëëlö yi øt Wuuö Jwøk.

Jeremaya 36:8 Iomraidhean Croise

Neemiya 8:3

Ni kwaan wëëlö ki mana täge ka amöölla këël dhöör dïcäŋ, ni jiy ee løø nyïme kar acooŋa kanya leer na en nyïm dhi kiir man wø cwøl ni Dhi Kiir Pïï, ni kwaane nyïm cwøw ki mään, këël obwöre moa näk tier luubö cøøa wïthge. 'Ba jiy bëët ïthge acekge døc ki luup moa en yi wëël ciik Jwøk.

Jeremaya 1:17

«'Ba ennø, ï na Jeremaya en, jiiŋ riï ni ööï maal, ni caanï gïïo caana jïrï bëët jïge. Kärï lwäyö ki geni, niï ba døøya mo lwäär nyïmge.

Jeremaya 32:12

ni cïba weetøgø jï Baruk o Neriya nyikwaar Maciya nyïm Anamel o cöök wära, ki nyïm jiy moa nut na göör nyeŋge yïth weet ŋïëw moøgø, ki nyïm jø Juuth bëët moa näk opï piny yi kal mar jø koor.

Jeremaya 36:4

Kanyøgø Jeremaya Baruk o Neriya acwøle, ni ö Baruki ni göör luup piny bëët yi warakata dhi Jeremaya, ni beege luup moa caan Wuuö Jwøki jï Jeremaya.

Jeremaya 36:6

'Ba ïïni, wärï ci øt Wuuö Jwøk kanyo tïme na cäŋ wödö ki cam, ni kwaanï luup mo Wuuö Jwøk jï jiy, moa caana jïrï na göörï piny yi wëëlö, ni kwaanï ni jø Juuda bëët nut moo ööi ki yïth mïëri moge.

Mathiew 16:24

Kanyøgø Jecu bääge aluumme ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

1 Körin 16:10

'Ba kanyo ö Timöthi, wär ŋäyu ki man ba wëëgu cwïnye lwär. Kiper eni tïïya tïï Wuuö kaamar aani.