Jeremaya 36:7 - Wëël Jwøk

⁷ Kanymør ni Wuuö Jwøk kwacge kwaaø, ni ö ŋati man nø dïge ni luu ree ni wec jöör bëëtö mare na raac; kiper wëër mar Wuuö Jwøk, ka ajäla mana caane dëët jøøi ii dwøŋ døc.»

Jeremaya 36:7 Iomraidhean Croise

2 Nyeye 22:13

ni «Cou pëënynyu dwør Wuuö Jwøk kipera ki jø Juuda bëët kiper luup moa no ogöörö yi wëël ciik man na joot en. Kiper wëër mar Wuuö Jwøk, mano liel bäätø kaamar maac, dwøŋ; kiper kwäyø luup moa en yi wëël ciik man, na no ogöör piny kiperø, kärge wïnynyö, ni kärge kïth bäät tïïc.»

2 Nyeye 22:17

Kiper aana kwierge, ni wääŋge ki jer wø jïcge ŋwääi ni met jï juu møøk ni ge tïïya aani naa goota ki køør tïïe bëët moa temge ki ceŋge. Kiper manøgønø, wëër mara liel bäät paani kaamar maac, ni bëëde ni ba cuŋ.›

2 Luup Nyeye 34:21

ni «Cou pëënynyu dwør Wuuö Jwøk kipera, kiper jiy bëët moa dööŋ Icriel ki Juuda, kiper luup mo wëël ciik man na joot en; kiper wëër mo dwøŋ mar Wuuö Jwøk aö bäätø kiper mana ö kwäyø ni kärge dwør Wuuö Jwøk jïëö ki køør luup moi bëët no ogöör yi wëël ciik man en.»

Jeremaya 1:3

Ni dwør Wuuö Jwøk poot ööa bääte yïth nïra beet nyeya ma Jeyöakëm o Jöcaya na nyeny Juuda, këël mana pïïe ra aŋuun cwiic nyec moa na apaar kurciel na beet nyeya ma Cëdëkiya o Jöcaya na nyeny Juuda, ni beeye cwiina mak jø Jerucalemmi yie ki tøŋ ri bïï dwäde ni kïth geni paac mør.

Jeremaya 16:10

«'Ba kanyo caanï luupi ii jï jøøi, noo pëënyge ïïni, na ‹?Aŋø, aperŋø na ö Wuuö Jwøki na caan gïïögø ni døøŋŋø ni leth yøø ni tägö dëëtwa en? ?Agïnaŋø na baacwa, na agïnaŋø na raac na tïïcwa dëër Wuuö Jwøk, Jwøk marø?›

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 21:5

Ni ööa ki dëëra ni rwiea cera bäätu ki køør teek bada, ni këëda ki uuni ni aano wëër ki wëër mo dwøŋ mo liel kaamar maac.

Jeremaya 25:5

Ni mana køpge beeye, ni ‹Løgu rou ennø, ni weyu uutjïëth raay mou ki tïïe mou na reyø; køøre u bëëdö yi ŋöömö man na cïp Wuuö Jwøki jïïu ki kwäyu na bäre bäre.

Jeremaya 26:3

Kanymør ni wïnyge wïnynyö, ni ö ŋati man nø ni wec uutjïëth tïïe moe na reyø; køøre cwïnya dwøga piny ki man ba tïïa gïna leth na caara ni daa tïïö dëëtge kiper raay moa tïïcge.

Jeremaya 36:3

Kiper kanymør ni jø Juuda gïna leth na caara kiperge ni 'käla bäätge wïnyge wïnynyö, ni ö ŋati man nø dïge ni luu ree ni wec jöör bëëtö mare na raac; køøre nø, gïïa bacge ki raay moge wëënna wëënnö.»

Jeremaya 37:20

'Ba ennø Awuuö, ï na nyenynya, beerra man wïnynyï kwac mara, ni ba dwøgï aani yi øt Jönathan, ŋat wø göör luup akwöma piny, kiper naa ba thøøa kaace.»

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jeremaya 42:2

ni köge jïre, ni «Beerra man wïnynyï kwac marwa, ni lämï kiperwa jï Wuuö Jwøk, Jwøk marï, ni beeye kiper jøøi ii bëët moa dööŋ, kiper beeye waani keerwa na nøk ii na dööŋ røk jøøa thööth, kaawat man nëënwa jïrï ki waŋï ennø.

Wëël Kïmmö 4:11

Wuuö Jwøk wëër mare akäle ni dwøŋ døc; wëër mare ni wø liel kaamar maac ajääŋŋe; ni leeŋ maac yi Dhayan, ni ö maaci ni put tier kiir Dhayan thöör ki waaŋ bäre.

Edhikiel 12:3

«Kiper manøgønø, ï na wär dhaanhø, twöc jammi moï kede man wø täk bööki paac; ni putï tïŋŋö ki dïcäŋ ni nëënö jïge ni kede täga böök. Beerra man tïŋŋï paac marï ni ciï paac mør niï nëënö jïge. Kanymør tier gïnögø kwanyge kwanyø, këël na bëëtge ni gena jø ageem.

Edhikiel 13:13

« ‹Kiper manøgø nø, Kwäärö Wuuö Jwøk aköö: Na atuunna mo kwödö ni teek døc tïïa tïïö nee kwönne ki køør wëër mara ni wø liel kaamar maac. Aani, a wëër ni jääŋŋa køth mo dwøŋ mo muta piny mo ree da pey, ni raanynya kiir manøgø na bäre ki wëër mara.

Edhikiel 20:33

'Ba ka adïëri møn, kaawat man bëëda naa kwøw en, aani, a na Kwäärö Wuuö Jwøk, a caana gø jïïu, aani, aano tïmö na nyeya bäätu, ni käära uuni ki teek ni cera yaa rwieø bäätu, ni wëër mara ena bäätu.

Edhikiel 22:20

Kaawat man wø ö gwel-bïrö ki nywïëny møøk ma teeŋi wø kïthi ya dhaanhe yi maac ni leenya ge, aani thuwø u cooŋa cooŋø ki wëër mara, ni beeye wëër mara ni wø liel kaamar maac, ni kïtha u dï pääny ni jääla uuni ka ajäla mo caala man wø leeny nywïënyö.

Edhikiel 5:13

«Køøre wëër mara ni wø liel kaamar maac nijook, ni ö wëërri mara ni døø piny ki geni, ni ö yia ni thume. 'Ba kanyo poot wëërri mara ni ena bäätge, oputge ŋäc ni beeye aani na Wuuö Jwøk na cäänö ki geni ni aano këëyö.

Edhikiel 8:18

Kiper manøgønø, a wëër ki geni. Cwïnya ba pädhi ki gïrge këët, ni ba wara cwïnya ki geni. Ge këël doo jwöŋö deŋ ïtha ni döötge ena maal, aani ïtha ba ciia ko oduuru marge.»

Daniel 9:13

Gïï ni leth bëët ii aö bäätwa ki køør mana näk ogöörö yi wëël ciik Modhe; 'ba waani met yiï, ï na Wuuö Jwøk, Jwøk marwa, kärwa manynyø, ni kärwa røkwa løø ki yïth raay mowa, ki man luuwa wïthwa baŋ adïëri marï.

Daniel 9:18

Wui ï na Jwøk mara, cek ïthï ni wïnynyï mara! Jap nyeŋŋï ni raŋï ränynyö marwa ki mar pääny man wø cwøl ri nyeŋŋï. Waani ï ba kwacwa kaper ni da gïn mo beer baŋwa; 'ba beeye kiper mëër marï na päl.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Jool 2:13

Tïmu nou cööta cwïnynyu ki kïmmö, ni patha abïïe mou.» Ennø, duu baŋ Wuuö Jwøk, Jwøk maru, kiper eni yie met, ni mëër ki jiy, ni bäŋ wø laar wëër, ni mëër mare ni wø ba jøøl päl, ni cwïnye wø di warø ki gïn mo leth.

Joona 3:8

'Ba jiy ki lääy keece wär bëëtge ni ena dëëtge, ni ö jiyi ni jwöŋge døc dëër Jwøk, ni ö ŋati man nø ni løk ree ni wec jöör raay moe ki gïïa reyø ni wø tïïe ki ceŋŋe.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Tiet Ciik 31:16

Ni kö Wuuö Jwøki jï Modhe, ni «Neenï, ï thøw ni läpï køør kwäyu. 'Ba jøøi ii, kanyo pïïcge yi ŋöömö mano cige yie enø, ge gëëmö ki aani ni tïm cwïnyge no onieŋ køør juu møøk, kaawat man wø tïïc dhaaŋ paaci mo rïïŋö køør käp; ni wecge aani, ni kwierge luubö mana tuuda ki geni.

Tiet Ciik 31:17

'Ba wëër mara puta liel dëëtge kaamar maac dïcäŋöca. Aani, ge wiia wiiø ni kana täärnyïma ki geni; ni pïïc gïï mo lethi ki gïï mo reyø bäätge, ni putge thumö ki thøø. 'Ba kar kaaca geno köö, na ‹Aŋø, paa per Wuuö Jwøk na tøøre dïïø ni pïïc gïï ni leth bäätø en?›