Jeremaya 36:5 - Wëël Jwøk

⁵ Køøre Jeremaya acäänö ki Baruk ni kööe, ni «Aano mänö, ni ba løny jïra ki man cøøa øt Wuuö Jwøk.

Jeremaya 36:5 Iomraidhean Croise

Neemiya 6:10

'Ba dïcäŋ aciel, aana ci øt Cemaya o Delaya nyikwaar Meethabël, kanya bëëde ni eno cïëk yi øde. Køøre ena köö, ni «Beerra man cøø nee ø dwätø yi Øt Jwøk Mana Dwøŋ, ni cïëgø odhuule mo Øt Jwøk bäätø, kiper geni, ge ööa kuna 'näkge ïïni, ni kanyo öge kuna 'näkge ïïni yie beeye wäär.»

Jeremaya 20:2

eni na Pacuur nyikuŋ Jwøk ma Jeremaya awëëk pöödö, ni wëëk tiet gø kïth yo orøgø na en deŋ dhi kal mar Øt Jwøk mana cwøl ni Benjamen.

Jeremaya 32:12

ni cïba weetøgø jï Baruk o Neriya nyikwaar Maciya nyïm Anamel o cöök wära, ki nyïm jiy moa nut na göör nyeŋge yïth weet ŋïëw moøgø, ki nyïm jø Juuth bëët moa näk opï piny yi kal mar jø koor.

Jeremaya 32:2

'Ba kar kaace beeye kanya bëët jø lenynyi mo nyeny Babiløn ni Jerucalem ege ciel dïër, ni nyikuŋ Jwøk ma Jeremaya odëët yi kal mar jø koor mana en paan dwøŋ mar nyeny Juuda.

Jeremaya 33:1

'Ba dwør Wuuö Jwøk acäŋ ö bäät Jeremaya ri rietge, kanya bëët Jeremaya ni poot noo dëët yi kal mar jø koor, ni kööe,

Jeremaya 37:15

Ni ö jøøa kwörge døøŋŋø ni räny cwïnyge ki Jeremaya ni pwötge gø, ni putge gø kïth kar twöc yi øt Jönathan, ŋat wø göör luup akwöma piny, ni beeye øda näk ege tïïö na kar twöc.

Jeremaya 38:28

Køøre Jeremaya aput bëëte yi kal mar øt jø koor këël dïcäŋa ö Jerucalemmi na maai yie ki tøŋ.

Jeremaya 38:6

Køøre Jeremaya akälge, ni kïthge gø yi buur man wø cuŋ pïïyi yie mar o nyeya ma Malkiya, ni lwarge gø piny ki thøøli. 'Ba buurögø ena yi kal mar øt jø koor, ni yie bäŋ pïï, 'ba nuta onøt yie keere. Ni ö Jeremaya ni neemwøny piny yo onødøgø.

Jeremaya 40:4

'Ba dïcäŋi ennø, ka adïëri møn, aani, ï päda pädö yïth tiimme moø ni en ceŋŋï yøø. Ni näk miï jiera man ciï Babiløn ki aani, ø aay na aciel, ni gwøa ïïni; 'ba ni näk miï jiera man ba ciï Babiløn ki aani, løny ki man bëëdï. Neenï, yi paac man bäre løny ki man jierï kanya manynyï jaak; løny jïrï ki man ciï kanya näk wøp ni iï caarø ni beer ki jïrï.»

2 Körin 11:23

?Gena jiy mo tïnynya Krictø? Theemma aani. Ŋääa naa cäänö kee aana bøøl. Aani, kadha öölö mara, ni kadha aani ki tööyö uut tööc. Aana pööti ki kwör pöödö mo ba kwaan, ni bødha kwör mo thööth ki thøø.

Epeca 3:1

Ni beeye na ööa, a na Pøøl, na tööny Krictø Jecu kiperu, u na juurre.

Epeca 6:20

luumma tïma ni aana kar dhøk kipere ni bëëda yïth oguudi en. Lämu kipera kiper nee luummögø køba døøc ni cwïnya da cer keda mana daa gø caanø.

2 Timöthi 2:9

ni beeye luummögø na nyään na met ni jwøra gïï ni leth ii kipere, ni aano twöö ko oguudi kede aana kuu. 'Ba luum Jwøk patha otwöö.

Ibaru 11:36

Ni ö jø møøki ni buui ni pööti, ni ö møøki ni tööc geni ko oguudi ni kïth ge øt twöc.