Jeremaya 36:30 - Wëël Jwøk

³⁰ Kiper manøgønø, luumma caan Wuuö Jwøki kiper Jeyöakëm nyeny Juuda beeye en: Eni ba jïti ki ŋat mo läw bäät wäl Deebit; ni kanyo thøøe, rïŋ dëëre leeŋa wøk yi cäŋ ni bëëde yi köö ki dï wäär.

Jeremaya 36:30 Iomraidhean Croise

Wïlöölö 31:40

Ni bëëda ni cäŋ ki kööc wäär bäre 'näga aani, ni bäŋ niine nyeŋŋa.

Luup Dïpööy 6:3

Dhaanhø løny ki man näk mo jïre da obwöre ma dïpa, ni ö eni ni bëëde ki cwiiri mo thööth ni eni kwøw; 'ba këël cwiiri moa beede doo thööth, ni näk mo yie kär mïnnö ki japa beyø na joode, ni eni ba koony ki koony ma kare, aani, a doo köö, ni «Beerra dhaanhø mo obwön wøk ni kaala eni.

Jeremaya 22:30

Mana caan Wuuö Jwøki beeye en, ena köö, «Göör nyeŋ Jekönaya piny na dhaanhø mo kee bäŋ wïïe mo ee nywølø, na dhaanhø mo bëëtö mare ba bëënynyi ki yïth nïr kwøw moe; kiper ki røk jiy moo käl dëëre, bäŋ dhaanhø mo bëënynyi, ni bäŋ dhaanhø mo pï piny bäät wäl Deebit, ni bäŋ dhaanhø mo käär jø Juuda.»

Jeremaya 52:2

'Ba ena bëëdö ni tïïya gïï mo nëëni ni reyø ki jï Wuuö Jwøk, kaawat moa tïïc Jeyöakëmmi.

Jeremaya 8:2

Ni keethge cuu piny, ni nëënö jï cäŋ ki dwääy ki ceer, ni beege gïïa en cwïnyge køørge na lamge, na caathge køørge, na manyge, na wøørge. Cuu moøgø ba cooŋ kanya ciel ni ba koony piny; 'ba geno tïmö kaamar wär mo oker piny jaak.