Jeremaya 36:3 - Wëël Jwøk

³ Kiper kanymør ni jø Juuda gïna leth na caara kiperge ni 'käla bäätge wïnyge wïnynyö, ni ö ŋati man nø dïge ni luu ree ni wec jöör bëëtö mare na raac; køøre nø, gïïa bacge ki raay moge wëënna wëënnö.»

Jeremaya 36:3 Iomraidhean Croise

Neemiya 1:9

'Ba ni näk mou duua baŋa, ni gwøgu ciik 'moa ni kïthu geni bäät tïïc, këël noo bëëdu ni kwöra näk mo u yaa keethø yïthge beeye kwör mo bäyö, u lema lemø yïth kwörögø ni duua uuni kany, kanya näk yaa jierø nee nyeŋŋa bëëde ni ŋäc yie.›

Aydheea 6:10

Tïïc cwïny jøøgø ni teek, ni cïëgï ïthge, ni meyï nyeŋge, nee tïme ni ba løny ki man nëënge ki nyeŋge, ni ba wïnyge ki ïthge, ni ba ci luupi cwïnyge, ni ba duuge baŋ Jwøk ki man jïtge ki køny.»

Jeremaya 18:11

«'Ba ennø, ï na Jeremaya en, caan gïn jï jø wø bëëdö Jerucalem, ki jï jø wø bëëdö dï Juuda bäre, ni kööï, ni ‹Mana caan Wuuö Jwøki beeye en: Ka adïëri møn, aani, a kännö bäätu ki gïn mo leth døc, ni beeye acaay ajäla mo teek døc kiperu. 'Ba ennø, ŋati man nø dïïu luu ree ni wec jöör bëëtö mare na raac, ni tïïyu uutjïëth bëëtö mou ki tïïe mou ni beyø.›

Jeremaya 18:8

'Ba ni näk mo jøøa cääna dëëtge ki luubö, cwïnyge løkge løø ni wecge gïïa reyø, aani, cwïnya dwøga piny ki gïna leth na caara ni daa tïïö dëëtge.

Jeremaya 23:14

'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 26:3

Kanymør ni wïnyge wïnynyö, ni ö ŋati man nø ni wec uutjïëth tïïe moe na reyø; køøre cwïnya dwøga piny ki man ba tïïa gïna leth na caara ni daa tïïö dëëtge kiper raay moa tïïcge.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 36:7

Kanymør ni Wuuö Jwøk kwacge kwaaø, ni ö ŋati man nø dïge ni luu ree ni wec jöör bëëtö mare na raac; kiper wëër mar Wuuö Jwøk, ka ajäla mana caane dëët jøøi ii dwøŋ døc.»

Edhikiel 12:3

«Kiper manøgønø, ï na wär dhaanhø, twöc jammi moï kede man wø täk bööki paac; ni putï tïŋŋö ki dïcäŋ ni nëënö jïge ni kede täga böök. Beerra man tïŋŋï paac marï ni ciï paac mør niï nëënö jïge. Kanymør tier gïnögø kwanyge kwanyø, këël na bëëtge ni gena jø ageem.

Edhikiel 18:23

Wuuö Jwøk aköö, na «?Aŋø, løny ki man mïn yia ki thøø mar ŋat raay? Ba doo løny; 'ba man manynya beeye ki man løk ree nee bëëde ni kwøw.

Jepaniya 2:3

Manynyu Wuuö Jwøk, u na mwöl bëët bäät piny, ni wø gwøk ciik Wuuö Jwøk. Manynyu bëënynyö, ni manynyu bëët mööl; kanymør u gwøe gwøø cäŋ wëër mare.

Mathiew 13:15

Kiper cwïny jøøi ii, atïmö ni bäŋ gïn mo maarge joot, ni ïthge odhïŋ ki man wïnyge luubö, ni nyeŋge ege miiø, kiper nee ba jootge ki nyeŋge, ni ba wïnyge ki ïthge, ni ba kwanyge tier gø ki cwïnyge, ni ba luuge rege baŋa, nee ge kønya.›

Maak 4:12

« ‹kiper nee neenge møn, 'ba tier gø ba jootge. Ni wïnyge gø møn, 'ba tier gø ba kwanyge. Kiper kanymør dëëtge dege løø ni wëën geni.› »

Luk 20:13

«Kanyøgø nø, wää pwödhe aköö, na ‹?Agïnaŋø noo tïïa? Wääda na mëëra ki gø jääŋŋa jääŋŋö. Kanymør owøørge.›

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Moa Tïïc Nyïïatwieli 28:27

Kiper cwïny jøøi ii, atïmö ni bäŋ gïn mo maarge joot, ni ïthge odhïŋ ki man wïnyge luubö, ni nyeŋge ege miiø kiper nee ba jootge ki nyeŋge, ni ba wïnyge ki ïthge, ni ba kwanyge tier gø ki cwïnyge, ni ba luŋge baŋa, nee ge køny.» ›

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

Tiet Ciik 30:2

ni duuu baŋ Wuuö Jwøk na näk Jwøu, ni beege uuni ko obwöre mou, ni leŋŋu dwøre ki cwïnynyu bäre ki jwïëyu bäre ki køør luup bëët mo köömma uuni ki ge dïcäŋi en,

Tiet Ciik 30:8

Kar kaace uuno cäŋ tïmö ni dwør Wuuö Jwøk leŋŋu leŋø, ni gwøgu ciik moe bëët mo köömma uuni ki ge dïcäŋi en.

Tiet Ciik 5:29

'Ba doo na ge puta bëëtö ki cwïny ma enøgønø na bëëde, ni ge lwäär ki aani ni ciik 'moa gwøkge gwøø cooth, doo beer; køøre geni ko obwöre moge ge doo jïtö ki bëëtö mo beer na bäre bäre.

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.

1 Camiel 7:3

Køøre Camiel acäänö ki jø Icriel bëët, ni kööe, ni «Ni näk mo u duua baŋ Wuuö Jwøk ki cwïnynyu bäre, wetu juuga path ki juuga cøøri na Actaröth na en dïïu, ni cïpu cwïnynyu jï Wuuö Jwøk na bäre, ni tïnynyu eni keere; køøre uuno pieme ceŋ jø Pilitin.»