Jeremaya 36:26 - Wëël Jwøk

²⁶ Køøre nyeya, o nyeya ma Jeramiel, ki Ceraya wär Adhiriel, ki Celemiya wär Abadël, aköömme nee cige baŋ Baruk ŋat wø göör luup piny, ki baŋ nyikuŋ Jwøk ma Jeremaya, kiper nee makge, 'ba Jeremaya ki Baruk geno nø kan Wuuö Jwøki.

Jeremaya 36:26 Iomraidhean Croise

1 Nyeye 17:3

ni «Aayï kany ni ciï jï løø kur tuul-cäŋ, ni kanï riï bäät waŋ Naam Kerit, na en jï løø kur tuul-cäŋ ki Naam Jördan.

1 Nyeye 17:9

ni «Ö maal ni ciï Dherepeth na en tier Caydan, ni bëëdï kaace. Neenï, da nyijø ma cï thøø mo yaa nø köömmö kaace kiper niï wø mooe ki cam.»

1 Nyeye 18:4

kiper kanya ö Jedhebelli na 'näk nyïïkuk Jwøk mo Wuuö Jwøk, Øbadiya nyïïkuk Jwøk ma dïpa akäle ni kan ge yïth uut kïte na pïërabïïc pïërabïïc, ni bëëde ni møya geni ki cam ki pïï.

1 Nyeye 19:10

Ni kö Ilaaja, ni «Aani, aana këëyö døc kiperï, ï na Wuuö Jwøk, Jwø wïth jammi bëët; kiper jø Icriel luumma tuutï ki geni awecge, ni raanyge gïï wø cïp olämme bäätge moï, ni 'näkge nyïïkuk Jwøk moï ko opëëllö. 'Ba beeye aani keera na dööŋ, ni ge poot manynya jwïëy 'moa nee raanyge.»

1 Nyeye 19:14

'Ba Ilaaja aköö, ni «Aani, aana këëyö døc kiperï, ï na Wuuö Jwøk, Jwø wïth jammi bëët; kiper jø Icriel luumma tuutï ki geni awecge, ni raanyge gïï wø cïp olämme bäätge moï, ni 'näkge nyïïkuk Jwøk moï ko opëëllö. 'Ba beeye aani keera na dööŋ, ni ge poot manynya jwïëy 'moa nee raanyge.»

1 Nyeye 22:26

Køøre nyeny Icriel aköö, ni «Lwørru Mikaya ni dwøgu gø baŋ Amön kwääc pääny ki Jöac o nyeya;

2 Nyeye 11:2

'Ba Jeyöcaba, nyi nyeya ma Jöram, cöök Akadhiya, Jöac wär Akadhiya akwäl wøk ki yïthakic wäät nyeya moa näk di nääö, ni kïth gø yi øt niine mana en yi Øt Wuuö Jwøk, ge ki ŋata pïr gø, ni eni kana gø nee ba joot Athaliya; ni ö eni ni käri nääö këët.

2 Luup Nyeye 18:26

ni kööu, ni ‹Nyeya aköö ni kïthu nyeni øt twöc, ni mooyu eni ki cam mo thiinh ki pïï mo thenh këël kanyo duua ni bäŋ gïn mo otägö dëëra.› »

Dut Pwøc 57:1

Dut Pwøc 91:1

Aydheea 26:20

U na jiya, dønynyu yïth uudi mou, ni cïëgu dhøk odhuule mou bäätu, ni kannu dëëtu ki kany mo thiinh, këël kanyo ö wëëc Wuuö Jwøki noo pöödhe.

Jeremaya 1:19

Geni, ge këëdö ki ïïni, 'ba ï ba böötge, kiper a ena buutï, naa peemma ïïni.» Luummögø caana Wuuö Jwøki.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 26:24

'Ba gïna tägö kiper Jeremaya, Akikam o Capan odwätö ki Jeremaya; køøre Jeremaya kär cïp ceŋ jiy nee 'näk.

Jeremaya 36:19

Køøre jøøa kwörge døøŋŋø aköö jï Baruk, ni «Ïïni ki Jeremaya, cou ni kannu rou, ni bëëdu ni bäŋ dhaanhø mo ŋäc kanyo enu yie.»

Jeremaya 36:5

Køøre Jeremaya acäänö ki Baruk ni kööe, ni «Aano mänö, ni ba løny jïra ki man cøøa øt Wuuö Jwøk.

Jeremaya 38:6

Køøre Jeremaya akälge, ni kïthge gø yi buur man wø cuŋ pïïyi yie mar o nyeya ma Malkiya, ni lwarge gø piny ki thøøli. 'Ba buurögø ena yi kal mar øt jø koor, ni yie bäŋ pïï, 'ba nuta onøt yie keere. Ni ö Jeremaya ni neemwøny piny yo onødøgø.

Jøøn 11:57

'Ba kwääc laam ki jø Paricith onø cïpö ki dwøl, ni noo dee dhaanhø mo ŋäc kanya en yie, wär caane jïge, kiper nee eni makge.

Jøøn 7:32

'Ba jø Paricith luum lwaaøgø awïnyge ni ge muuŋö na enøgønø ki nyeŋ Jecu. Ni ö kwääc laammi ki jø Paricith ni jääŋge dïkuye mo Øt Jwøk kuna makge gø.

Jøøn 8:20

Luupögøøni caane buut kar gïn wø cïp muuce yie, kanya pööe yi kal mar Øt Jwøk Mana Dwøŋ. 'Ba bäŋ dhaanhø aciel mo omak gø, kiper na poot caa mare ni poot kär öö.

Jøøn 8:59

Kanyøgø gena kwänynyö ki kïte nee eni këërge ki ge, 'ba Jecu ree akane ki geni, ni aa wøk ki yi Øt Jwøk Mana Dwøŋ.

Moa Tïïc Nyïïatwieli 12:11

Ni ö Piterri ni put dëëre ŋäc ni kööe, ni «Kawaane, ajooda na adïëri møn, ni Wuuö nyïïatwiel maal mare ajääŋŋe ni piem aani cer Eerat, ki luupa näk ocooŋ jø Juuthi bëët ki cwïnyge.»