Jeremaya 35:6 - Wëël Jwøk

⁶ 'Ba gena köö, ni «Wa ba mädhö ki køøŋø, kiper kwarwa ma Jönadap o Rëkap waana köömme, ni kööe, ni ‹Uuni ki wäätu, käru mädhö ki køøŋø na bäre bäre;

Jeremaya 35:6 Iomraidhean Croise

Wïlöölö 25:27

'Ba kanya døøŋ obwöre moøgø, Icøø atïmö na dhaanhø mo dwaar ŋääe døc kiree, ni put bëëdö na ŋat paap. 'Ba Jeekap ena dhaanhø mo yie ee cïp piny jaak, ni bëëdö paac cooth.

Wïlöölö 36:7

Kiper jammi moa en jïge atïmö ni thööth døc, ni ba løny jïge ki man bëëtge kanya ciel, ni ö ŋøømmi moa bëëtge yie ni gena wëëlle ni tïmge ni ba rømi jïge; kiper lääc paac moge thööth.

2 Nyeye 10:15

'Ba kanya nø tïŋ Jiyu kaace, ena røømmø ki Jönadap o Rëkap, ni Jönadap ööa kuna jøl eni. Ni ö Jiyu ni määth gø ni kööe jï gø, ni «?Ïïni cwïnyï aciel ki cwïnya kaawat man bëët cwïnya na aciel ki cwïnyï en?» Ni løgi ya Jönadapi, ni «Yaa, beeye kare.» Ni köö Jiyu, «Ni näk cwïnyï aciel ki cwïnya, rwää cerï baŋa.» Ni ö Jönadapi ni put cere rwaak baŋ gø, ni ö Jiyu ni put gø käl baŋe yi jääy man wø tut okweenynyi.

2 Nyeye 10:23

Køøre Jiyu adøny yi øt Baal ge ki Jönadap o Rëkap, ni kööe jï jø wø tïny Baal, ni «Rääŋu døc, ni manynyu dëëtu, ki man näk mo bäŋ jic Wuuö Jwøk mo ena dëëtu kany, 'ba beeye uuni ni wø tïny Baal keeru na en kany.»

1 Luup Nyeye 16:19

Kanya bëëtge ni kwäänge nøk, ni ge nøk døc ni gena wëëlle yi ŋöömmögø,

1 Luup Nyeye 2:55

Wïth tuŋi mo wø tïïc tïï göör beege jø wø bëëdö paano cwøl ni Jabec, ni beege jø tuuŋ Tiret, ki jø tuuŋ Cimät, ki jø tuuŋ Cukath. Ge bëët gena jø Këën moa käl ri tuuŋ Amath na näk wää dhi øt Rëkap.

Bwøth Wøk 20:12

«Wøør wäru ki meru, kiper nee nïr kwøw moï thöönhge yi ŋöömmo cïp Wuuö Jwøki na näk Jwøu jïïu.

Jeremaya 35:10

'Ba waani, gïïa ö kwarwa ma Jönadap na kööm waani ki geni bëët awïnywa, ni tïïcwa geni ki køør mana caane, ni bëëtwa ni wa bëëdö yïth oduŋkaare keerge.

Jeremaya 35:14

'Ba luup Jönadap o Rëkap na kööm wääte ki geni, nee geni ba mäthge ki køøŋø, agwøkge; ni ge kär mädhö ki køøŋø këël dïcäŋi en, kiper gïna ö kwarge na kööm geni ki gø atïïcge na kare. 'Ba aani, aana cäänö ki uuni kwöre mo thööth, 'ba uuni, mara käru wïnynyö.

Ciik Kiper Dïlämme 10:9

ni «Ïïni ki wäätï, kär nou bëëdö ni uuno mädhö ki køøŋ nyïïomøki wala køøŋø mo keec, kany wø cou yo oduŋkaany røømmø, kiper nou ba thøwu. Manøgø tïmö na ciik mo bëëdö na bäre bäre ki yïth beenhnhe mou,

Luk 1:15

Kiper eno tïmö na ŋat mo dwøŋ nyïm Wuuö Jwøk, ni eni ba mädhö ki køøŋ nyïïomøki wala køøŋø mo keec. 'Ba eno bëëdö ni päŋ ki Jwïëc Jwøk na en kur keere, ki mano täge ni ena yi menni.

1 Piter 2:11

U na mëëra ki uuni, a kwaya uuni, kiper mana näk uuna wëëlle nou path yi pinyi en, bëëdu ni karu bäär ki gïïa reyø wø many dëëlli ni wø këëdi ki jwïëyu.

Pïëmme 13:14

Eni ba doo mädhö ki køøŋ nyïïomøki wala teeŋ køøŋø mør, ni ba cäme ki gïn mo käla ri jaadhøgø, ni ba cäme ki gïïa no ocaanø ni ba waany. 'Ba beerra man ö nyijøøgø ni gwøk jammi bëët moa köömma eni ki ge.»

Pïëmme 13:7

'Ba ena köö jïra, ni ‹Neenï, ïïno jïti ki dhaanhø ni lwaarï ki gø na dïcwøø; 'ba ennø, kärï mädhö ki køøŋ nyïïomøki wala teeŋ køøŋø mør, ni ba cämï ki gïïa no ocaanø ni ba waany, kiper nyilaal manøgø otïmö na ŋat Nadhir no ocïp kur keere jï Jwøk ki mano täge ni ena ec këël aŋuun thøø mare.› »