Jeremaya 35:4 - Wëël Jwøk

⁴ ni kïtha geni yi Øt Wuuö Jwøk, yi thääŋ øtø mar wäät nyikuŋ Jwøk ma Anan wär Igdaliya, ni beeye thääŋ øtø mana en buut thääŋ øt jøøa kwörge døøŋŋø, ni ødøgø ena maal bäät thääŋ øtø mar Maycëya o Calum ŋat wø koor dhi øt Jwøk.

Jeremaya 35:4 Iomraidhean Croise

1 Nyeye 12:22

'Ba dwør Jwøk aö bäät nyikuŋ Jwøk ma Cemaya ni kööe,

1 Nyeye 13:1

'Ba da nyikuŋ Jwøk ma aöö ki Juuda ni ööa Bëthël ki køør mana caan Wuuö Jwøki jïre, kanya bëët Jeröbämmi ni cuŋŋö buut gïn wø cïp olämme bääte ni cïpö ko olämme.

1 Nyeye 13:26

'Ba kanya ö nyikuŋ Jwøki mana duu eni ki jöö na wïny gø, ena köö, ni «Beeye nyikuŋ Jwøk mana kwier luumma cem Wuuö Jwøki. Ena cïp Wuuö Jwøki dhi ŋuu, ni jeeyi, ni thøøe ki køør luubö mana caan Wuuö Jwøki jïre ni eni di nääö.»

1 Nyeye 17:18

Køøre nyijøøgø aköö jï Ilaaja, na «?Agïnaŋø ni en yïthakiyø ki ïïni, ï na nyikuŋ Jwøk en? ?Aŋø, ï ö baŋa niï tïïya raay 'moa nee wïïa para ki geni, niï tïïya wääda nee thøøe?»

1 Nyeye 17:24

Køøre nyijøøgø aköö jï Ilaaja, ni «Ennø, aputa ŋäc ni ïïna nyikuŋ Jwøk møn, ni dwør Wuuö Jwøk mana caanï ki dhiï beeye adïëri.»

1 Nyeye 20:28

Køøre nyikuŋ Jwøk aöö ni cääne ka Akap nyeny Icriel ni kööe, ni «Wuuö Jwøk aköö, ni ‹Kiper mana kö jø Arammi ni Wuuö Jwøk beeye Jwø bäät kïte, ni eni paa Jwø gøli, aani lwaak manøgø bäre ni dwøŋ enø, cïba ceŋŋu, nee putu ŋäc ni aana Wuuö Jwøk.› »

2 Nyeye 1:9

Kanyøgø kwääy jø leny ma pïërabïïc ki jiye moa näk pïërabïïc aput nyeya jääŋŋö baŋ Ilaaja. Køøre kwääc jø leny manøgø aci baŋ Ilaaja, ni Ilaaja opï piny bäät thuur; ni kööe jï Ilaaja, «Wui, nyikuŋ Jwøk, nyeya aköö ni ööï.»

2 Nyeye 12:9

'Ba Jööda na näk Kwääy Lam Mana Dwøŋ alwötö ka acanduk ni køl dhi gø, ni cïp gø buut gïn wø cïp olämme bääte, bäät cwïïc jï løø wø døny dhaanhe yi Øt Wuuö Jwøk ki yie; 'ba dïlämme mo wø koor dhi Øt Jwøk, gwel bëët mo wø cïp yi Øt Wuuö Jwøk putge ka kïth ya acanduk.

2 Nyeye 25:18

'Ba kwääy jø koor, Ceraya na näk Kwääy Lam Mana Dwøŋ, ki Jepaniya dïlämi mana en køøre, ki jiy adäk moa koor dhi Øt Wuuö Jwøk amaae ki tøŋ.

2 Nyeye 5:14

Kanyøgø ena put ci yi Naam Jördan ni rønye kwöre abïriiø kaawat mana caan nyikuŋ Jwøki, ni ö dëëre ni put døø kare, ni tïm dëëre kaamar dëër nyilaal mo poot thiinh, ni ö dëëre ni put tïmö ni waany.

2 Nyeye 5:20

Gaadhi ŋat tïïc mar nyikuŋ Jwøk ma Ilaaca acätö ni kööe, ni «Ka adïëri møn, kwäärö mara, Neeman nyï Aram awiie jaak ni aae, ni bäŋ gïn mo ee kälö baŋ gø røk gïïa ööe ki ge. Ŋëët Wuuö Jwøk Jwøa kwøw, aani a reŋŋa køøre naa käda baŋe ki gïrpiny.»

2 Nyeye 6:10

'Ba nyeny Icriel ajääk kanya caan nyikuŋ Jwøki jïre ki jiy; ni ö eni ni kööm jiy nee rege gwøkge kaagø. 'Ba gïnögø atägö kwöre mo thööth.

2 Nyeye 7:17

'Ba ŋat wø cäädhi ki nyeya atïïc nyeya nee dhi kiir koore; 'ba ŋatøgø aput jiyi nyørø dhi kiir, ni put thøø kaawat mana caani ya nyikuŋ Jwøki kanya ö nyeya na ö baŋe.

2 Nyeye 7:2

'Ba aløk ŋat wø cäädhi ki nyeya jï nyikuŋ Jwøk ma Ilaaca ni kööe, ni «?Gïnögø ba tägi na bäre. ?Aŋø, Wuuö Jwøk, da dha awëërnyeŋ mo jabe jabø maal mo cam öö ki yi gø?» Ni løgi ya Ilaaca ni kööe, ni «Ka adïëri møn, jootï joodø ki waŋï, 'ba bäŋ gïn mo camï camø ri gø.»

1 Luup Nyeye 9:27

'Ba geni ge bëëdö deŋ Øt Jwøk ki wäär bäre, kiper bee geni ni wø koor gø, ni japge dhøk gø ka amöölla cooth.

2 Luup Nyeye 8:14

'Ba Cølöman ki køør ciik mo wänni ma Deebit, dïlämme acïïmme na dhøgi bäät tïïe moge; ni cïïm jø tuuŋ Libay na dhøgi kiper tïï dwøk pwøc ki køny dïlämme ki tïïc ki køør ciik moa näk ocïp piny kiper yi cäŋ cooth; ni cïïm jø koor dhøk kal na dhøgi bäät dhøk kal bëët, ki køør mana caan Deebiti na näk dhaanh Jwøk.

Jeremaya 21:1

'Ba dwør Wuuö Jwøk aö bäät Jeremaya, kanya ö nyeya ma Cëdëkiya na jääŋ Pacuur o Malkiya ki dïlämi ma Jepaniya o Maycëya baŋe. Ni köge jïre,

Jeremaya 26:10

'Ba kanya ö jø Juuda moa kwörge døøŋŋø na wïnyge gïïa tägö yøø, gena öö ki paan dwøŋ ni cige Øt Wuuö Jwøk, ni pïge piny kar acooŋa dhi kal mar Øt Wuuö Jwøk mana cwøl ni Dhi Kal Mana Nyään.

Jeremaya 35:3

Køøre aani, Jaadhania o Jeremaya nyikwaar Kabadhiniya, ki nyïïmenni ki wääte bëët ki jø dhi øt Rëkap bëët akäla,

Jeremaya 52:24

'Ba Nabucaradan kwääy jø koor, Ceraya na näk Kwääy Lam Mana Dwøŋ, ki Jepaniya dïlämi mana en køøre, ki jiy adäk moa koor dhi Øt Wuuö Jwøk amaae ki tøŋ.

Edhikiel 40:38

'Ba da øtø mo dhee ena buut yi-øtø mana en nyïm mar øt-dhi-kal mana en dïër, ni beeye kany wø peny olämme yie mo wø waaŋ bäre.

Edhikiel 43:8

Kanya wara tïïcge dhøk uudi moge ni ena buut dhi øtø mara, ni tïïcge agööle moge ni ena buut agööla mara, naa pää kalli keere na en yïthakicwa ki geni, nyeŋŋa na en kur keere wø putge ka päät ki jap wø tïïcge na raac yia ki geni. Kiper manøgønø, gena raanynya ki køør gootø mara.

Tiet Ciik 33:1

'Ba man beeye gwïëth mana ö Modhe dhaanh Wuuö Jwøk na gwïëth jø Icriel ki gø kanya poode ni eni poot kär thøw, ni kööe,

1 Timöthi 6:11

'Ba ïïni, ï na dhaanh Jwøk, tïïc karï ni bäär ki gïïögø. Këël wïïï ri gïïa beyø ki bëët jöör Jwøk, ki ŋäädhe, ki mëër, niï teek, niï mwöl.

2 Timöthi 3:17

Kiper nee ŋata näk dhaanh Jwøk nee tïme ni eno thur kare, ni ree ee jiiø kiper tïïe mo wø beyø bëët.

Jøcua 14:6

'Ba kanya poode ni ŋøøm poot kär pääŋŋö, jø tuuŋ Juuda aö nyïm Jøcua kanya enge Gëlgela. 'Ba Kalëp o Jöpöni nyikwaar jø Kënec aköö jï gø, ni «Ïïni, dwør Wuuö Jwøk mana caane jï Modhe na näk dhaanh Jwøk ŋäyï, ni dwørøgø caane kiperø ø riedi kanya enø Kadëc-Bernia.

1 Camiel 2:27

'Ba nyikuŋ Jwøk mør aö baŋ Ëli ni kööe jïgø, ni «Man beeye dwør Wuuö Jwøk, ena köö, ‹?Aŋø, aani dëëra kära nyoodhø jï dhi øt kwaru kanya bëëtge Ijep po Peerø na näk kar bëët laŋ?